Gujarati News

સાવરકુંડલાના જેસર રોડ પર મોડીરાત્રે સ્ટિયરિંગ પરનો કાબૂ ગુમાવતા કાર પલ્ટી મારી રોડ કાંઠે રહેલા ઝુપડામાં ઘૂસી ગઇ હતી. જેમાં કારમાં સવાર બે સગા ભાઇના મોત નીપજ્યા હતા. જો કે ઝુપડામાં કોઇ ન હોવાથી મજૂરોના જીવ બચ્યા હતા.આ  ઘટનાની જાણ થતા જ પોલીસ દોડી આવી હતી અને બંને સગા ભાઇના મૃતદેહને પીએમ માટે હોસ્પિટલે ખસેડ્યા હતા.

 મળતી વિગત મુજબ નવીન નાનજીભાઇ ડાભી (ઉ.27) અને હરેશ નાનજીભાઇ ડાભી (ઉ.25) બંને ભાઇઓ ગત મોડી રાત્રે બગદાણાથી સાવરકુંડલાકારમાં આવી રહ્યા હતા. ત્યારે સ્ટિયરિંગ પરનો કાબૂ ગુમાવતા કાર પલ્ટી મારી રોડકાંઠે રહેલા ઝુપડામાં ઘૂસી ગઇ હતી. બંને ભાઇના ઘટનાસ્થળે જ મોત નીપજ્યા હતા. ઘટનાને લઇને સવારે મોટી સંખ્યામાં લોકો એકત્ર થયા હતા. બે પુત્રોના મોતથઈ ડાભી પરિવારમાં માતમ છવાઇ ગયો છે