Gujarati News

ઉનાઃ વેરાવળ રોડ ખાતે ડીએસસી પબ્લિક સ્કુલ દ્વારા તારીખ ૧૧ ફેબ્રુઆરી ૨૦૧૮ ના રોજ તેમના આઠમાં વાર્ષિક ઉત્સવની એક રંગારંગ સંસ્કૃતિક કાર્યક્રમ દ્વારા ઉજવણી કરવામાં આવેલ હતી. મુખ્ય મહેમાન તરીકે વેરાવળ ખાતે ના ઇન્કમ ટેક્ષ ઓફિસર દિનેશ રાજદેવ ઉપસ્થિત રહ્યા હતા. ગેસ્ટ ઓફ ઓનર તરીકે ઉના ના તાલુકા શિક્ષણ અધિકારી શ્રી જયેશ ગોસ્વામી હાજર રહ્યા હતા. કર્યાેક્રમની શરૂવાત એકેડેમિક વર્ષ ૨૦૧૬-૧૭ના વિદ્યાર્થી તારલાઓને સન્માનિત કરવાથી કરવામાં આવેલ હતી. ઇનામ વિતરણ ઉના સેલ્ફ ફાઇનાન્સ શાળા એશોના સભ્યો તથા આમંત્રિત મહેમાનોના હસ્તે કરવામાં આવેલ હતી. ત્યારબાદ શાળાના કે.જી. અંગ્રેજી માધ્યમ, ગુજરાતી માધ્યમના બાળકો દ્વારા પોતાની કૃતિઓ રજુ કરી વાલીઓ તથા ઉપસ્થિત મહેમાનોના દિલ જીતી લીધા હતા. ડીએસસી સ્કુલના હેડ પ્રિન્સીપાલ હેન્રી જોશેફે આભાર વિધિ કરી હતી.