Gujarati News

Gujarati News

News of Wednesday, 14th February 2018

ભુજનાં નિરોણા ગામે દ્વારકાના કોન્ટ્રાકટર હેમંત ચાવડાની કારને ટક્કર મારી હત્યાનો પ્રયાસ-સાઇટ ઉપર એરગનની અણીએ માલ સામાની લૂંટ

ભુજ તા. ૧૪ :.. નખત્રાણાના નિરોણા ગામે દેવભૂમિ દ્વારકાના કોન્ટ્રાકટર હેમંત ડાડુભાઇ ચાવડા (આહીર) કરણી માતા કાસ્ટ્રકશન દ્વારા લખાવાયેલી પોલીસ ફરીયાદે ચકચાર સર્જી છે.

છેલ્લા બે દિવસથી ચર્ચાતી આ ઘટના મોડે મોડે પોલીસ ચોપડે ચડી છે. તે મુજબ નિરોણા (તા. ભુજ) નાં અમરગઢ પાટીયા પાસે કરણી માતા કન્સ્ટ્રકશનની સાઇટ ઉપર નંબર પ્લેટ વગરની બોલેરો જીપમાં ત્રાટકેલા તસ્કરોએ મજૂરોને એરગન બતાવીને કમળ સિમેન્ટની ૭૦ બોરી, ૧૦ નંગ લોખંડ પ્લેટ, લોખંડ કટર, પ્લાસ્ટીકની ટાંકી સહિત ૭ર જહારના માલ સામાનની લૂંટ ચલાવાઇ હતી.

આ દરમ્યાન સાઇટ ઉપર કારમાં બેઠેલા ફરીયાદી હેમંત ડાડુભાઇ ચાવડા અને તેમના મિત્ર વિઠલ સવદાસભાઇ સીસોદીયાની સ્વીફટ કારનો પીછો કરી ને આ ધાડપાડુઓએ  બોલેરો જીપથી પીછો કરીને હત્યા નીપજાવવાનો પ્રયાસ કર્યો હતો. આ બનાવની તપાસ નખત્રાણા પોલીસ કરી રહી છે.

(11:35 am IST)
  • પાટણના ચાણસ્મા રોડ પર આંગડિયા પેઢીનો કર્મચારી લૂંટાયો : અંબાલાલ હરગોવન આંગડિયા પેઢીમાં છ ઈસમોએ બંદૂક બતાવી એક લાખ રોકડની લૂંટ કરી : ત્રણ શખ્સો પેઢીમાં ઘુસ્યા અને બંદૂકનો ડર બતાવી લૂંટ ચલાવી : લૂંટની જાણ થતા ચાણસ્મા પોલીસે ઘટનાસ્થળે દોડી આવી તપાસ શરૂ કરી access_time 3:43 pm IST

  • અમેરિકાની નેશનલ સિક્યોરીટી એજન્સી NSAના મેરીલેન્ડ સ્થિત હેડકવાર્ટરના ગેઇટ પાસે એક કાળા કલરની SUV ગાડી માંથી થયું અંધાધુંધ ફાયરીંગ : 3 લોકો થયા ઘાયલ : પોલીસે 1 શકમંદને દબોચ્યો : સુરક્ષા એજન્સીઓ થઈ સતર્ક : વિસ્તારમાં પોલીસ દ્વારા કરાઈ નાકાબંદી access_time 8:28 pm IST

  • દેશમાં આજે ઠેર-ઠેર થઈ રહ્યો છે વેલેન્ટાઇન-ડે નો વિરોધ : હૈદ્રાબાદમાં બજરંગ દળના કાર્યકર્તાઓએ પુતળા બાળ્યા : ચેન્નાઈમાં ભારત હિંદુ ફ્રન્ટ સંસ્થાએ વેલેન્ટાઇન-ડે ના વિરોધમાં કુતરા ને ગધેડાના લગ્ન કરાવ્યા : અમદાવાદમાં રીવરફ્રન્ટ પર બજરંગ દળના લોકો પ્રેમી યુગલો પાછળ લાકડી લઈને દોડ્યા : પટણામાં વેલેન્ટાઇન-ડે ના વિરોધમાં હિંદુ મહાસભાના કાર્યકર્તાઓએ વિરોધ પ્રદર્શન કરીને પુતળા સળગાવ્યા હતા. access_time 12:57 pm IST