Gujarati News

Gujarati News

News of Thursday, 13th June 2019

ઉનાના સીમાસીમાં ૭૭ લાખની ખનીજ ચોરી

આગેવાનો અને ગ્રામ્યજનોની જાગૃતીથી ખનીજ ચોરી ઝડપાઇ : આરોપી નાસી ગય

ઉના, તા. ૧૩:  તાલુકાના સીમાસી ગામે ગેરકાયદેસર માટી ખોદીને રૂ. ૭૭ લાખની ખનીજ ચોરીની પોલીસ ફરીયાદ નોંધાઇ છે.

સીમાસી ગામે માટી ચોરી કરતા માથાભારે શખ્સો સામે મુસ્લિમ સમાજના આગેવાન તથા ગ્રામજનો એકઠા થઇ જનતા રેડ કરી અને ખનીજ ખાતાને જાણ કરતા લાખો રૂપિયાના દંડ વસુલ કરતા અન્ય ખનીજ ચોરી કરનારાઓમાં ફફડાટ ઉભો થયેલ છે.

સીમાસી ગામે ગેરકાયદે માટી ખોદકામની ગિરગઢડા પોલીસ સ્ટેશનમાં ફરીયાદ બાદ રૂ. ૭૬,૯ર,૦ર૩ની ખનીજ ચોરીનો દંડ વસુલવાનું ખનીજ ખાતાએ શરૂ કરેલ છે. એક જેસીબી અને પાંચ ટ્રેકટર પર કલમ-૩૭૯ મુજબ કાયદેસરની કાર્યવાહી કરેલ આરોપીઓ નાસી ગયેલ છે.

(11:45 am IST)
  • રાજકોટમાં સવારે ઝાપટુ વરસ્યુઃ ગઈસાંજથી સતત વાદળોનો ગંજારવ : સવારે ભેજનું પ્રમાણ ૯૨%: રાજકોટ શહેરમાં આજે સવારથી છવાયેલા વાદળો વચ્ચે સવારે ૭:૩૦ વાગ્યાથી ધીમીધારે છાંટા ચાલુ થયા હતા. થોડીવાર એવુ લાગતુ હતું કે હમણા તૂટી પડશે પણ હળવો વરસી ગયા બાદ વરસાદ બંધ થયો હતો. હવામાન વિભાગમાં સવારે ૮:૩૦ વાગ્યે ૯૨% ભેજ નોંધાયો છે, જયારે ૧૫ કિ.મી.ની ઝડપે પવન ફૂંકાય છે. આ લખાય છે ત્યારે સવારે ૧૦:૧૫ વાગ્યે વાદળો છવાયેલા છે access_time 10:57 am IST

  • સૌરાષ્ટ્રના ૬૦ તાલુકામાં વરસાદઃ ૪૮ કલાકમાં ૧૦ ઇંચ સુધીનો ભારે વરસાદ પડવા તાકીદ : ૧૩૫ થી ૧૪૦ કી.મી. ઝડપે પવન ફુંકાશેઃ લોકો ગભરાય નહિઃ સુરક્ષીત સ્થળે જ રહેવા અપીલઃ ૨૩૭૯ ગામડાઓને અસરઃ તંત્ર ખડેપગે access_time 11:37 am IST

  • મોડીરાત્રે જૂનાગઢમાં ભારે પવન સાથે જોરદાર વરસાદ :વેરાવળમાં પણ વરસાદ ચાલુ ; જૂનાગઢના વંથલી સહિતના પંથકમાં મેઘરાજાની પધરામણી : કેશોદ અને જેતપુરમાં પણ વરસાદના અહેવાલ access_time 1:04 am IST