Gujarati News

Gujarati News

News of Thursday, 13th September 2018

સગીરા ઉપરના બળાત્કાર કેસમાં બિહારી શખ્સને કોર્ટ દ્વારા ૧૦ વર્ષની સજા

ધોરાજી, તા.૧૩: ધોરાજીમાં બળાત્કાર કેશમાં બિહારના આરોપીને ૧૦ વર્ષની સજા ધોરાજી કોર્ટે ફરમાવી હતી.

આ કેસની વિગત એવી છે કે આ કેસના ભોગ બનનાર સગીર વયના હતા અને ધોરાજીના કારખાનામાં કામે જતા હતા તે સમયે આરોપી તે કારખાનામાં સુપરવાઈઝર હોય તેમના પરિચયમાં આવે આરોપી મૂળ બિહારના વતની છે પહેલેથી પરિણીત હતા આ તમામ હકીકત છુપાવી અને ભોગ બનનારને લગ્નની લાલચ આપી પોતાની સાથે બિહાર લઇ ગયેલ આ વખતે અમદાવાદ રેલવે સ્ટેશનમાં બંધ પડેલી ટ્રેનમાં ભોગ બનનાર સાથે શરીર સંબંધ બાંધી અને બિહાર થી પરત આવતી વખતે ચાલુ ટ્રેનમાં ભોગ બનનાર સાથે શરીર સંબંધ બાંધેલ હતો.

આ કામે પોલીસ ઇન્સ્પેકટર શ્રી ઝાલા અને સર્કલ પોલીસ ઇન્સ્પેકટર શ્રી રાવત એ તપાસ કરી અને ચાર્જશીટ કરેલું ભોગ બનનારની જુબાની અને તમામ પુરાવાઓ ધ્યાને લઇ સરકારી વકીલે દલીલ કરી હતી કે આરોપી તરફથી સહમતી નો બચાવ લેવામાં આવેલો છે ભોગ બનનારની જન્મતારીખ ૩/૩/૨૦૦૨ જે જોતા ભોગ બનનાર સગીર વયના હોય તેમની સહમતીની કોઈ કિંમત નથી અને આરોપી પોતે પરિણીત હોવા છતાં ભોગ બનનારને લગ્નની લાલચ આપી લઇ ગયો હતો અને સર્વોચ્ચ અદાલતનો ચુકાદો રજૂ કરેલો હતો કે સ્ત્રીનું શરીર તે પુરુષના મનોરંજનનું સાધન નથી લગ્નની લાલચ આપીને સહમતી મેળવીને કરેલુ દુષ્કર્મ બળાત્કાર જ ગણાય આ તમામ દલીલો મદદનીશ સરકારી વકીલ કાર્તિકેય પાર્ક તરફથી કરવામાં આવેલી અને આ દલીલોને ધ્યાને લઇ ધોરાજીના જજ શ્રી દવે એ આરોપીને તકસીરવાન ઠરાવી દસ વર્ષની સજા અને ચૌદ હજાર રૂપિયા દંડ ફરમાવેલ હતો.(૨૩.૪)

(11:59 am IST)
  • નવી એપલ વોચ-4 લોન્ચ:ઇસીજી ,ઇલેક્ટ્રો કાર્ડિયોગ્રામ જેવા અદભૂત નવા ફીચર્સ:૬૪ બીટ ડ્યુઅલ કોર પ્રોસેસર:એક્સીલેરોમીટર,જાયરોસ્કોપ જેવા નવા ફીચર્સ લોન્ચિંગ ઇવેન્ટ ટ્વિટર ઉપર લાઈવ access_time 12:04 am IST

  • દ્વારકા:મીઠાપુરના દરિયાઇ વિસ્તારમાં દીપડાએ દેખા દીધી:ગાયોના મારણ કરાયાનું પણ સામે આવ્યું:દીપડાના પગના નિશાનો પણ દેખાયા:ટાટા કેમિકલ્સ દ્વારા નોટિસ પણ લાગડાઈ access_time 11:49 pm IST

  • સુરત :સ્વાઈન ફ્લુમાં વધુ એક પોઝિટિવ કેસ નોંધાયો:કુલ પોઝિટિવ કેસનો આંકડો 11 થયો :45 વર્ષીય પુરુષનો રિપોર્ટ આવ્યો પોઝિટિવ :હાલમાં 7 લોકો સારવાર હેઠળ access_time 11:57 pm IST