Gujarati News

Gujarati News

News of Wednesday, 14th March 2018

રંઘોળા અકસ્માત પ્રકરણઃ ડ્રાઇવર જેલહવાલેઃ ટ્રક માલિક પરેશ કુવાડીયાની ધરપકડ

ભાવનગર તા.૧૪: ગોઝારા રંઘોળા અકસ્માતમાં હતભાગી ૩૯ વ્યકિતના મોતથી ઘટનાના આરોપી ટ્રકચાલકના રિમાન્ડ પુર થતાં કોર્ટમાં રજુ કરતાં અદાલતે આરોપીને જેલહવાલેનો હુકમ કરતાં જેલમાં મોકલી દેવાયો હતો જયારે ટ્રકમાલિકની પણ પોલીસે ધરપકડ કરી તેની વિરૂધ્ધ કાયદેસરની કાર્યવાહી કરી છે.

અનીડા ગામના વિજયભાઇ પ્રવીણભાઇ વાઘેલાની જાન ટ્રકમાં ગઢડાના ટાટમ ગામે જવા નીકળી હતી. દરમિયાનમાં ઉમરાળાના રંઘોળા નજીક પુલ પરથી અકસ્માતે જાનૈયા ભરેલી ટ્રક નીચે ખાબકતા ૩૧ના સ્થળ પર મોત નીપજયાં હતા. જયારે ઇજાગ્રસ્તના સારવાર દરમ્યાન મોત નીપજતાં અત્યાર સુધીમાં ૩૯ના મોત થયા છે આ રકતરંજિત અકસ્માતના ગુનામાં ઉમરાળા પોલીસે આરોપી નાસતાફરતાં ટ્રકચાલક નીતિનભાઇ વાઘેલા (રહે. અનીડા, તા.પાલિતાણા) વિરૂધ્ધ ગુનો દાખલ કર્યા બાદ બનાવના ચારેક  દિવસ બાદ તેની ધરપકડ કરી કોર્ટમાં રજુ કરી રિમાન્ડ મેળવી પૂછતાછ હાથ ધરી હતી.

આ રીમાન્ડ દરમ્યાન આરોપી નિતીન વાઘેલાએ એવી કબૂલાત કરી હતી કે, ગોઝારા અકસ્માત બાદ આરોપી નાળા નજીક પાર્ક કરેલી મોટર સાઇકલ લઇને નાસી છૂટયો હતો અને ભાગતો ફરતો હતો. આરોપી ટ્રકચાલક નીતિન વાઘેલાના રિમાન્ડ પુરા થતા કોર્ટહવાલે કરવામાં આવતાં અદાલતે તેને જેલમાં મોકલી આપવાનો હુકમ કરતાં ઉમરાળા પોલીસે તેને જેલહવાલે કરી દીધો હતો.

આ જીવલેણ દુર્ઘટનામાં લાયસન્સ વગરના ડ્રાઇવર નીતિન વાઘેલાને પોતાની ટ્રક ચલાવવા આપવા ઉપરાંત એમવી એકટની વધુ પાંચ કલમ તળે અને મદદગારીની કલમ ૧૧૪ હેઠળ ગુનો નોંધી ટ્રકમાલિક પરેશ દેવાભાઇ કુવાડીયા (ઉ.વ.૩૯, રહે.નેસડા, તા.સિહોર)ને પણ પોલીસે ઝડપી લીધો છે.

(4:42 pm IST)
  • અન્ય છાત્રોની પ્રેરણા કાજે યુપી બોર્ડના ૨૦ ટોપર છાત્રોની માર્કશીટ બોર્ડની વેબસાઇટ ઉપર પણ મુકાશેઃનાયબ મુખ્યમંત્રી દિનેશ શર્મા access_time 4:55 pm IST

  • અરૂણાચલ પ્રદેશના તોતિંગમાં ભારતીય વાયુસેનાનું ગ્લોબમાસ્ટર સી-17 વિમાને ઐતિહાસીક લેન્ડિંગ કર્યું. આ વિસ્તાર ચીનની સરહદની નજીક છે. અમેરિકા નિર્મિત આ વિમાનનું ઉંચાઇવાળા વિસ્તારમાં કરવામાં આવેલું લેન્ડિંગ ભારતીય વાયુસેનાના સરહદી વિસ્તારમાં એક મજબૂત ડગ સમાન જોવામાં આવી રહ્યું છે. access_time 12:59 am IST

  • મોરબીમાં ખાનગી શાળામાં પરિક્ષા આપી રહેલ વિદ્યાર્થીની બેભાન બની જતાં ૧૦૮ દ્વારા ટૂકી સારવાર અપાઈ બાદમાં પરીક્ષા ખંડમાં પરીક્ષા દેવા માટે બેસાડવામાં આવી access_time 5:14 pm IST