ઘોઘાવદર મુકામે સંત દાસીજીવણ ટ્રસ્ટ દ્વારા ર૪મીએ સમુહ લગ્નોત્સવઃ બાવન કન્યા પ્રભુતામાં પગલા પાડશે

News of Monday, 14th May 2018

ઘોઘાવદર મુકામે સંત દાસીજીવણ ટ્રસ્ટ દ્વારા ર૪મીએ સમુહ લગ્નોત્સવઃ બાવન કન્યા પ્રભુતામાં પગલા પાડશે

રાજકોટ તા.૧૪: રાજકોટ જિલ્લાના તિર્થધામ ઘોઘાવદર ખાતે સંત શિરોમણી દાસી જીવણસાહેબની જગ્યા ગૌશાળા ટ્રસ્ટ આયોજીત સમસ્ત મેઘવાળ સમાજની બાવન કન્યાઓ વાજતે ગાજતે ધામધૂમથી તા.ર૪ ગુરૂવારે લગ્ન ગ્રંથીથી જોડાશે. આ લગ્નોત્સવમાં લોકમેળા ફેઇમ કલાકાર, ટીવી રેડિયો, લોક સાહિત્યકાર તુલસીદાસ ગોંડલીયા ૯૯૭૯૪ ૬૯પ૯૯ પોતાની વિવિધ શૈલી દ્વારા કલાના કામણ પાથરશે તથા નવદંપતિને સુખી દાંપત્ય માટે રાહ ચિંધી શુભકામનાઓ પાઠવશે. આ સમુહ લગ્નોત્સવમાં સાધુ-સંતો, મહંતો, અગ્રણીઓ, દાતાઓ, પદાધિકારીઓ પધારી શોભાયામાં અભિવૃધ્ધિ કરશે. તા.ર૩મી રાત્રિએ દાસીજીવણ જગ્યા ખાતે સંતવાણીનો કાર્યક્રમ યોજાશે. આ પ્રસંગને સફળ બનાવવા ટ્રસ્ટના પ્રમુખ જયંતીભાઇ પી. પરમાર (વાળાધરી) વાળા તથા સમિતિના મેમ્બરો જીવણસાહેબના ભકતો આ પ્રસંગને ચાર ચાંદ લગાવશે. આ શુભ પ્રસંગે પધારવા મહંત શામળદાસબાપુ (૯૯૦૯૬ ર૪૯૩પ) તથા માતા શ્રી શારદામણી, ત્રિલોકબાપુએ અનુરોધ કર્યો છે. આ અવસરે દાસીજીવણ ગૌ શાળા ટ્રસ્ટ દ્વારા સંત સીરોમણી દાસીજીવણ એવોર્ડથી ગોંડલીયાને નવાજવામાં આવશે. આ પ્રસંગને દીપાવવા આયોજકો તડામાર તૈયારી કરી રહેલ છે. (૧૧.પ)