Gujarati News

Gujarati News

News of Friday, 13th July 2018

જામકંડોરણામાં અષાઢી બીજની રથયાત્રાનું પ્રસ્થાન જયેશભાઇ રાદડીયા કરાવશે

જામકંડોરણા તા.૧૩: કાલે શનિવારે અષાઢી બીજના દિવસે સનાતન યુવક મંડળ તેમજ જામકંડોરણાના વિવિધ યુવક મંડળોના સહયોગથી ભગવાન રામદેવજીની રથયાત્રાનું આયોજન કરવામાં આવેલ છે.

રથયાત્રામાં સનાતન ધર્મના ગુરૂજી રમેશબાપુ દાણીધારીયા તથા પ્રવિણબાપુ દાણીધારીયા બિરાજશે. આ રથયાત્રાનું પ્રસ્થાન કેબિનેટ મંત્રી જયેશભાઇ રાદડીયાના હસ્તે થશે. આ રથયાત્રા બપોરના ૩ કલાકે ડી.જે. તથા ભકિતમય સંગીતના સુરો સાથે શ્રી રામજી મંદિરથી શરૂ પટેલ ચોક, ડંકી ચોક, ભાદરા નાકા, કાલાવડ રોડ, બસ સ્ટેશન, બાલાજી ચોક થઇ પટેલ ચોકમાં પૂર્ણ થશે.

રાત્રે ૯ કલાકે ભગવાન રામદેવજી મહારાજનો પાટોત્સવ તથા સંતવાણીનો કાર્યક્રમ રાખવામાં આવેલ છે. રથયાત્રાની તડામાર તૈયારીઓ ચાલી રહી છે આ રથયાત્રામાં તાલુકાના રાજકીય, સામાજીક તેમજ વિવિધ યુવક મંડળોના કાર્યકરો આગેવાનો હાજરી આપશે.

(11:44 am IST)
  • રાજકોટના શાપર -વેરાવળમાં ભારે વરસાદને કારણે 150 લોકો પાણીમાં ફસાયા ;તંત્રએ તમામને સહી સલામત સ્થળે ખસેડાયા :વહીવટી તંત્રએ તમામ માટે ભોજન વ્યવસ્થા કરી access_time 11:26 pm IST

  • રાજકોટના શાપર વેરાવળમાં વધુ વરસાદને કારણે પાળ ગામની નદીમાં ઘોડાપુર:PGVCL ના અનેક થાંભલાઓ ધ્વસ્ત : મવડી ગામના લોકો નદીના ઘોડાપુરને જોવા ઉમટ્યા access_time 11:23 pm IST

  • જેતપુરમાં અનરાધાર વરસાદથી સિવિલ હોસ્પિટલમાં પાણી ભરાયા ટ્રોમા સેન્ટર અમે આઇસીયુ વિભંગમાં પાણી ઘુસી જતા કર્મચારીઓમાં પાણીના નિકાલ માટે કાર્યવાહી access_time 12:00 am IST