Gujarati News

Gujarati News

News of Friday, 13th July 2018

કચ્છમાં વડીલ સંત દ્વારા ૧૦ વર્ષ પૂર્વે કરાયેલી જાતીય સતામણી સામે ઓસ્ટ્રેલીયા રહેતા યુવાને કરેલી ફરીયાદ વાયરલ

પોતાનું ૧૦ વર્ષ પહેલાં કરાયેલું જાતીય શોષણ આજે પણ ભૂલી શકતો નથી તેવી ફરીયાદ સાથે ફોન પર ગુરૂ સ્વામી પાસે માંગ્યું માર્ગદર્શનઃ ૧૦૦ મીનીટની ઓડિયો કલીપ વાયરલ

ભુજ તા.૧૩: મંદિર સામેનાં વિવાદો શમવાનું નામ લેતા નથી. હાલમાં જ ત્રણ યુવતીઓ સાથે સ્વામીની અભદ્ર ઓડિયો કલીપ વાયરલ થયા બાદ અત્યારે ઓસ્ટ્રેલીયાના એડીલેટ રહેતા મુળ કચ્છના સત્સંગી યુવાનની ઓડિયો કલીપ વાયરલ થઇ છે.

૧૦ થી ૧૨ વર્ષ પહેલાં બાળવયે ભુજ સ્વામિનારાયણ મંદિરના વડીલ સંત દ્વારા કરાયેલી અભદ્ર ચેષ્ટાઓ અને પોતાનાં જાતીય શોષણ સંદર્ભે વ્યથિત એવા યુવાને પોતાના ગુરૂ સ્વામી પાસેથી આ ઘટના ભુલી જવા અને ડીપ્રેશન માંથી બહાર આવવા માર્ગદર્શન માંગ્યું છે.

સ્વામી એ પોતાને આઇ લવ યુ કહયું હોવાનું અને કરેલી અભદ્ર ચેષ્ટાઓથી પોતાને સત્સંગ તરફ ગ્લાનિ થઇ હોવાનું કહયું છે. જો કે, આ ઓડિયો કલીપે ચકચાર સર્જયા પછી ભુજ સ્વામિનારાયણ મંદિરે કોઇ પણ પ્રકારની સત્તાવાર પ્રતિક્રિયા આપી નથી.

(11:39 am IST)
  • રાજકોટના શાપર વેરાવળમાં વધુ વરસાદને કારણે પાળ ગામની નદીમાં ઘોડાપુર:PGVCL ના અનેક થાંભલાઓ ધ્વસ્ત : મવડી ગામના લોકો નદીના ઘોડાપુરને જોવા ઉમટ્યા access_time 11:23 pm IST

  • જુનાગઢમાં ઘણા લાંબા સમય રાહ જોવડાયા બાદ ભારે વરસાદનુ આગમન : શહેરમાં લાઇટ જવાના પ્રશ્નોને પગલે પી.જી.વી.સી.એલના કમૅચારીઓ ભારે વરસાદ વચ્ચે કાર્યરત : ચાલુ વરસાદે પી. જી. વી. સી.એલના કર્મચારીઓ જીવ જોખમમાં મુકી કામ કરતા નજરે પડે છે.'અકિલા 'ના વાચક વાઢીયા મિતલકુમારએ મોકલેલ જુઓ વિડીયો access_time 11:20 pm IST

  • પાલીતાણામાં આવેલ શત્રુંજી ડેમની સપાટી આજ બપોર સુધીમાં 15 ફુટે પહોંચી હતી અને અમરેલી પંથકમાં સારા વરસાદના કારણે ડેમમાં પાણીની આવક હજુ પણ ચાલુ જ છે. આ ડેમ પાલીતાણા અને ભાવનગર શહેરમા પીવાના પાણી માટે તેમજ તળાજા પંથકમાં સિંચાઈ માટે જીવાદોરી સમાન ગણાય છે. access_time 5:54 pm IST