Gujarati News

જુનાગઢ તા. ૧૪: દિકરીનો જન્મ થતાં જુનાગઢના પ્રફુલા ઉર્ફે પૂજાબેન સારીખડા (ઉ.વ.૩૦) ને સાસરીયાએ ત્રાસ ગુજારીને ધમકી આપી હોવાની પોલીસમાં ફરિયાદ થઇ છે.

કડિયાવાડનાં વણકરવાસમાં રહેતા પ્રફુલાબેન સારીખડાને દિકરીનો જન્મ થતાં પતિ ચિરાગ રામજીભાઇ સસરા-રામજીભાઇ, સાસુ-મંજુબેન અને નણંદ-શ્રધ્ધા (રે. ધોરાજી) એ મારકુટ કરી ત્રાસ આપી અને દહેજમાં રોકડ, કાર, મોટર સાયકલની માંગણી કરીને ઘરમાંથી કાઢી મુકેલ છે. તેમજ કોર્ટમાં કેસની તારીખે કેસ પાછો ખેંચી લેવા ધમકી આપી હોવાની ફરિયાદ થતાં પી.આઇ. જે. પી. વરીયાએ તપાસ હાથ ધરી છે.