Gujarati News

Gujarati News

News of Thursday, 13th June 2019

સોમનાથના દરિયામાં બે માળ જેટલા ઉંચા મોજા ઉછળે છેઃ વાવાઝોડુ માત્ર ૭૦ કિ.મી. દૂર

બપોરે ૨ વાગ્યાની સ્થિતિ પછી તંત્ર વધુ એલર્ટઃ સાંજ સુધીમાં શું થશે ? તે નક્કી નહિ

રાજકોટ, તા. ૧૩ :. આજે બપોરે ૨ વાગ્યે આ લખાય છે ત્યારે સરકારી સૂત્રોમાંથી મળતી માહિતી મુજબ વાવાઝોડુ વેરાવળ સોમનાથથી માત્ર ૭૦ કિ.મી. દૂર રહ્યુ છે. વાવાઝોડુ ૩ થી ૫ વાગ્યા વચ્ચે વેરાવળ બંદર સુધી પહોંચે તેવી શકયતા છે. દરિયામાં વાવાઝોડુ જતુ રહેશે કે દિશા બદલશે ? તે નક્કી નથી. સાંજ સુધીમાં કુદરતી પરિસ્થિતિ ગમે તે વળાંક લઈ શકે છે.

સોમનાથનો દરિયો ગાંડોતૂર બન્યો છે. આજે બપોરે ૧૫થી ૨૦ ફૂટ ઉંચાઈ જેટલા મોજા ઉછળી રહ્યા છે. સોમનાથ સંકુલમાં કેટલાક બોર્ડ ઉડયા છે. બપોરની પરિસ્થિતિ પછી તંત્ર વધુ એલર્ટ બન્યુ છે. વહીવટી તંત્ર, પોલીસ, એન.ડી.આર.એફ. વગેરે ખડેપગે છે. જોરદાર પવન ફુંકાઈ રહ્યો છે.

(4:14 pm IST)
  • ભારતે ચીનના 10 દરિયાઇ જહાજોને શરણ આપી છે, ચીની જહાજ ચક્રવાત વાયુમાં ફસાઇ ગયા હતા, આ જહાજને મહારાષ્ટ્રના રત્નાગીરી બંદર પર શરણ આપવામાં આવી છે. ભારતના તટરક્ષક મહાનિરિક્ષક કે આર સુરેશે જણાવ્યું કે ભારતીય તટરક્ષક દળે ચીનના 10 જહાજોને સુરક્ષાઘેરામાં રહેવાની અનુમતી આપી દીધી છે. access_time 12:45 am IST

  • લાઠી-ખાંભામા ૧, અમરેલીમા અડધો ઇંચ :અમરેલી જીલ્લામાં વાવાઝોડાની અસરથી જનજીવન ઠપ્પ access_time 3:47 pm IST

  • ભરૂચમાં દરિયા કિનારેથી તંત્ર દ્રારા હાઇ એલર્ટનું સિગ્નલ હટાવી લેવાયુ : ભરૂચ બંદર પરથી હાઇ અલર્ટનું સિગ્નલ હટાવી લેવાતા લોકોએ રાહતનો શ્વાસ લીધો: વાયુ વાવાઝોડાને કારણે ભરૂચ દરિયાનાં કિનારે વસતા 40 ગામોનાં લોકોને સાવધ કરાયા હતા. access_time 1:26 am IST