Gujarati News

Gujarati News

News of Wednesday, 14th March 2018

ઉનામાં આમરણાંત ઉપવાસ આંદોલનમાં તબીયત લથડેલા ઉપવાસીને અમદાવાદ ખસેડાયો

ઉના, તા. ૧૪ : સાથણીની જમીનનો કબજો મેળવવા માટે આમરણાંત ઉપવાસ ઉપર ઉતરેલ દલીત ખેડૂતોનો ૪થા દિવસે ૮ ખેડૂતોની તબીયત લથડાતા સરકારી દવાખાને સારવાર હેઠળ છે. ત્યારબાદ તબીયત થલડેલ એક ઉપવાસી રમેશ સરવૈયાને અમદાવાદ સારવાર માટે ખસેડાયો છે.

આંબેડકરજીની પ્રતિમા નીચે તાલુકાના મોઠા-સીમર-દુધાળાના દલિત ખેડૂતોને સરકારે સાથણીની જમીન ખેતી કરવા આપેલ તે ૧૯૭૩માં પાછી લઇ લેતા પરત આપવાની માંગ સાથે આમરણાંત ઉપવાસ ઉપર કેવલસિંહ રાઠોડની આગેવાની હેઠળ બેસેલ છે. ગઇકાલે રમેશભાઇ બાલુભાઇ સરવૈયા રે. મોટા સમખીયાળા વાળાની સ્થિતિ ગંભીર બનતા અમદાવાદ સીવીલ હોસ્પિટલમાં ખસેડલ છે. જયારે આજે ૪થા દિવસે વધુ ૮ દલીત ખેડુતો વીરાભાઇ ભોલાભાઇ સોંદરવા(મોઠા) સામતભાઇ નથુભાઇ સોંદરવા રે. મોઠા, અરજણાઇ અમરાભાઇ સોંદરવા (મોઠા), અમરાભાઇ નગાભાઇ સોંદરવા, જશાભાઇ કરશન વિજુડા, તેજાભાઇ રામાભાઇ સરવૈયા, માયાભાઇ રાઠોડને નબળાઇ આવતા શરીરમાં પાણી ઘટી જતા સરકારી હોસ્પિટલે લઇ સારવાર ચાલુ છે. (૮.૬)

(10:33 am IST)
  • રશિયાની હોસ્ટેલમાં ગુજરાતના વાળંદ પરીવારના વિદ્યાર્થીનું કરૂણ મૃત્યુઃ આઘાત : મહીસાગર જિલ્લાનાં રમેશભાઈ વાળંદના પુત્ર ક્રિસ્ટલનું ૧૧મીએ રશિયાની હોસ્ટેલમાં કરૂણ મોત : તેનો મૃતદેહ ૧૬મીએ તેના વતન ''બાકોર'' લાવવામાં આવશે : ક્રિસ્ટલના પિતા રમેશભાઈ સોમાભાઈ વાળંદ લશ્કરમાં ફરજ બજાવતા હતા, પુત્રના મૃતદેહને ભારત લાવવા ભારે પ્રયાસો કરવા પડ્યા હતા access_time 6:14 pm IST

  • અન્ય છાત્રોની પ્રેરણા કાજે યુપી બોર્ડના ૨૦ ટોપર છાત્રોની માર્કશીટ બોર્ડની વેબસાઇટ ઉપર પણ મુકાશેઃનાયબ મુખ્યમંત્રી દિનેશ શર્મા access_time 4:55 pm IST

  • AICC તથા ગુજરાત પ્રદેશ કોંગ્રેસ દ્વારા રાજકોટ શહેરમાં નવા પ્રદેશ ડેલીગેટ તરીકે મહેશ રાજપૂત તથા રાજકોટ જીલ્લામાં નવા પ્રદેશ ડેલીગેટ તરીકે  અજુનભાઈ ખાટરીયા ગામ રામોદ, સુરેશ બથવાર ગામ રાજકોટ, ગંગદાશભાઈ બી ડોડીયા ગામ પડધરી, લાખાભાઈ ડાંગર ગામ ઉપલેટા, દીપકભાઈ વેકરીયા (ડી.કે) ગામ જેતપુર, શૈલે દેવેન્દ્ર ભાઈ ધામી ગામ રાજકોટ, દિનેશભાઈ મકવાણા ગામ રાજકોટ, દિનેશભાઈ ચોવટીયા ગામ રાજકોટ, શહેનાઝબેન બાબી ગામ જેતપુર ની નીમણૂંક કરવામાં આવેલ છે access_time 2:14 am IST