Gujarati News

Gujarati News

News of Wednesday, 13th January 2021

ઉપલેટાનાં નિલાખા ગામમાં સાસરીયાના ત્રાસથી આહિર પરિણીતાનો આપઘાત

(કૃષ્ણકાંત ચોટાઇ દ્વારા) ઉપલેટા, તા.૧૩: ઉપલેટા તાલુકાના નિલાખા ગામ રહેતી આહિર પરિણીતા સરોજબેન સુધિરભાઇ જલુ ઉ.વ.૪૦ વાળીએ પોતાના સાસરીયાના ત્રાસથી નિલાખા ગામે કુવામાં પડીને આપઘાત કરતા આ બનાવ ચર્ચાનો વિષય બનેલ છે.

મૃતક સરોજબેન જખુના ભાઇ સંજયભાઇ વીરાભાઇ વીરડાએ ઉપલેટા પોલિસમાં મરનારના સસરા  દેસુર જલુ સાસુ વજીબેન નારણભાઇ જલુ દેર સુમિત નારણ જલુ નણંદ બાળાબેન પ્રવિણ વીરડા અને મામાનું સસરા નકુ ઉર્ફે કાળા હમીર હુંબલ સામે ફરીયાદ નોંધાવી - ઉપરોકત પાંચ સાસરીયાઓએ પોતાની બેનને માર મારી માનસિક શારિરીક ત્રાસ આપી અવાર નવાર ચીજ વસ્તુઓ માંગતા હોવાનું અને આ ત્રાસથી પોતાની બહેને કુવામાં પડીને આપઘાત કર્યો હોવાનુ જણાવતા પોલીસે મરનાર સરોજબેનના દેર સુમિત નારણ જલુની ધરપકડ કરેલ છે બાકીની તપાસ ચાલુ છે.

મૃતક સરોજબેનના ભાઇ સંજયભાઇ વીરડાએ પત્રકારોને જણાવેલ હતુ કે મારી બહેને કુવામાં પડીને આપઘાત કર્યો હોવાની જાણ તેઓના સાસરીયાને હોવા છતા તેઓએ અમોને જાણ કરેલ નહોતી- પાડોશીઓએ અમને ફોન કરીને બનાવની અમોને જાણ કરી ત્યારે અમને ખબર પડી હતી.

(3:41 pm IST)
  • વર્લ્ડ હેલ્થ ઓર્ગેનાઈઝેશન ( WHO ) એ એક જ મહિનામાં સતત ત્રીજી વખત ભારતનો ખોટો નકશો દેખાડ્યો : જમ્મુ ,કાશ્મીર ,તથા લડાખને અલગ બતાવ્યા : ભારત સરકારે ત્રીજી વખત ચેતવણી આપી : ખોટો નકશો પ્રદર્શિત કરવો તે બાબત ગેરકાનૂની તથા જેલ સજાને પાત્ર access_time 2:02 pm IST

  • આગામી શુક્રવાર તા, 15ના રોજ કૌન બનેગા કરોડપતિ કાર્યક્રમમાં કેબીસી કર્મવીર તરીકે કચ્છના હસ્તકલાકાર પાબીબહેન રબારી આવવાના છે,તેઓ પાબીબહેન પર્સવાળા તરીકે પણ જાણીતા છે,કચ્છનું ગૌરવ રાષ્ટ્રીય ફલક પર ઝળકશે access_time 12:52 am IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 12 વાગ્યા સુધીમાં કોરોનાના નવા 8537 કેસ નોંધાયા :કુલ કેસની સંખ્યા 1, 05, 04,3 53 થઇ :એક્ટિવ કેસ 2,10,734 થયા: વધુ 9127 દર્દીઓ સ્વસ્થ થતા કુલ 1,01,37,584 થયા :વધુ 124 લોકોના મોત સાથે કુલ મૃત્યુઆંક 1,51,688 થયો access_time 1:02 am IST