Gujarati News

Gujarati News

News of Wednesday, 13th November 2019

ભુજની ભરબજારમાં એક્રેલિકની દુકાનમાં આગને કારણે લાખોની નુકસાની

એક્રેલિકની સીટો અને મશીન બળીને ખાખ

 

ભુજ : શહેરના અનમરીગ રોડ પાસે આવેલ ભુજીયા ફળિયાની પંચવટી એપાર્ટમેન્ટના ગ્રાઉન્ડ ફ્લોરની દુકાનમાં અચાનક આગનો બનાવ બનતા સ્થાનિક લોકોમાં દોડધામ મચી ગઈ હતી. આગનો બનાવ  બપોરના બે વાગ્યાના અરસામાં બન્યો હતો. શૈલેશભાઈ મુળજીભાઈ ભગત એપાર્ટમેન્ટના ગ્રાઉન્ડ ફલોરમાં અર્ચના એક્રેલિકની દુકાન ધરાવે છે.

 

   બપોરના સમયે કર્મચારીઓની સાથે પોતે પણ જમવા ગયા હતા. તે દરમિયાન શોર્ટ શર્કિટના કારણે આગનો બનાવ બન્યો હતો. આગની ઘટના સામે આવતા ભુજ ફાયર બ્રિગેડને જાણ કરતા ટીમ તાત્કાલિક ઘટના સ્થળે દોડી ગઈ હતી અને આગને કાબુમાં લેવાના પ્રયાસો હાથ ધર્યા હતા. જો કે દુકાનની અંદર મોટા ભાગની લાકડાની વસ્તુઓ હોવાના કારણે આગ બુઝાવામાં પણ એકાદ કલાક જેવો સમય ફાયર ફાઈટરોને લાગ્યો હતો, પરંતુ આગ કાબુમાં આવે તે પૂર્વે દુકાનમાં રહેલા એક્રેલિકની સીટો અને મશીન બળીને ખાખ થઇ ગયા હતા. અંદાજીત આઠથી દશ લાખની નુકશાની થઇ હોવાની શક્યતા છે

(12:53 am IST)
  • કાશ્મીરના પુંચ જિલ્લામાં સરહદ પર પાકિસ્તાને ફરી તોપગોળાનો વરસાદ વરસાવ્યો છે : ભારતીય સેના બરાબર વળતો જવાબ આપી રહી છે access_time 10:06 pm IST

  • રાજયના પપ હજાર વીજ કર્મચારીઓ-અધિકારીઓની કાલની માસ સીએલ મુલત્વી રહે તેવી શકયતા ઉર્જા મંત્રીએ કમીટીને કાલે મંત્રણા માટે બોલાવી....: સાતમા પગાર પંચ-સ્ટાફની ઘટ-એરીયર્સ સહિતના પોણો ડઝન મુદા અંગે પપ હજાર વીજ કર્મચારીઓ-ઇજનેરોના આંદોલન સંદર્ભે જોઇન્ટ કમીટીને કાલે સવારે ૧૧ વાગ્યે મંત્રણા માટે બોલાવતા ઉર્જા મંત્રીઃ મીટીંગ સંદર્ભે કાલની માસ સીએલનો કાર્યક્રમ મુલત્વી રહેવાની શકયતાઃ આજે બપોરે મીટીંગ access_time 11:35 am IST

  • રાજકોટમાં ચાંદી રૂ.૯૦૦ ઉછળી, સોનું રૂ.૧૫૦ વધ્યું ટ્રમ્પે ચીન સામે બોર્ડર એગ્રીમેન્ટની નવી શરત મૂકતાં ટ્રેડવોરનું સમાધાન ટલ્લે ચડતાં વિશ્વમાર્કેટમાં સોનું-ચાંદી સુધરતાં લોકલ માર્કેટમાં અસર જોવા મળીઃ રાજકોટમાં સોનુ ૧૦ ગ્રામના રૂ.૩૯૫૫૦, હોલમાર્કના રૂ.૩૮,૫૦૦ અને ચાંદીના એક કિલોના રૂ.૪૬,૦૦૦ access_time 6:02 pm IST