Gujarati News

Gujarati News

News of Friday, 14th February 2020

રાષ્ટ્રીય એકતામાં યોગદાન બદલ પુરસ્કાર માટે અરજીઓ કરવી

અમરેલી,તા.૧૪: કેન્દ્રીય ગૃહ વિભાગ દ્વારા ભારતની એકતા અને અખંડતામાં યોગદાન આપવાના ક્ષેત્રમાં સર્વોચ્ચ સન્માન એવા સરદાર પટેલ રાષ્ટ્રીય એકતા પુરસ્કાર માટે ઓનલાઈન અરજીની પ્રક્રિયા ચાલી રહી છે અને અરજી કરવાની છેલ્લી તારીખ ૩૦ એપ્રિલ ૨૦૨૦ છે. જે નાગરિકો/ સંગઠનો/ સંસ્થાઓએ રાષ્ટ્રીય એકતા અને અખંડતાને પ્રોત્સાહિત કરવા નોંધપાત્ર કામગીરી કરી હોય તેઓ આ પુરસ્કાર માટે https://nationalunityawards.mha.gov.in વેબસાઈટ ઉપર ઓનલાઈન અરજી કરી શકાશે. આ અંગે પાત્રતાની વિગતો તેમજ અન્ય જરૂરી માહિતી પણ વેબસાઈટ પર ઉપલબ્ધ છે.

સરકારે સરદાર વલ્લભભાઈ પટેલના નામ પર આ પુરસ્કાર શરૂ કર્યા છે. આ પુરસ્કાર ખાસ અને પ્રેરણાદાયક વ્યકિતઓની ઓળખ પ્રદાન કરે છે, જેથી રાષ્ટ્રીય એકતા અને અખંડતાને પ્રોત્સાહન આપી શકાય છે. સાથે જ મજબૂત ભારતના મહત્વ પર પણ ભાર આપી શકાય.(

(10:06 am IST)
  • 16 ફેબ્રુઆરીના રોજ કેજરીવાલના શપથ સમારોહમાં ખાસ મહેમાન તરીકે " છોટા મફલરમેન " હાજરી આપશે : કેજરીવાલની જેમ જ સ્વેટર ,મફલર ,ચશ્માં ,મૂછ ,અને ટોપી પહેરી સુવિખ્યાત થયેલ અય્યાન તોમરની હાજરી સહુને મંત્રમુગ્ધ કરશે access_time 7:56 pm IST

  • વડાપ્રધાન વારાણસી આવવાના હોવાથી સફાઈ કરી રહેલા કર્મચારીને કારે ટક્કર મારી : સ્થળ ઉપર જ મોત : કાર ચાલક રફુચક્કર : રસ્તા ચક્કાજામ : 16 ફેબ્રુઆરીના રોજ વડાપ્રધાનના આગમન પહેલા કરૂણ બનાવ : સફાઈ કર્મચારીઓએ મૃતદેહ સ્વીકારવાનો ઇન્કાર કર્યો : મૃતકના પરિવાર માટે વળતર માગ્યું : આરોપીને સજા કરાવવા માંગણી કરી access_time 7:28 pm IST

  • પૂ.ગુરૂદેવની તબિયત ફરી લથડી : આઈસીયુમાં પુનઃ દાખલ : સાંજે લાઈવ દર્શન નહિં : પૂ. હરિચરણદાસજી બાપુની તબિયત ફરી બગડી હોવાનું જાણવા મળે છે : તેઓને ફરીથી આઈસીયુમાં લઈ જવાયા છે : ઉલ્લેખનીય છે કે પૂ.ગુરૂદેવનું થાપાનું ઓપરેશન કર્યા બાદ તેઓની તબિયત ઘણી સારી હતી : આજે બપોરે તેઓની તબિયત બગડી હતી : આજે સાંજે વોકહાર્ટ હોસ્પિટલના ટીવી સ્ક્રીન ઉપર તેઓના લાઈવ દર્શન નિહાળી શકાશે નહિં : આ લખાય છે ત્યારે તેઓની તબિયત સારી હોવાનું જાણવા મળે છે access_time 4:05 pm IST