Gujarati News

Gujarati News

News of Thursday, 13th June 2019

મીઠાપુર-સુરજકરાડીમાં ધુળની ડમરીઓ ઉડીઃ વાતાવરણમાં પલ્ટો

 મીઠાપુર તા. ૧૩ :.. હાલમાં ગુજરાત રાજય પર છેલ્લા બે દિવસથી તોળાતું વાયુ વાવાઝોડાનું સંકટ દરમિયાન આજે વહેલી સવારથી જ મીઠાપુર અને સુરજકરાડી ઉપરાંત આરંભડા જેવા વિસ્તારોમાં અચાનક જ ધુળની મોટી મોટી ડમરીઓ ઉડવા માંડી છે. તેથી સમગ્ર વિસ્તારમાં ધુળીયું વાતાવરણ થઇ ગયું છે. જેમાં ગઇકાલે સાંજે સાવ થોડો કહી શકાય તેટલો વરસાદ પણ પડયો હતો. આ ઉપરાંત આ વાયુ વાવાઝોડાથી બચવા માટે અને બને તેટલી ઓછી અસર અહીંના જનજીવન માટે રહે એટલા માટે મીઠાપુર સ્થિત ટાટા  કેમિકલ્સ દ્વારા પણ કંટ્રોલ રૂમ સારું કરાયો છે.

આ ઉપરાંત આરંભડા અને સુરજકરાડી જેવા વિસ્તારોમાં આવેલા નીચાણવાળા વિસ્તારોમાંથી લોકોને સલામત સ્થળે પણ મીઠાપુર પોલીસ દ્વારા ખસેડવામાં આવ્યા છે. અને બધી જ તૈયારીઓ અહીંયા તંત્ર દ્વારા કરવામાં આવી છે. આ ઉપરાંત ગઇ રાત્રે પોલીસ દ્વારા પણ સતત પેટ્રોલીંગ કરવામાં આવ્યું છે. (પ-ર૧)

(10:21 am IST)
  • વાયુ વાવાઝોડું અપડેટ : પોરબંદરની બાજુમાં આવેલ કૂચડી ગામ પાસે દરિયાના પાળામાં, સાંજે ગાબડું પડતા દરિયાના મબલખ પાણી ખેતરોમાં ફરી વળ્યા છે access_time 10:30 pm IST

  • ભરૂચમાં દરિયા કિનારેથી તંત્ર દ્રારા હાઇ એલર્ટનું સિગ્નલ હટાવી લેવાયુ : ભરૂચ બંદર પરથી હાઇ અલર્ટનું સિગ્નલ હટાવી લેવાતા લોકોએ રાહતનો શ્વાસ લીધો: વાયુ વાવાઝોડાને કારણે ભરૂચ દરિયાનાં કિનારે વસતા 40 ગામોનાં લોકોને સાવધ કરાયા હતા. access_time 1:26 am IST

  • ૧૫મી સુધી વરસાદી માહોલ જળવાઈ રહેશે : તોફાની પવન ફૂંકાશે : હવામાન વિભાગના ડાયરેકટર શ્રી જયંત સરકારે જણાવ્યું કે વેરાવળથી દક્ષિણ પશ્ચિમે ૧૧૦ કિ.મી. અને પોરબંદર દક્ષિણે ૧૫૦ કિ.મી. દૂર છે. વાવાઝોડુ લેન્ડ નહિં થાય પણ જોરદાર પવન સાથે ભારે વરસાદ પડશે. આજથી ત્રણ દિવસ વરસાદી માહોલ રહેશે. access_time 3:34 pm IST