Gujarati News

Gujarati News

News of Tuesday, 12th November 2019

વાડીમાં જુવાર-કપાસની આડમાં ગાંજાનું પણ મોટા પાયે વાવેતર : ભાવનગર પોલીસે 317 કિલો ગાંજા સાથે આરોપીને ઝડપી લીધો

ગાંજાના 405 છોડ વાવ્યા હતા :આશરે 16 લાખ નો મુદામાલ જપ્ત

ભાવનગર પોલીસે બાતમીને આધારે 317 કિલો ગાંજા સાથે એક આરોપીને દબોચી લીધો છે. પોલીસને બાતમી મળી હતી કે આરોપી સંજય પાંડર તેની વાડીમાં જુવાર-કપાસની આડમાં ગાંજાનું પણ મોટા પાયે વાવેતર કરે છે. આ બાતમીને આધારે પોલીસે રેડ કરી વાડીમાં આરોપીએ જુવાર કપાસના વાવેતરની વચ્ચે ગાંજાના 405 છોડ વાવ્યા હતા જેની કુલ કિંમત આશરે 16 લાખ જેટલી થાય છે. પોલીસે આરોપી સંજયની હાલ ધરપકડ કરી છે..અને તેની સામે એન.ડી.પી.એસ.એકટ હેઠળ ગુનો નોંધીને કાયદેસરની કાર્યવાહી હાથ ધરી છે.

(12:40 am IST)
  • બે મહિના પહેલાના અપહરણ-બળાત્કાર-પોકસોના આરોપીને રાજકોટ તાલુકા પોલીસ ઓરિસ્સાના બદુંગીયા જંગલ નકસલી વિસ્તારમાંથી ૧૦ દિવસની દોડધામને અંતે ઝડપી લાવીઃ નાના મવા રોડ પર કડીયા કામની સાઇટ પર રહેતો ગુલશન નામના શખ્સે સગીરાનું અપહરણ કરી બળાત્કાર ગુજાર્યો હતોઃ એ પછી ફરાર થઇ ગયો હતોઃ ડીસીપી મનોહરસિંહ જાડેજાની રાહબરીમાં એસીપી જે. એસ. ગેડમ, પી.આઇ. વી. એસ. વણઝારાની ટીમે કામગીરી કરીઃ બપોરે વિગતો અપાશે access_time 11:35 am IST

  • રાજકોટમાં ચાંદી રૂ.૯૦૦ ઉછળી, સોનું રૂ.૧૫૦ વધ્યું ટ્રમ્પે ચીન સામે બોર્ડર એગ્રીમેન્ટની નવી શરત મૂકતાં ટ્રેડવોરનું સમાધાન ટલ્લે ચડતાં વિશ્વમાર્કેટમાં સોનું-ચાંદી સુધરતાં લોકલ માર્કેટમાં અસર જોવા મળીઃ રાજકોટમાં સોનુ ૧૦ ગ્રામના રૂ.૩૯૫૫૦, હોલમાર્કના રૂ.૩૮,૫૦૦ અને ચાંદીના એક કિલોના રૂ.૪૬,૦૦૦ access_time 6:02 pm IST

  • મુલાયમસિંહ યાદવને હોસ્પિટલમાં ખસેડાયા : શ્વાસ લેવામાં તકલીફ : ઉત્તર પ્રદેશના પૂર્વ મુખ્યમંત્રી મુલાયમસિંહ યાદવને શ્વાસ લેવામાં તકલીફ થતા અને અન્ય ફરિયાદો સબબ હોસ્પિટલમાં ખસેડવામાં આવ્યા છે access_time 9:41 pm IST