Gujarati News

Gujarati News

News of Wednesday, 14th February 2018

સૌરાષ્ટ્ર-કચ્છમાં ઠંડા પવનનાં સુસવાટાઃ 'મસી'નું આક્રમણ

અચાનક નાની જીવાત ઉડતા વાહનચાલકોને મુશ્કેલીઃ ઠંડીમાં ઘટાડો યથાવત

રાજકોટ, તા. ૧૪ :. રાજકોટ સહિત સૌરાષ્ટ્ર-કચ્છમાં સર્વત્ર વાતાવરણમાં પલ્ટા સાથે આજે વહેલી સવારથી ઠંડો પવન ફુંકાઈ રહ્યો છે. જેના કારણે મોડી રાત્રીના અને વહેલી સવારના સમયે ઠંડીનો અનુભવ થઈ રહ્યો છે. વહેલી સવારના સમયે ઠંડો પવન ફુંકાતા લોકોને ટાઢોડાનો અનુભવ થઈ રહ્યો છે. ઠંડા પવનની સાથો સાથ આજે સવારે રાજકોટ સહિત અનેક સ્થળોએ જીણી જીવાત 'મસી'નું આક્રમણ થતા વાહનચાલકોને મુશ્કેલી પડી રહી હતી.

આજે રાજકોટ સહિત સૌરાષ્ટ્ર-કચ્છમાં ઠંડીમાં ઘટાડો અનુભવાય રહ્યો છે.

જૂનાગઢ સહિત સોરઠમાં સવારે ભારે પવન

જૂનાગઢઃ જૂનાગઢ સહિત સોરઠમાં આજે પવનને માજા મુકી છે. છેલ્લા બે દિવસથી ઠંડી સતત ઘટી રહી છે. સવારે લઘુતમ તાપમાન વધીને ૧૯.૯ ડિગ્રી નોંધાતા ઠંડી ગાયબ થઈ ગઈ હતી.

પરંતુ ઠંડીની જગ્યાએ પવન વધતા જનજીવનને અસર થઈ હતી. સવારે ૬.૩ કિ.મી.ની ઝડપે પવન ફુંકાતા ધૂળની ડમરી પણ ચડી હતી.

સવારે વાતાવરણમાં ભેજ ઘટીને ૩૩ ટકા રહેતા ગરમી વધી હતી.

જામનગર

જામનગરઃ શહેરનુ મહત્તમ તાપમાન ૨૮ ડિગ્રી, લઘુતમ ૧૪.૫ ડિગ્રી, ભેજ ૫૭ ટકા અને પવનની ઝડપ ૬.૯ કિ.મી. પ્રતિ કલાક રહી છે.

(11:36 am IST)
  • પાકે ફરી કરી નાપાક હરકત : જમ્મુ-કાશ્મીરના નૌશેરા સેક્ટરમાં આજે ફરી કર્યું સીઝ્ફાયરનું ઉલંઘન : કર્યું અંધાધુંધ ફાયરીંગ access_time 8:36 pm IST

  • તારાપુર - વટામણ હાઈવે ઉપર ઓવરટેક કરવા જતાં એસ.ટી.બસ અને ટેન્કર વચ્ચે અકસ્માતઃ ૧૨ મુસાફરો ઘાયલઃ ઈજાગ્રસ્તોને સારવાર માટે નજીકની હોસ્પીટલમાં ખસેડાયા access_time 4:22 pm IST

  • અમેરિકાના ફ્લોરીડામાં પાર્કલેન્ડની સ્ટોનમેન ડગલસ હાઇસ્કુલની અંદર ચાલી રહ્યું છે અંધાધુંધ ફાયરીંગ : પોલીસે સમગ્ર વિસ્તારમાં કરી નાકાબંદી : સંખ્યાબંધ હતાહ્તની સેવાય રહેલી શંકા : FBI પહોચી ઘટના સ્થળે : ગોળીબાર કરનાર કોણ છે એ હજુ જાણી શકાયું નથી : સંકુલમાં લગભગ ૩૦૦૦ વિદ્યાર્થી હોવાનું સંભવ : વિદ્યાર્થીઓને સુરક્ષિત સંકુલની બહાર ખસેડાય રહ્યા છે : આતંકી માર્યો ગયો છે કે નહી એ હજુ જાની શકાયું નથી access_time 2:03 am IST