Gujarati News

Gujarati News

News of Thursday, 13th June 2019

જુનાગઢમાં કાશ્મીરીબાપુના આશિર્વાદ લેતા વનમંત્રી વસાવા

જુનાગઢ : જુનાગઢ ભવનાથ આમકુ બીટ જંગલમાં આવેલ શ્રી દાતારેશ્વર આશ્રમની ગઇકાલે વનમંત્રી ગણતભાઇ વસાવાએ મુલાકાત લીધી હતી અને અડધો કલાક રોકાણ કરી આશ્રમની સેવાકીય પ્રવૃતિ નિહાળી પ્રભાવિત થયા હતા અને પૂ. કાશ્મીરીબાપુનું ગણતભાઇ વસાવા એ સાલ ઓઢાડી સન્માન કર્યુ હતું અને બાપુએ આશિર્વાદ પાઠવ્યા હતા. વનમંત્રી શ્રીની આ મુલાકાત દરમ્યાન તેમની સાથે સચિવ તેમજ વન ખાતાના અધિકારીઓ તેમજ પૂ. બાપુના સેવક જીતુભાઇ પંડયા વગેરે ઉપસ્થિત રહયા જે તસ્વીરમાં નજરે પડે છે. (અહેવાલ : વિનુ જોષી, તસ્વીર મુકેશ વાઘેલા)

રાષ્ટ્ર સેનાના સભ્યો કલેકટરની સાથે

રાજકોટ તા. ૧ર :.. ભયાનક વાવાઝોડા દરમિયાન રાજકોટ જિલ્લામાં જે કોઇ સ્થિતી ઉદભવે રાષ્ટ્ર સેનાના સભ્યો સરકારી તંત્રની મદદ માટે ખાસ હાજર રહેશે, તેમજ કન્ટ્રોલ રૂમના સંપર્કમાં રહેશે તેમ પ્રમુખ રંગપરા રમેશે કલેકટરને પાઠવેલ પત્રમાં ઉમેર્યું છે.

(11:23 am IST)
  • વાવાઝોડુ સીધુ નહિં ટકરાય તો પણ સાવધ રહેવું પડશે : સૌરાષ્ટ્રમાં ૧૦ ઈંચ જેટલો વરસાદ ખાબકી શકે : પંકજકુમાર : મહેસુલ વિભાગના મહાસચિવ શ્રી પંકજકુમારે આજે સવારે ૧૧ વાગ્યે પત્રકારો સાથેની વાતચીતમાં જણાવ્યુ હતું કે આજે બપોરે વાવાઝોડુ સૌરાષ્ટ્ર તરફથી પસાર થશે. 'વાયુ' વાવાઝોડાએ દિશા બદલી છે પણ હળવાશથી લેવાની જરૂર નથી. દરિયાકાંઠાના વિસ્તારોમાં તંત્ર સજ્જ છે. સુરક્ષાને ધ્યાનમાં રાખી ૩૮૩ એમ્બ્યુલન્સ રાખવામાં આવી. રાજકોટથી ૧ લાખ ફૂડપેકેટ ગીર સોમનાથમાં મોકલવામાં આવ્યા. ૪૮ કલાકમાં ૧૦ ઈંચથી વધુ વરસાદ પડી શકે. એનડીઆરએફ, એસડીઆરએફ, એસજીપી અને આર્મીની ટીમ ખડેપગે છે. access_time 12:52 pm IST

  • નવસારીમાં 'વાયુ' વાવાઝોડાની અસરઃ બોરસી, માછીવાડ ગામમાં દરિયાના પાણી ઘૂસ્યા access_time 12:52 pm IST

  • લાઠી-ખાંભામા ૧, અમરેલીમા અડધો ઇંચ :અમરેલી જીલ્લામાં વાવાઝોડાની અસરથી જનજીવન ઠપ્પ access_time 3:47 pm IST