Gujarati News

Gujarati News

News of Thursday, 13th June 2019

ઉનામાં સવારે વરસાદઃ દરિયામાં ૩ મીટર ઉંચા ઉછળતા મોજાં : મકાનની દિવાલ તૂટી : જાનહાનિ નહીં

ઉના તા. ૧૩: સવારે ૮-૦૦ પછી ભારે પવન સાથે વરસાદ ૩૦ મીનીટ સુધી વરસી જતાં રોડ ઉપર પાણી વહેલા લાગેલ હતાં સવારે પવન વરસાદથી દેલવાડા રોડ ઉપર મકાનનાં છજાથી દિવાલ તૂટી ગઇ હતી. જાનહાની નથી.

મોજાને કારણે દરિયામાં ૩ મીટરથી વધુ મોજા ઉછળતા જેટી ઉપર કિનારે રાખેલ બોટો ભટકાવાથી નુકશાન થયું છે.

સાવચેતીનાં પગલા રૂપે બે દિવસ માટે દેલવાડા-જુ઼નાગઢ-દેલવાડા વેરાવળ લોઠકલ ટ્રેન બંધ કરી દેવાય છે. ખાનગી લકઝરી બસો ત્થા એસ.ટી.નાં લાંબા અંતરનાં રૂટો બંધ કરી દેવા સુચના આપી છે. ખાસ કરીને દરિયાઇ વિસ્તાર ગામો માટે બસ સેવા બંધ કરાય હતી.

ગીરગઢડા તાલુકાના ફરેડા, મહોબતપરા, ફાટસર, સોનપરા, નવા ઉગલા અંબાડા, જુના ઉગલા ગામ ને પવન વાવાઝોડા ત્થા ભારે વરસાદ માટે સાવચેત કરાયા છે તેમજ તાલુકાનાં ૧૮૪ લોકોને નીચાણવાળા વિસ્તારમાં રહેતા લોકોને સુરક્ષિત જગ્યાએ સ્થળાંતર કરી દેવાયા હોવાનું મામલતદાર કોરડીયાએ જણાવ્યું છે તેમજ તાલુકાના તમામ ગામોમાં વહીવટી તંત્રના અધિકારીઓએ મુલાકાત લઇ લોકોને સાવચેત ત્થા જાગૃત કર્યા હતા.

(11:20 am IST)
  • કેબીનેટ મંત્રી જયેશભાઈ રાદડીયાએ પોરબંદરના દરિયા ચોપાટીની મુલાકાત લઈ અને સ્થળની શું પરિસ્થિતિ છે તેનું નિરીક્ષણ કર્યુ હતું. તેમણે જણાવેલ કે વહીવટી તંત્રના તમામ અધિકારીઓ એલર્ટ છે અને દરિયા નજીકના વિસ્તારમાં ન જવા અપીલ કરી હતી. access_time 12:53 pm IST

  • ''વાયુ'' વાવાઝોડું પોરબંદરની દક્ષિણે અરબી સમુદ્રમાં ૭૦ નોટકીલ માઈલ દૂર કેન્દ્રિત થયું છેઃ પ્રતિ કલાક ૬૫ કી.મી. ઝડપે ત્યાં પવન ફૂંકાય રહ્યો છેઃ માછીમારોની તમામ બોટો બંદર ઉપર સલામત છેઃ આજે સવારે કોસ્ટગાર્ડે કરેલ ટ્વીટ access_time 11:38 am IST

  • રાજકોટમાં સવારે ઝાપટુ વરસ્યુઃ ગઈસાંજથી સતત વાદળોનો ગંજારવ : સવારે ભેજનું પ્રમાણ ૯૨%: રાજકોટ શહેરમાં આજે સવારથી છવાયેલા વાદળો વચ્ચે સવારે ૭:૩૦ વાગ્યાથી ધીમીધારે છાંટા ચાલુ થયા હતા. થોડીવાર એવુ લાગતુ હતું કે હમણા તૂટી પડશે પણ હળવો વરસી ગયા બાદ વરસાદ બંધ થયો હતો. હવામાન વિભાગમાં સવારે ૮:૩૦ વાગ્યે ૯૨% ભેજ નોંધાયો છે, જયારે ૧૫ કિ.મી.ની ઝડપે પવન ફૂંકાય છે. આ લખાય છે ત્યારે સવારે ૧૦:૧૫ વાગ્યે વાદળો છવાયેલા છે access_time 10:57 am IST