Gujarati News

Gujarati News

News of Wednesday, 13th November 2019

છેતરપિંડીના કેસમાં ગાંધીધામની જાણીતી જૈશુ શિપિંગના ડાયરેકટર પ્રીતમ કેવલરામાણીની જામીન અરજી નામંજૂર

ભુજ, તા.૧૩: આર્થિક અને કાયદાકીય મુશ્કેલીઓ વચ્ચે ફસાયેલી જૈશુ શિપિંગ કંપનીના ડાયરેકટરની જામીન અરજી ગાંધીધામ કોર્ટે ફગાવી દીધી છે. જૈશુ શિપિંગ કંપનીના ૮ ડાયરેકરો વિરુદ્ઘ છેતરપિંડીનો ગુનો નોંધાઇ ચુકયો છે.

આ સંદર્ભે થયેલ પોલીસ ફરિયાદ રદ્દ કરવા માટે જૈશુ શિપિંગ દ્વારા હાઇકોર્ટમાં દાદ મંગાઈ હતી. પણ, હાઇકોર્ટે સીઆઇડી ક્રાઇમને તપાસ સોંપી હતી. આ તપાસ દરમ્યાન જૈશુ શિપિંગના ડાયરેકટર પ્રીતમ કેવલરામાણીની ધરપકડ કરી ચાર દિવસના રિમાન્ડ મેળવાયા હતા.

જોકે, જામીન માટે પ્રીતમ કેવલરામાણી એ નીચલી કોર્ટમાં અરજી કરી હતી, પણ ત્યાં અરજી નામંજૂર થતાં ગાંધીધામની અધિક સેશન્સ કોર્ટમાં જામીન અરજી કરી હતી. જે અંગે દલીલો સાંભળ્યા બાદ જજ આર.જી. દેવધરાએ જામીન અરજી ફેંકી દેતા પ્રીતમ કેવલરામાણીને જેલ હવાલે કરાયો હતો. આ પક્ષે સરકારી વકીલ મહેન્દ્રસિંહ જાડેજાએ દલીલો કરી હતી.

(11:46 am IST)
  • BSNL VRS સ્કીમઃ દેશભરમાં ૭પ૪૬૯ એ અરજી કરીઃ રાજકોટ શહેર-જીલ્લામાં કુલ ૮પ૦ કર્મચારી-અધિકારીઓમાંથી ૪૧૯ દ્વારા અરજી કરાઇ : BSNL ની VRS સ્કીમમાં દોટ મુકતા કર્મચારીઓ તથા હાઇલેવલ અધિકારીઓઃ દેશભરમાં ૭પ૪૬૯ દ્વારા અરજી રાજકોટ શહેર-જીલ્લામાં કુલ ૮પ૦ માંથી ૧પ હાઇ લેવલ અધિકારી-આસી. અધિકારી-કર્મચારીઓ સહિત કુલ ૪૧૯ દ્વારા અરજીઓ કરાઇઃ ધડાધડ સ્કીમનો અમલ... access_time 3:42 pm IST

  • આંધ્રપ્રદેશની સરકારી શાળાઓમાં અંગ્રેજી માધ્યમ કરવા મામલે સરકાર અને વિપક્ષ આમને સામને :રાજ્યની તમામ સરકારી સ્કૂલોમાં શિક્ષણનું માધ્યમ ઉર્દુ,તેલુગૂથી બદલી અંગ્રેજીમાં પરિવર્તિત કરવાના નિર્ણંય સામે જનસેવા,ભાજપ અને ટીડીપી જેવા પક્ષો ઉપરાંત ઉપરાષ્ટ્રપતિ વૈંક્યા નાયડુએ પણ સરકારની ટિક્કા કરી access_time 1:08 am IST

  • કલેકટર કચેરીમાં બપોર બાદ બીન ખેતી ઓપન હાઉસઃ ૭૦થી વધુ કેસોઃ કલેકટર કચેરીમાં આજે બીન ખેતી ઓપન હાઉસઃ ૭૦થી વધુ કેસોઃ મંજૂરી અંગે બપોર બાદ હાથોહાથ અરજદારોને ઓર્ડર અપાશેઃ મહેસુલ-અપીલના કેસો અંગે સવારે ૧૧ વાગ્યાથી કલેકટરનું ઓપન બોર્ડ.... access_time 11:35 am IST