સોરઠમાં 'વાયુ'ની અસરઃ વહેલી સવારથી તોફાની પવન વચ્ચે વરસાદ-વિસાવદરમાં અડધો ઇંચ

News of Thursday, 13th June 2019

સોરઠમાં 'વાયુ'ની અસરઃ વહેલી સવારથી તોફાની પવન વચ્ચે વરસાદ-વિસાવદરમાં અડધો ઇંચ

એનડીઆરએફ અને એસડીઆરએફ તૈનાતઃ તંત્ર ખડેપગેઃ જુનાગઢ જિલ્લાનાં ર૪ ગામોના ૩ર૩ર૬ લોકોનું સ્થળાંતર

જુનાગઢ તા. ૧૩: સોરઠમાં 'વાયુ' વાવાઝોડાની વહેલી સવારથી અસર શરૂ થઇ છે અને પરોઢિયેથી તોફાની પવન વચ્ચે વરસાદ છે. સૌથી વધુ અર્ધો ઇંચ વરસાદ વિસાવદર વિસ્તારમાં ખાબકયો છે. વાયુ વાવાઝોડાની સંભવિત સ્થિતીનાં સામના માટે તંત્ર ખડેપગે છે એનડીઆરએફ અને એસડીઆરએફ તૈનાત કરવામાં આવેલ છે. વાવાઝોડાની સ્થિતિને લઇ જુનાગઢ જિલ્લાનાં ર૪ ગામોનાં ૩ર૩ર૬ લોકોનું સલામત અને સ્થળાંતર કરવામાં આવ્યું છે. સવારનાં ૪ વાગ્યાથી જુનાગઢ શહેરમાં ઝરમર વરસાદ વરસી રહ્યો છે. સવારે ૮ વાગ્યા સુધીમાં જુનાગઢ ખાતે ૬ મીમી વરસાદ નોંધાયોહતો. વરસાદને લઇ વાતાવરણમાં ઠંડક પ્રસરી જતાં ગરમીમાં રાહત મળી છે જુનાગઢનું લઘુતમ તાપમાન ઘટીને રપ.પ ડિગ્રી થઇ ગયું છે. જુનાગઢ કૃષિ યુનિ.નાં હવામાન વિભાગનાં જણાવ્યા મુજબ જુનાગઢમાં પવનની પ્રતિ કલાકની ઝડપ ૧ર.૯ કિ.મી.ની છે. જુનાગઢ ઉપરાંત વિસાવદર તાલુકામાં સવાર સુધીમાં ૧ર મી.મી. વરસાદ નોંધાયો છે. મે.ંદરડા ખાતે ૯ મી.મી., કેશોદમાં બે મી.મી., માંગરોળ-૩, મેંદરડા-બે અને વંથલીમાં ૧ મી.મી. વરસાદ નોંધાયો છે. જુનાગઢ જિલ્લામાં ખાસ કરીને દરિયાઇ પટ્ટીનાં માંગરોળ અને દરિયા કાંઠાનાં વિસ્તારોમાં વાયુ વાવાઝોડાની અસર ખાળવા માટે જુનાગઢ જિલ્લા વહીવટી તંત્ર દ્વારા તમામ આગમચેતીનાં પગલા લેવામાં આવ્યા છે. કલેકટર ડો. સૌરભ પારધી, પ્રવાસન મંત્રી જવાહરભાઇ ચાવડા, ડી.ડી.ઓ. પ્રવીણ ચૌધરી, પ્રાંત અધીકારી રેખાબા સરવૈયા, એસ.પી. સૌરભસિંઘ, ઉપરાંત મ્યુનિ. કમિશ્નર તુષાર સુમેશ સહિતના અધિકારીઓ સ્થિતિ પર નજર રાખી રહ્યા છે. આજે સવાર સુધીમાં જુનાગઢ જિલ્લાના ર૪ ગામોનાં ૩ર૩ર૬ લોકોનું સલામતી સબબ સ્થળાંતર કરવામાં આવ્યું હોવાનું ડીઝાસ્ટર મેનેજમેન્ટનાં સુત્રોએ જણાવ્યું હતું. કોઇપણ સ્થિતીને પહોંચી વળવા એનડીઆરએફની ૩ ટીમ અને એસડીઆરએફની એક ટીમ સ્ટેન્ડબાય રાખવામાં આવી છે. ઉપરાંત જુનાગઢ મનપાની બે ફાયરની ટીમ પણ સાધનો સાથે ખડેપગે રાખવામાં આવી છે. તંત્ર દ્વારા અઢી લાખ ફુડ પેકેટ વિવિધ ધાર્મિક, સામાજિક, સેવાભાવી સંસ્થાઓ વગેરેનાં સહયોગથી તૈયાર કરવામાં આવ્યા છે.

(11:47 am IST)

આ સમાચાર શેર કરો

Akilanews.com ને સોશ્યલ મીડિયા પર ફોલો કરો

છેલ્લા 8 દિવસમાં સૌથી લોકપ્રિય

Most Popular
Recent

સમાચાર ફટાફટ

વાવાઝોડુ સીધુ નહિં ટકરાય તો પણ સાવધ રહેવું પડશે : સૌરાષ્ટ્રમાં ૧૦ ઈંચ જેટલો વરસાદ ખાબકી શકે : પંકજકુમાર : મહેસુલ વિભાગના મહાસચિવ શ્રી પંકજકુમારે આજે સવારે ૧૧ વાગ્યે પત્રકારો સાથેની વાતચીતમાં જણાવ્યુ હતું કે આજે બપોરે વાવાઝોડુ સૌરાષ્ટ્ર તરફથી પસાર થશે. 'વાયુ' વાવાઝોડાએ દિશા બદલી છે પણ હળવાશથી લેવાની જરૂર નથી. દરિયાકાંઠાના વિસ્તારોમાં તંત્ર સજ્જ છે. સુરક્ષાને ધ્યાનમાં રાખી ૩૮૩ એમ્બ્યુલન્સ રાખવામાં આવી. રાજકોટથી ૧ લાખ ફૂડપેકેટ ગીર સોમનાથમાં મોકલવામાં આવ્યા. ૪૮ કલાકમાં ૧૦ ઈંચથી વધુ વરસાદ પડી શકે. એનડીઆરએફ, એસડીઆરએફ, એસજીપી અને આર્મીની ટીમ ખડેપગે છે. 12:52 pm IST
૧૫મી સુધી વરસાદી માહોલ જળવાઈ રહેશે : તોફાની પવન ફૂંકાશે : હવામાન વિભાગના ડાયરેકટર શ્રી જયંત સરકારે જણાવ્યું કે વેરાવળથી દક્ષિણ પશ્ચિમે ૧૧૦ કિ.મી. અને પોરબંદર દક્ષિણે ૧૫૦ કિ.મી. દૂર છે. વાવાઝોડુ લેન્ડ નહિં થાય પણ જોરદાર પવન સાથે ભારે વરસાદ પડશે. આજથી ત્રણ દિવસ વરસાદી માહોલ રહેશે. 3:34 pm IST
મોડીરાત્રે 12-15 વાગ્યે રાજકોટમાં ઝરમર વરસાદ ચાલુ :વરસાદના છાંટા સાથે એકધારો ફૂકાતો ઠંડો પવન :વાતાવરણમાં ઠંડક પ્રસરી :રાત્રે ઠંડા પવન સાથે વાદળો ઘેરાયા 12:34 am IST