Gujarati News

Gujarati News

News of Friday, 14th February 2020

ગોંડલમાં પ્રદીપભાઇ ભટ્ટનો પ્લોટ રઘુવીરદાસે બોગસ કુલમુખત્યારના આધારે અન્યને વેચી માર્યો

વૃધ્ધ પ્રદીપભાઇની ફરીયાદ પરથી રઘુવીરદાસ ગોંડલીયા સામે ગુનો

રાજકોટ, તા., ૪: ગોંડલના કોટડા સાંગાણી રોડ પર વિપ્રવૃધ્ધનો પ્લોટનું બોગસ કુલમુખત્યાર ઉભું કરી રઘુવીરદાસ ગરીબદાસ ગોંડલીયાએ અન્ય વ્યકિતને વેંચી નાખી છેતરપીંડી કર્યાની ફરીયાદ થઇ છે. ગોંડલના સુખનાથનગરમાં સરકારી દવાખાના પાછળ રહેતા પ્રદીપભાઇ મનસુખભાઇ ભટ્ટ (ઉ.વ.૬ર) એ ગોંડલ સીટી પોલીસ મથકમાં નોધાવેલી ફરીયાદમાં  ગોંડલના રઘુવીરદાસ ગરીબદાસ ગોંડલીયાનું નામ આપ્યું છે. પ્રદીપભાઇએ ફરીયાદમાં જણાવ્યું છે કે પોતે ૧૯૯રમાં રઘુવીરદાસ ગોંડલીયાનો સર્વે નં. ૮ પૈકીનો પ્લોટ નં. ૪પનો પ્લોટ ખરીદ કર્યો હતો. તેનો રઘુવીરદાસે દસ્તાવેજ કરી આપ્યો હતો.  તે પ્લોટ તા.૩૦-૭-૧૯૯૬ના રોજ આરોપી રઘુવીરદાસે કુલમુખત્યારના આધારે વનરાજસિંહ નરેન્દ્રસિંહ ઝાલાને પ્લોટનો વેચાણ દસ્તાવેજ કરી આપ્યો હતો. આ બાબતની જાણ થતા વૃધ્ધ પ્રદીપભાઇએ ગોંડલ સીટી પોલીસ મથકમાં ફરીયાદ નોંધાવતા પીઆઇ બી.એલ.ઝાલાએ તપાસ  હાથ ધરી છે.

(1:13 pm IST)
  • ગાંધી આશ્રમથી ગાંધીનગર સુધી પદયાત્રાઃ ભાજપ નેતા અલ્પેશ ઠાકોરની સરકારને ચીમકી : આશ્વાસન છતાં ૩ દિવસ વિત્યાઃ નિર્ણય નહિ લેવાય તો પદયાત્રા કરીશઃ ભાજપ નેતા અલ્પેશ ઠાકોરની સરકારને ચીમકીઃ સરકાર સામે ભાજપ નેતાએ બાયો ચઢાવીઃ ૪૮ કલાકમાં LRD પરિપત્ર રદ કરો. access_time 1:02 pm IST

  • કાશ્મીરીઓને પણ ભારતના અન્ય નાગરિકો જેવા જ સમાન અધિકારો મળવા જોઈએ : નજરકેદ રખાયેલા કાશ્મીરના પૂર્વ મુખ્યમંત્રી ઉંમર અબ્દુલ્લાની બહેન સારા અબ્દુલ્લાની પત્રકારો સાથે વાતચીત access_time 7:50 pm IST

  • પૂ.ગુરૂદેવની તબિયત ફરી લથડી : આઈસીયુમાં પુનઃ દાખલ : સાંજે લાઈવ દર્શન નહિં : પૂ. હરિચરણદાસજી બાપુની તબિયત ફરી બગડી હોવાનું જાણવા મળે છે : તેઓને ફરીથી આઈસીયુમાં લઈ જવાયા છે : ઉલ્લેખનીય છે કે પૂ.ગુરૂદેવનું થાપાનું ઓપરેશન કર્યા બાદ તેઓની તબિયત ઘણી સારી હતી : આજે બપોરે તેઓની તબિયત બગડી હતી : આજે સાંજે વોકહાર્ટ હોસ્પિટલના ટીવી સ્ક્રીન ઉપર તેઓના લાઈવ દર્શન નિહાળી શકાશે નહિં : આ લખાય છે ત્યારે તેઓની તબિયત સારી હોવાનું જાણવા મળે છે access_time 4:05 pm IST