Gujarati News

Gujarati News

News of Friday, 13th July 2018

કોટડાસાંગાણીના રાજપરામાં પુરમાં તણાતા યુવકને બચાવાયો

કોટડાસાંગાણી સહિતના આસપાસના ગ્રામ્ય વિસ્તારોમા ધોધમાર વરસાદ વરસ્યો હતો. જેમા રાજપરા ગામે ત્રણ કલાકમા પાંચ ઈંચ વરસાદ પડતા રાજપરાની રંગુમતી નદીમા ઘોડાપુર આવ્યુ હતુ જેથી પુલ પરથી બે બે ફુટ ઉંચે પાણી પસાર થયુ હતુ. જેમા જીવના જોખમે પુલ પરથી પસાર થઈ રહેલો અજાણ્યો બાઈક સવાર તણાતા ગ્રામજનો એ બચાવી લીધો હતો. જયારે તેમનુ બાઈક પુરના પાણીમા તણાયુ હતુ. નદીમા પુર આવતા રાજપરાથી રાજકોટ જવાનો માર્ગ ત્રણ કલાક બંધ થયો હતો પાંચ ઈંચ વરસાદથી ખેતરોમા પાણી પાણી થયા હતા. કોટડાસાંગાણી તાલુકામા દિવસભરના બફારાબાદ ત્રણ વાગ્યાના અરસામા ઘેઘુર વાદળો વચ્ચે ગાજવીજ સાથે ધોધમાર વરસાદ તુટી પડ્યો હતો. કોટડાસાંગાણી રાજપરા ભાડવા દેવળીયા નારણકા ભાડુઈ પાંચતલાવડા શાપર વેરાવળ રામોદ સહિતના ગામોમા બે થી પાંચ ઈંચ ધોધમાર વરસાદ પડતા ખેડૂતો ખુશખુશાલ થયા હતા. અને જળાશયો છલકાયા હતા. વરસાદથી વાતાવરણમા ઠંડક પ્રસરી જવા પામી હતી. શાપર વેરાવળના નીચાણવાળા વિસ્તારોમા પાણી ભરાતા અનેક લોકોનુ સ્થળાંતર કરાયુ હતુ જયારે ભાડવા ગામની નદીમા પુર આવતા ભાડવાથી કોટડાસાંગાણી અને રાજકોટ જવાના બંને માર્ગ બે કલાક સુધી બંધ રહ્યા હતા. (તસ્વીર - અહેવાલ : કલ્પેશ જાદવ, કોટડાસાંગાણી)

(11:35 am IST)
  • ભાદર ડેમમાં ત્રણ ફૂટ નવા નીરની આવક :સપાટી 14,60 ફૂટે પહોંચી ;ઉપરવાસના વરસાદને કારણે સૌરાષ્ટ્રના સૌથી મોટા ભાદર ડેમમાં નવા નીરની આવક: નવા નીર આવતા લોકોના હૈયા આનંદિત access_time 12:45 am IST

  • સુરત કતારગામ વિસ્તારની ઘટના : સ્કૂલ વેનની સીએનજી ગાડીના પાઇપમાં આગ લાગતા 10 વિદ્યાર્થીનીઓ પગના ભાગે ગંભીર રીતે દાઝી :વિદ્યાર્થીનીઓને સારવાર માટે ખાનગી હોસ્પિટલમાં ખસેડાઇ access_time 10:03 pm IST

  • ભાજપના પૂર્વ ઉપાધ્યક્ષ જયંતિ ભાઈ ભાનુશાળી પર બળાત્કારના આરોપનો મુદ્દો : સુરત પોલીસ કમિશ્નરનુ ટેલિફોનિક નિવેદન :અરજીની તપાસ કાપોદ્રા પોલીસ સ્ટેશનના PIને સોંપવામાં આવી: પહેલા પ્રાથમિક અરજીની તપાસ કરવામાં આવશે બાદમાં આગળની કાર્યવાહી હાથ ધરવામાં આવશે access_time 12:13 am IST