Gujarati News

Gujarati News

News of Monday, 12th August 2019

રાત્રે જામનગરમાં પોલીસકર્મી પર અજાણ્યા શખ્સો દ્વારા તીક્ષણ હથિયારથી હુમલો

પોલીસમેન પરેશ ખાણધરને બેશુદ્ધ હાલતમાં હોસ્પિટલે ખસેડાયા :હવાઈ ચોક પાસે વરુડી હોટલ નજીક કર્યો હુમલો

 

જામનગરમાં પોલીસ કર્મી બાઇક લઈને દર્શને જતા રસ્તામાં ત્રણ શખ્સોએ માર મારવાની ઘટના બની છે. હવાઈચોક વિસ્તારમાં આવેલ વરૂડી હોટલ પાસેની ગલીમાં પરેશભાઈ ખાણધર નામના પોલીસ કર્મચારી પર ત્રણથી ચાર શખ્સોએ મુઠ અને છરી જેવા તીક્ષ્ણ હથિયાર વડે માર મળી ગળામાંથી ચેન ની પણ લૂંટ ચલાવ્યા હોવાની ચર્ચાઓ વહેતી થઈ છે.

પોલીસમેન પરેશ ખાણધરને બેશુદ્ધ હાલતમાં જામનગરની જી.જી.હોસ્પિટલમાં ખસેડવામાં છે. ઘટનાની જાણ થતાં ડીવાયએસપી .પી.જાડેજા સહિતનો પોલીસ કાફલો દોડી આવ્યો હતો. અને તપાસ આદરી છે.

જાણવા મળતી માહિતી અનુસાર શ્રાવણી સોમવાર હોય તેથી પરેશભાઈ ખાણધર પોતાના પત્ની સાથે દર્શને જતા હતા ત્યારે હવાઈ ચોક નજીક આવેલી શેરીમાં 3 થી 5 અજાણ્યા શખ્સોએ આવી ગાડી વચ્ચે રાખી પોલીસમેન પરેશ ખાણધરને મારવાનું શરૂ કર્યું હતું અને મારી ભાગી ગયા હતા. ઘટનાને પગલે આસપાસના લોકોએ દોડી જઈ ગંભીર રીતે ઘવાયેલા પોલીસ મેન પરેશ ખાણધરને  સરકારી ગુરૂ ગોવિંદસિંઘ હોસ્પિટલમાં સારવાર માટે ખસેડ્યા છે અને ડીવાયએસપી સહિતનો પોલીસ કાફલો દોડી આવ્યો છે. ઘટનાને અંજામ આપનાર  અજાણ્યા ઇસમોને ઝડપી પાડવા પોલીસે ચક્રો ગતિમાન કર્યા છે.તસવીરો:કિંજલ કારસરીયા,જામનગર

(1:06 am IST)
  • કૃષ્ણ -અર્જુન વાળા રજનીકાંતના નિવેદનથી તામિલનાડુ કોંગ્રેસને આંચકો ;કહ્યું ફરીથી વાંચે મહાભારત : તામિલનાડુ કોંગ્રેસ કમિટીના અધ્યક્ષ કે,એસ,અલ્લગીરીએ કહ્યું કે રજનીકાંતની આવી પ્રતિક્રિયાથી આશા નહોતી આ પ્રકારના નિવેદનથી હેરાન થયા છું ;સાઉથના સુપર સ્ટાર અને રાજનીતિમાં પ્રવેશેલા રજનીકાંતે કાશ્મીરમાં આર્ટિકલ 370 હટાવતા પીએમ મોદીને કૃષ્ણ અને ગૃહમંત્રી અમિતભાઇ શાહની તુલના અર્જુન સાથે કરી હતી access_time 12:56 am IST

  • વડોદરા જવાનો માર્ગ ખુલી ગયો : સૌરાષ્ટ્રના વડોદરા જતા પ્રવાસીઓ માટે બગોદરાથી વટામણ ચોકડી તારાપુર ચોકડી થઇને જતો રસ્તો આજે ખુલી ગયો છે. સાબરમતી પુલ પરથી તારાપુર તરફ જવાય છે. જો કે આ રસ્તો આગળ ખરાબ હોવાનું અને બગોદરાથી થોડે આગળ ખેડા તરફના રસ્તે વડોદરા જવુ વધુ સુગમતા ભર્યું હોવાનું જાણકારો કહે છે. access_time 3:40 pm IST

  • સિક્કીમ ડેમોક્રેટિક ફ્રંટના ૧૦ વિધાયક બીજેપીમાં સામેલ : સિક્કીમનો મુખ્ય પક્ષ એસડીએફના ૧૦ વિધાયક આજે નવી દિલ્હીમાં બીજેપીમાં સામેલ થયાઃ પૂર્વ સીએમ પવનકુમાર ચામલિંગ સહિત ૪ અન્ય વિધાયકોને છોડીને બાકી રહેલા વિધાયકો બીજેપીમાં સામેલ થયાઃ સિક્કીમમાં હજુ સુધી ખાતુ નહિ ખોલી શકેલી બીજેપીના પાલામાં ૧૦ વિધાયકો થઈ ગયા access_time 4:07 pm IST