Gujarati News

ભુજ, તા. ૧૪ : રાજય સરકાર દ્વારા દારૂબંધીના કાયદાનો કડક અમલ કરાવવાની જવાબદારી જેના શિરે છે એ જ કાયદાના રક્ષકો જો બુટલેગરને હપ્તો આપવા માટે માર મારે એ ઘટના ગાધી ગુજરાત માટે શરમજનક છે.

રાપરના સુવઇ ગામના બુટલેગર જીતુભા રાઠોડે રાપરના બે પોલીસ કોન્સ્ટેબલો વિષ્ણદાન ગઢવી અને ખીમજી આહીરની સામે હપ્તા માંગવાનો અને હપ્તા ન આપ્યા તો માર મારીને તેને ખોટા કેસમાં ફીટ કરી દેવાની ધમકી આપી હોવાનું જણાવીને ઝેરી દવા પી લીધી હતી.

આ બુટલેગરે સ્યુસાઇડ નોટ લખ્યા ઉરાંત મામલતદારને પણ આ અંગે નિવેદન આપતા ચકચાર મચી ગઇ છે. આપઘાતનો પ્રયાસ કરનારા બુટલેગરની તબિયત લથડાતા તેને વધુ સારવાર માટે ભુજ ખસેડાયો છે.

રાપર પીએસઆઇ ચૌધરીએ આ શખ્સ લીસ્ટેડ બુટલેગર હોવાનું જણાવીને આપઘાત અને બે પોલીસ કોન્સ્ટેબલો વિરૂદ્ધ બુટલેગરની ફરીયાદ સંદર્ભે કંઇ પણ કહેવાનું ટાળ્યું હતું.