Gujarati News

Gujarati News

News of Wednesday, 12th September 2018

વઢવાણમાં ક્ષત્રીય શહાદતોનું ખાંભી સ્થળ 'રાષ્ટ્રીય સ્મારક' તરીકે વિકસાવાશે

રાજકોટઃ ઝાલાવાડના ર૩ ગામના ક્ષત્રીયોએ એકત્ર થઇને ચુંદડી મહોત્સવ ઉજવણી વઢવાણમાં કરી હતી. આ મહોત્સવમાં સૌ પ્રથમ વખત વઢવાણ અને ચુડાનાં સ્ટેટનાં માધાણી, રાણા, ઝાલા પરીવારના લોકો ઉમટી પડયા હતા.

આ પ્રસંગે રાણા નરેન્દ્રસિંહ ઘનશ્યામસિંહે જણાવ્યું હતું કે, વઢવાણ હાડીમા રોડ ઉપર આવેલા રાજ સ્મશાનને રાષ્ટ્રીય સ્મારક બનાવવાનો ઠરાવ કરવામાં આવ્યો હતો. આ સ્થળે રાણકદેવી હાડીમા તેમજ રાઠોડમાં સતી થયાનાં સ્મારકો આવેલા છે. અત્રે ઉલ્લેખનીય છે કે અર્જુનસિંહજી તેમજ મહારાણી સાહેબા હાડીમાનો નિર્વાણદીન વિ.સં.૧૭૯પ શ્રાવણ વદ-પ છે. એટલે કે અંદાજે ૩૦૦ વર્ષ જુના આ સ્થળે માધાણી પરીવાર વઢવાણ ચુડાની સમુહ પૂજન વિધીનું આયોજન તા.૩૧ ઓગષ્ટને શુક્રવારે યોજાયું હતું.

જેમાં દેવકુંવરબા હાડીમાનાં વાર્ષિક ચુંદડી મહોત્સવનું આયોજન કરવામાં આવ્યું હતું. દુધરેજના તાલુકાદાર રાણા માનસિંહજીના પુત્રો તથા ભત્રીજા વિ.સં. ૧૮૪૪નાં મહાવદી-૩ ના રોજ ચંદ્રાસર ગામે ગાયોનાં ધીંગાણામાં માંડજી દાદાબાપુ, હઠીસિંહજી દાદાબાપુ, શુજાજીદાબાપુ, ગગજીભા, દાદાબાપુ શહીદ થયા હતા. આથી આ શહીદોની પણ અંતિમ વિધિ પણ વઢવાણમાં કરવામાં આવી હોવાનું અંતમાં જણાવ્યું હતું. આ વેળાએ ઝાલા, ક્ષત્રીય સમાજના પ્રમુખ રૂદ્રસિંહ ઝાલા, ચુડા સ્ટેટ સુકેતુસિંહ, સુધીરદાદા, નરેન્દ્રસિંહ રાણા, શૈલેન્દ્રસિંહ, સુરૂભા તેમજ ક્ષત્રીય સમાજનાં આગેવાનો અને યુવાનો મોટી સંખ્યામાં ઉપસ્થિત રહયા હતા.

આ પ્રસંગે નરેન્દ્રસિંહ રાણા (દુધરેજ), હરપાલસિંહ રાણા, ધર્મેન્દ્રસિંહ રાણા (ઝાંપોદર) અને પ્રતાપસિંહ રાણા (ભેંસજળ) હાજર રહયા હતા. (૪.૧૦)

(12:25 pm IST)
  • આગામી ૬ મહિનામાં અમદાવાદના રોડ પર ૫૦ ઈલેકટ્રીક બસ દોડશેઃ વિજય નહેરા :ફલેગશીપ ફોરેન એન્ડ સિકયોરિટી પોલિસી કોન્ફરન્સમાં access_time 4:07 pm IST

  • રાજુલા પંથકમાં દારૂની બદી નાબૂદ કરો :રાજુલા તાલુકાના 5 ગામોની મહિલાઓ પોહચી અંબરીશ ડેર ના ફામ હાઉસ પર:સાંચબંદર,ખેરા, પટવા, વિક્ટર,પીપાવાવ ધામ સહિત ગામડા ની 200થી વધુ મહિલાઓએ રજૂઆત કરી:ગામડામાં દેશી દારૂ,નશીલા પદાર્થની બોટલનું બે ફામ વેચાણ અટકાવવા કરી રજુઆત:ધારાસભ્ય અંબરીશ ડેર વિધાનસભાના સત્રમા આ મુદ્દો ઉછાળશે access_time 10:58 pm IST

  • અંબાજીમાં ભાદરવી પૂનમના મેળા માટે 120 એસટી બસ મુકાશે :5,50 કરોડની આવકનો અંદાજ :હાલનું કાયમી બસ સ્ટેન્ડ મેળા દરમિયાન અઠવાડિયું બંધ :પાંચ અન્ય સ્થળે હંગામી બસ સ્ટેન્ડ બનાવી નવ બુથ ઉપરથી એસ,ટી,બસ વિવિધ રૂટ પર દોડાવાશે:રાજ્ય એસ. ટી. નિગમ મા જનરલ મેનેજર નિખીલ બિરવેએ આપી માહીતી access_time 11:01 pm IST