Gujarati News

Gujarati News

News of Wednesday, 14th March 2018

વાંકાનેરમાં ટ્રાફીક સમસ્યા ઉકેલનાર અધિકારી-પદાધિકારીઓનું સન્માન

વાંકાનેર : અહીયા મુખ્ય માર્ગો અને વિવિધ વિસ્તારોમાં ટ્રાફીક સમસ્યાનો ઉકેલ લાવવા એકશન પ્લાન તૈયાર કરી કાર્યવાહી શરૂ કરનાર પી. આઇ. બી. ટી. વાઢીયા, પાલિકાનાં ચીફ ઓફીસર ગીરીશભાઇ સરૈયા, પી. એસ. આઇ. રામદેવસિંહ જાડેજા, ભાજપ અગ્રણી નેતા અને પુર્વ નગરપતિ જીતુભાઇ સોમાણી, પાલીકાના ઇન્ચાર્જ પ્રમુખ ધર્મેન્દ્રસિંહ જાડેજાની કામગીરીને બીરદાવવા માટે અલ્પાબેન સોલંકી, ગર્લ્સ હાઇસ્કુલના આચાર્ય ગીતાબેન ચાવડા, માલતીબેન કોટક, હર્ષાબેન મહેતા, નિશાબેન, હર્ષાબેન જોબનપુત્રા અને પાલિકાના મહીલા સદસ્યો ભાવનાબેન પાટડીયા, અંજનાબેન રાઠોડ, રીટાબેન રાઠોડ, સહિતના દ્વારા પાલિકાના મધ્યસ્થ હોલમાં સન્માન સમારોહ યોજાયો હતો. જેમાં પ્રારંભે મહીલા અગ્રણીઓએ અધિકારીઓ અને પદાધીકારીઓ દ્વારા પ્રજાની સુખાકારી માટે થયેલા કાર્યને શબ્દોથી બિરદાવા સાથે જ શહેરના વિકાસના કામો અવિરત પણે ચાલુ રહે તેવી અપેક્ષા વ્યકત કર્યા બાદ પુષ્પગુચ્છ, શાલ અને સન્માન પત્ર આપી સન્માનીત કરાયા હતાં. સાથે સાથે સન્માનીત અધિકારીઓ, પદાધિકારીઓએ પણ પ્રજાને સાથ-સહકાર કાયમ મળતો રહે અને ફરી  ટ્રાફીક સમસ્યા સર્જાઇ નહી તેનું ધ્યાન રાખી કાયદાનું પાલન કરવા સાથે સાથે હજૂ પણ જે જે જગ્યાએ ગેરકાયદે દબાણો છે, તે લોકોએ સ્વેચ્છાએ દુર કરવા આશા વ્યકત કરી હતી. તસ્વીરોમાં પ્રજાલક્ષી કામગીરી બદલ વિવિધ અધિકારીઓ, પદાધિકારીઓનું સન્માન થતું દર્શાય છે. (તસ્વીર - અહેવાલ : નિલેશ ચંદારાણા, વાંકાનેર)

(12:08 pm IST)
  • હરિયાણાઃશિક્ષકની હત્યાઃછોકરીને હેરાન કરવાના મામલે વિદ્યાર્થીને ઠપકો આપ્યો હત્યો : સોનીપત (હરિયાણા)ની એક કોલેજમાં વિદ્યાર્થીએ એક શિક્ષક રાજેશ મલિક (ઉ.વ.૪૦)ની ગોળી મારી હત્યા કરી : પોલીસના જણાવ્યા અનુસાર, શિક્ષકે કેટલાક દિવસ અગાઉ એક છોકરીને હેરાન કરવાના મામલે તે વિદ્યાર્થીને ઠપકો આપ્યો હતો : પોલીસે કેસ દાખલ કર્યો અને આરોપી વિદ્યાર્થીની શોધખોળ શરૂ કરી access_time 4:18 pm IST

  • ગાજામાં ફિલિસ્તાની વડાપ્રધાનના કાફલા ઉપર હુમલોઃ૬ સુરક્ષાકર્મી ઘાયલ :ગાજામાં ફિલિસ્તાનના વડાપ્રધાન રમી હમદુલ્લાહના કાફલાને નિશાનો બનાવી કરેલ હુમલામાં ૬ સુરક્ષાકર્મી ઘાયલ : ત્રણ વાહનનોને નુકશાન : જો કે હમદુલ્લાહને આ હુમલાથી ઈજા થઈ નથી, પરંતુ ફિલિસ્તાને આ હુમલાને હત્યાની કોશિશનો કરાર આપ્યો : ફિલિસ્તાનના ગાજા અને વેસ્ટ બેન્ક વિસ્તારમાં જુદા-જુદા ગુટોનું શાસન છે access_time 4:19 pm IST

  • નેપાળના પ્રેસિડેન્ટ તરીકે વિદ્યાદેવી ભંડારી ફરી વખત ચૂંટાઈ આવ્યા: 2015ની સાલમાં નેપાળના સૌપ્રથમ મહિલા પ્રેસિડન્ટ બન્યા બાદ બીજી ટર્મમાં પણ જંગી બહુમતીથી ચૂંટાઈ આવ્યા access_time 10:39 am IST