Gujarati News

Gujarati News

News of Wednesday, 14th March 2018

જાનના જોખમે જુનાગઢ આરઆરસેલના બે પોલીસ કર્મીએ હદપારી કોર્પોરેટરને ઝડપી લીધો

જુનાગઢ તા.૧૪: પોલીસની ફરજ પ્રથમથી જોખમી અને પડકાર જનક છે ત્યારે જુનાગઢ આર આર સેલના બે પોલીસ કર્મીએ જાનના જોખમે અને ૨૦૦ લોકોના ટોળાનો પણ ડર રાખ્યા વગર હદપારી કોર્પોરેટરને ઝડપી લઇ પ્રસંશનીય ફરજ બજાવી હતી.

આ અંગેની વિગતો એવી છે કે, જુનાગઢના વોર્ડ નં.૩ના કોર્પોરેટર ઇબ્રાહીમ ઉર્ફે ગેમ્બલર અબ્દુલ રજાક કુરેશીએ હત્યાનો પ્રયાસ કર્યો હોય આથી તેને જુનાગઢમાં ન પ્રવેશવાની શરતે જામીન મળેલ.

આમ છતાં હદપારીનો ભંગ કરી ઇબ્રાહીમ કુરેશ જુનાગઢના સુખનાથ ચોકમાં તેવી પોતાની ઓફિસે બેઠો હોવાની બાતમી આઇજીપી ડો.રાજકુમાર પાંગેપનને બાતમી મળતા તેમની સુચનાથી આર આર સેલના એએસઆઇ એસ એમ.દેવરે, કોન્સ્ટેબલ ગિરીરાજસિંહ વાઘેલા અને રણજીતસિંહ ઝાલા વગેરે ઘસી ગયા હતા.

પરંતુ પોલીસ કાફલાને જોઇને ઇબ્રાહીમ કુરેશીએ લાજવાને બદલે ગાજી અને પોતાને પોલીસ વાળા ખોટી રીતે પકડવા આવ્યા છે તેવા બુમબરાડા પાડીને લોકોને એકઠા કર્યા હતા.

આ દરમ્યાન ૨૦૦ લોકોના ટોળા પૈકીના ૨૦ થી ૨૫ શખ્સોએ પોલીસને ધકકે ચડાવી હતી અને ઇબ્રાહીમે નાસી જવાની કોશિષ કરી હતી.

દરમ્યાનમા પોલીસ કર્મી. ગિરીરાજસિંહ વાઘેલા અનવે એસ.એમ.દેવરે સહિતના પોલીસ સ્ટાફે ત્વરિત ગતિથી ઇબ્રાહીમને ઝડપી લઇ પોલીસ વાનમા નાખી દીધો હતો.

આમ આર.આર.સેલના કાફલાએ જાનની પરવા કર્યા વગર ફરજ બજાવતા તેમની ચોમેરથી પ્રસંશા થઇ રહી છે.

(4:40 pm IST)
  • ભાજપે કોંગ્રેસના નારણભાઇ રાઠવાની ઉમેદવારી-દસ્તાવેજો અંગે વાંધા ઉઠાવ્યાગુજરાતની રાજયસભાની ચુંટણીમાં સર્જાયેલ વિવાદ : દિલ્હી ચૂંટણી પંચ સુધી મામલો પહોંચ્યો : રાજય ચૂંટણી પંચે માર્ગદર્શન માગ્યું : થોડીવારમાં ચૂકાદો આવશે. access_time 4:18 pm IST

  • અરૂણાચલ પ્રદેશના તોતિંગમાં ભારતીય વાયુસેનાનું ગ્લોબમાસ્ટર સી-17 વિમાને ઐતિહાસીક લેન્ડિંગ કર્યું. આ વિસ્તાર ચીનની સરહદની નજીક છે. અમેરિકા નિર્મિત આ વિમાનનું ઉંચાઇવાળા વિસ્તારમાં કરવામાં આવેલું લેન્ડિંગ ભારતીય વાયુસેનાના સરહદી વિસ્તારમાં એક મજબૂત ડગ સમાન જોવામાં આવી રહ્યું છે. access_time 12:59 am IST

  • રશિયાની હોસ્ટેલમાં ગુજરાતના વાળંદ પરીવારના વિદ્યાર્થીનું કરૂણ મૃત્યુઃ આઘાત : મહીસાગર જિલ્લાનાં રમેશભાઈ વાળંદના પુત્ર ક્રિસ્ટલનું ૧૧મીએ રશિયાની હોસ્ટેલમાં કરૂણ મોત : તેનો મૃતદેહ ૧૬મીએ તેના વતન ''બાકોર'' લાવવામાં આવશે : ક્રિસ્ટલના પિતા રમેશભાઈ સોમાભાઈ વાળંદ લશ્કરમાં ફરજ બજાવતા હતા, પુત્રના મૃતદેહને ભારત લાવવા ભારે પ્રયાસો કરવા પડ્યા હતા access_time 6:14 pm IST