Gujarati News

ઉપલેટા,તા.૧૩: ગુજરાત સરકારશ્રીના નિયમ અનુસાર દર વર્ષે મહિલા સશકિતકરણ પખવાડિયાની ઉજવણી તારીખ ૧/૮/૨૦૧૯ થી ૧૪/૮/૨૦૧૯ સુધી મહિલા સશકિતકરણ પખવાડિયા તરીકે ઉજવણી કરવાનું નક્કી કરવામાં આવ્યું હતું તે સંદર્ભે આજરોજ ઉપલેટામાં તાલુકા પંચાયતના સભાખંડમાં આઈ.સી.ડી.એસ. વિભાગ દ્વારા ઇન્ચાર્જ સી.ડી.પી.ઓ. જયશ્રીબેન ગોસાઈના માર્ગદર્શન હેઠળ મહિલા સશકિતકરણનો કાર્યક્રમ યોજવામાં આવ્યો હતો જેમાં કિશોરીઓ દ્વારા સાંસ્કૃતિક કાર્યક્રમ તથા બેટી બચાવો બેટી પઢાવો અંગે પ્રવચનો કરવામાં આવ્યા હતા.તેમજ ૩ થી ૬ વર્ષના બાળકો દ્વારા વેશભૂષાનો કાર્યક્રમ યોજવામાં આવ્યો હતો અને વાનગી નિર્દશન રસોઈ શો જેવા વિવિધ કાર્યક્રમો યોજવામાં આવ્યા હતા. તેમજ બાળપોષણ વિશે વિસ્તૃત માહિતી આપવામાં આવી હતી. આ કાર્યક્રમમાં નગરપાલિકાના પ્રમુખ દાનાભાઈ ચંદ્રવાડીયા તાલુકા પંચાયત પ્રમુખ લાખાભાઈ ડાંગર શિક્ષણ સમિતિના ચેરમેન નિકુલભાઇ ચંદ્રવાડીયા સુધરાઈ સભ્ય વર્ષાબેન ડેર સહિતનાઓ ઉપસ્થિત રહ્યા હતા. આ કાર્યક્રમને સફળ બનાવવા માટે ઇન્ચાર્જ સી.ડી.પી.ઓ. જયશ્રીબેન ગોસાઈના માર્ગદર્શન હેઠળ કો-ઓર્ડિનેટર ભાઈઓ, વર્કર બહેનો તથા હેલ્પર બહેનોએ ભારે જહેમત ઉઠાવી હતી.(પત્રકાર- ભરત દોશી મો.૯૩૭૪૮ ૧૭૦૩૬.ઉપલેટા)