Gujarati News

Gujarati News

News of Friday, 13th July 2018

માળીયાહાટીનામાં દે ધનાધન ૬ ઈંચઃ વિસાવદર-સુત્રાપાડા ૪ ઈંચ

ભેંસાણ-મેંદરડામાં ૩II, તાલાળા-કોડીનારમાં ૩, જૂનાગઢ-કેશોદ-માંગરોળ-ગઢડા-વેરાવળ-બાબરામાં ૨ ઈંચઃ અન્યત્ર અડધાથી દોઢ ઈંચ વરસાદઃ રાજકોટ સહિત સૌરાષ્ટ્ર-કચ્છમાં બીજે દિવસે પણ મેઘરાજા મહેરબાનઃ અનેક નદી-નાળા છલકાયા

રાજકોટ, તા. ૧૩ :. રાજકોટ સહિત સૌરાષ્ટ્ર-કચ્છમાં સર્વત્ર મેઘાવી માહોલ બરાબરનો જામ્યો છે અને ગઈકાલથી શરૂ થયેલ મેઘમહેર આજે પણ યથાવત છે. આજે સવારના ૮ વાગ્યાથી બપોરના ૨ વાગ્યા સુધીમાં અડધાથી ૬ ઈંચ વરસાદ વરસી ગયો છે. જેના કારણે નદી-નાળા છલકાઈ ગયા છે અને ડેમમાં નવા નીર આવ્યા છે.

આજે સવારના ૮ વાગ્યાથી બપોરના ૧૨ વાગ્યા સુધીમાં જૂનાગઢ જિલ્લાના માળીયાહાટીનામાં ધોધમાર ૬ ઈંચ વરસાદ પડયો છે. જ્યારે ગીરસોમનાથ જિલ્લાના સુત્રાપાડામાં ૪ ઈંચ અને વિસાવદરમાં પણ ૪ ઈંચ વરસાદ ખાબકયો છે.

જ્યારે જૂનાગઢના ભેંસાણ અને મેંદરડામાં ૩II ઈંચ વરસાદ પડયો છે. ગીર સોમનાથ જિલ્લાના કોડીનારમાં અને તાલાળામાં ૩ ઈંચ વરસાદ પડયો છે. જ્યારે જૂનાગઢ, માંગરોળ અને કેશોદમાં ૨ ઈંચ તથા ગીર સોમનાથના વેરાવળ અને બોટાદ જિલ્લાના ગઢડા તથા અમરેલી જિલ્લાના બાબરામાં ૨ ઈંચ વરસાદ પડયો છે.

જૂનાગઢ જિલ્લાના વંથલીમાં ૧ ઈંચ, ઉનામાં ૧ ઈંચ, બગસરા દોઢ ઈંચ અને ધારીમાં પણ દોઢ ઈંચ વરસાદ પડયો છે.

રાજકોટ જિલ્લાના જેતપુરમાં દોઢ ઈંચ તથા ધોરાજી, ગોંડલ, જામકંડોરણા, કોટડાસાંગાણી અને રાજકોટમાં હળવાભારે ઝાપટા વરસ્યા છે. સુરેન્દ્રનગર જિલ્લાના ચોટીલા, પોરબંદર, રાણાવાવ, કુતિયાણા, લીલીયા, સાવરકુંડલા, વડીયા, અમરેલી, લાઠી, સિહોર, વલ્લભીપુર, ઉમરાળા, જેસર, ભાણવડ, ધ્રોલ, જોડીયા, દ્વારકામાં હળવા ભારે ઝાપટા વરસ્યા છે.(૨-૧૭)

(3:46 pm IST)
  • ઓજત વિયર વંથલી ડેમના 12 દરવાજા ખોલાયા :પાણીની ભારે આવકના કારણે તમામ દરવાજા ખોલી નખાયા :પ્રતિ સેન્કડ 2881,70 ક્યુસેક ઓવરફ્લો પાણીનો પ્રવાહ :આઠ ગામોને એલર્ટ access_time 12:42 am IST

  • અમદાવાદમાં પ્લાસ્ટિકના પાણીના પાઉચના ઉત્પાદન અને વેચાણ પર પ્રતિબંધ મૂકતા AMCના નિર્ણયને હાઇકોર્ટની બહાલી:પાઉચનું ઉત્પાદન કરનારા મેન્યુફેક્ચરર્સની અરજી હાઇકોર્ટે ફગાવી: કેન્દ્ર સરકારના નોટિફિકેશન GPCB અને રાજ્ય સરકારની રજુઆતોને સાંભળ્યા બાદ કોર્ટે અરજી અમાન્ય રાખી access_time 8:30 pm IST

  • ખાંભાના નવા માલકનેશ વાડીની ઓરડી માં સુતેલી દીકરીને બચાવવા જતા વચ્ચે પડેલ દીકરીની માં પર દીપડા નો હુમલો.:મહિલાને સારવાર અર્થ ખાંભા હોસ્પિટલ ખસેડાઈ access_time 10:27 pm IST