Gujarati News

Gujarati News

News of Wednesday, 14th March 2018

અજમેર શરીફ ઉર્ષમાં જવા ખાસ ટ્રેન

મુંબઇ, વાપી, સુરત, ભરૂચ, વડોદરા, આણંદ, નડીયાદ, અમદાવાદ, મહેસાણા, પાલનપુરને મળશે લાભઃ ગઇકાલથી બુકીંગ શરૃઃ રર મી માર્ચે મુંબઇથી થશે રવાનાઃ તમામ શ્રેણીના ડબ્બા હશે

રાજકોટ તા. ૧૪ :.. અજમેર શરીફ ઉર્ષમાં પશ્ચિમ રેલ્વે દ્વારા બાંન્દ્રા ટર્મિનસ અને દોરાઇ રેલ્વે સ્ટેશન સુધી રર માર્ચના રોજ ઉર્ષ નિમિતે ખાસ ટ્રેન શરૂ કરવા માટે નિર્ણય કરવામાં આવ્યો છે. અને ગઇકાલથી બુકીંગ શરૂ કરવામાં આવ્યુ છે. અને આ ટ્રેન રર માર્ચે મુંબઇથી  રવાના થશે. મળતી વિગત મુજબ રાજસ્થાન અજમેર શરીફ ખાતે સૂફી સંત હઝરતે ખ્વાજા મોઇનુદદીન ચીશ્તીના ૮૦૬ માં ઉર્ષ નિમીતે ઉર્ષના મેળામાં દર્શનાર્થીઓની ભીડને ધ્યાનમાં રાખીને પશ્ચિમ રેલ્વે દ્વારા બાંદ્રા ટર્મિનસ અને દોરાઇ સ્ટેશન વચ્ચે  ખાસ ટ્રેન શરૂ કરવાનો નિર્ણય કરાયો છે. આ ટ્રેન તા. રર માર્ચના રોજ રાત્રે ૯.૪૦ વાગ્યે બાંદ્રા ટર્મિનસથી રવાના થશે અને બીજા દિવસે સાંજે પ વાગ્યે દોરાઇ પહોંચશે. દોરાઇથી પરત આવવા માટે આ ટ્રેન તા. ર૪ માર્ચે સાંજે ૭.૩૦ વાગ્યે દોરાઇથી રવાના થશે.

અને બીજા દિવસે બપોરે બાંદ્રા ટર્મિનસ પહોંચશે. આ ટ્રેન બોરીવલી, વાપી, સુરત,  ભરૂચ, વડોદરા, આણંદ, નડીયાદ, અમદાવાદ, મહેસાણા, પાલનપુર, આબુ રોડ, ફાલના, મારવાડ, અને બીયાવર સ્ટેશન ઉપર ઉભી રાખવામાં આવશે. આ ટ્રેનમાં તમામ શ્રેણીના ડબ્બા જોડવામાં આવશે. ટ્રેન નંબર ૦૯૦૦૧ માં યાત્રાળુઓ આજથી આઇઆરસીટીસીની વેબસાઇટ ઉપર ટીકીટનું બુકીંગ કરી શકશે. (પ-૧૭)

 

(1:44 pm IST)
  • ચીનના રાષ્ટ્રપતિ શી જિનપિંગ સિચુઆન પ્રાંતના જૈકી ગામની મુલાકાત દરમિયાન દુકાનની મહિલા માલિક જિનપિંગને મફતમાં એક જોડી પગરખાં લેવા કહે છે. પરંતુ રાષ્ટ્રપતિ શી જિનપિંગ મફતમાં પગરખાં લેવાનો ઈનકાર કરી દે છે અને પુરા પૈસા ચુકવે છે. રાષ્ટ્રપતિએ જણાવ્યું હતું કે, આવી દયા તેઓ સ્વીકારતા નથી. access_time 12:58 am IST

  • લોકસભાના ચાલુ બજેટ સત્રમાં : આજે આર્થિક અપરાધ ખરડા ઉપર ચર્ચા થવા સંભાવનાઃ બન્ને ગૃહમાં ૮ દિવસથી ધમાલ ચાલુઃ મોદી સરકારે ૧ર માર્ચે લોકસભા દેશ છોડી ફરાર થયેલા આર્થિક ગુન્હેગારોની સંપત્તિ કબ્જે કરવા બાબતે ખાસ બીલ રજૂ કરેલ છે access_time 4:55 pm IST

  • એક સાથે અધધ ૧૧ લાખ વિદ્યાર્થીઓએ પરિક્ષા છોડવા પાછળનું કારણ શું?... યોગી સરકાર દ્વારા તપાસ વેગવંતી :ઉત્તરપ્રદેશમાં ૫૦ ટકાથી વધારે છાત્રોએ પરિક્ષા આપવાનું માંડી વાળ્યુ એ શાળાઓની યાદી તૈયાર કરી ગાળીયો કસાશે, કેટલી જગ્યાએ બોર્ડની પરિક્ષા માટે ગેરકાયદે રજીસ્ટ્રેશન થયા છે? બાબત ઉપરથી ઉંચકાશે પરદોઃ કોપી મૂલ્યાંકનમાં દાંડાઇ કરનારા શિક્ષકો સામે પણ ભરાશે પગલાઃ ૧૭મીથી શરૂ થઇ રહેલા મૂલ્યાંકન દરમિયાન પરિક્ષાર્થીઓને મોબાઇલ લઇ જવા ઉપર મુકાશે પ્રતિબંધ, કેન્દ્રના મુખ્ય દરવાજા જ બંધ કરી દેવાશેઃમૂલ્યાંકનની કામગીરી સાથે જોડાયેલા શિક્ષકોને નિધારીત સમયે ફરજ ઉપર હાજર થવા ફરમાન access_time 4:55 pm IST