Gujarati News

Gujarati News

News of Thursday, 13th June 2019

વાંકાનેરમાં વહીવટીતંત્ર દોડી રહયું છે, પરંતુ કાપેલા ઝાડ છત પરથી ઉતારવાનું ભુલાઇ ગયું

વાંકાનેર તા ૧૩  :  પ્રજાના જાન માલની ચીંતા કરતું તંત્રને સીટી સ્ટેશન રોડ ઉપર ઉંચુ ઉપાડીને જોવાની તસ્દી લીધી નથી, નહીતર ચોક્કસ જોખમી મોટી ઝાડની ડાળીઓ નજરે પડત. વાંકાનેરના સીટી સ્ટેશન રોડ કેનાલા પાસેથી ગ્રીનચોક સુધી ડબલ પટ્ટીનો રોડ બનાવવાની કામગીરી એક માસથી વધુ સમય થયા ચાલી રહી છે. આ રોડની  પહોળાઇ વધારવા સીટી સ્ટેશન રોડ ઉપર એક જુના મકાન પાસેનું તોતીંગ ઝાડ દુર કરવાની ફરજ નગરપાલીકાને પડેલ અને આ મસમોટા ઝાડને કાપવા માટે ઝાડ ઉપર ચડી કરવત (કટર) વડે મોટી ડાળીઓ કાપવી પડી હતી.

જેમા બે મોટી-મોટી  ડાળીઓ આ જુનવાણી મકાન ઉપર નમેલી હતી તેને ત્યાંજ કટરથી કાપી ત્યાંથી નીચે ઉતારી લેવાને બદલે ત્યાંજ રાખી મુકી છે. એક તો જુનાવણી મકાન પડવાની દહેશત વચ્ચે તેના નળીયા વાળી છત ઉપર પાલીકા તંત્ર એ ઝાડ કાપેલ બે મોટી ડાળીઓ પડી છે.

સીટી સ્ટેશન રોડ ઉપર દરરોજ હજારો માણસો અને વાહનોની અવરજવર છે, ઉપરાંત આ સ્થળ નિચેજ રેકડી કેબીનો પણ છે, ત્યારે નગરપાલીકા તંત્ર આ જોખમી મોટી ડાળીઓને તાકીદે નીચે ઉતારી લોકો પરથી જોખમ ઘટાડે તેવી માંગણી ઉઠી રહી છે.હવે આ ડાળીઓ  વાવાઝોડાના ખતરા પહેલા પાલીકા તંત્ર ઉતારવાની તસ્દી લેશે કે પછી ભારે પવનથી ઉડીને નીચે પટકાશે તે જોવાનું રહયું

(11:43 am IST)
  • કોણ બનશે ભાજપના અધ્યક્ષ ? પક્ષના નેતાઓ સાથે અમિતભાઇ શાહની બેઠક શરૃઃ કેન્દ્રીય ગૃહમંત્રી અને બીજેપી અધ્યક્ષ અમિતભાઇ શાહ આજે પક્ષના રાજય એકમોની સાથે બેઠક કરીને પક્ષમાં થનારા સંગઠનની ચૂંટણી પર મંથન કરશેઃ આ બેઠકમાં દરેક રાજયોના પ્રમુખ, મહામંત્રી અને રાજય પ્રભારી સામેલ થયા access_time 3:20 pm IST

  • નવસારીમાં 'વાયુ' વાવાઝોડાની અસરઃ બોરસી, માછીવાડ ગામમાં દરિયાના પાણી ઘૂસ્યા access_time 12:52 pm IST

  • રાજકોટમાં સવારે ઝાપટુ વરસ્યુઃ ગઈસાંજથી સતત વાદળોનો ગંજારવ : સવારે ભેજનું પ્રમાણ ૯૨%: રાજકોટ શહેરમાં આજે સવારથી છવાયેલા વાદળો વચ્ચે સવારે ૭:૩૦ વાગ્યાથી ધીમીધારે છાંટા ચાલુ થયા હતા. થોડીવાર એવુ લાગતુ હતું કે હમણા તૂટી પડશે પણ હળવો વરસી ગયા બાદ વરસાદ બંધ થયો હતો. હવામાન વિભાગમાં સવારે ૮:૩૦ વાગ્યે ૯૨% ભેજ નોંધાયો છે, જયારે ૧૫ કિ.મી.ની ઝડપે પવન ફૂંકાય છે. આ લખાય છે ત્યારે સવારે ૧૦:૧૫ વાગ્યે વાદળો છવાયેલા છે access_time 10:57 am IST