Gujarati News

Gujarati News

News of Thursday, 13th June 2019

સૌરાષ્ટ્રના તમામ માર્કેટયાર્ડ બંધ :જણસી લઈને યાર્ડમાં નહિ જવા ખેડૂતોને અપીલ

રાજકોટ :વાયુ વાવાઝોડા ના કારણે સૌરાષ્ટ્ર ના તમામ યાર્ડ અસર પડી છે

ગુજરાત ના દરિયાકિનારે વાયુ વાવાઝોડા ની આંધી ને ધ્યાનમાં લઈ સૌરાષ્ટ્ર ના તમામ માર્કેટ યાર્ડ બંધ રહેશે

જ્યાં સુધી હવામાન વિભાગ દ્વારા જાણ કરવામાં નહીં આવે ત્યાં સુધી યાર્ડ બંધ રાખવા નિર્ણંય લેવાયો છે

 

તોફાની વરસાદ માં માલ ન બગડે અને ખેડૂતો હેરાન ન થાય માટે સૌરાષ્ટ્ર એપીએમસી વેપારી એસોસિએશન દ્વારા  નિર્ણય લેવાયો છે

 

શુક્રવાર સુધી કોઈ પણ જણસી લઇ યાર્ડ પર ખેડૂતોને ન જવા વેપારી એસોસિયેશનએ અપીલ કરી છે

(5:25 pm IST)
  • 'વાયુ' વાવાઝોડુ ઓમાન તરફ ફંટાયુ છે જે સતત હવે પશ્ચિમ દિશામાં ગતિ કરે તેવી હાલના અનુમાનો મુજબ શકયતાઓ દેખાઈ રહી છે : હવે સૌરાષ્ટ્રના દરિયાકાંઠાના અમુક વિસ્તારોમાં ભારે વરસાદ પડવાની સંભાવના છે જયારે અમુક વિસ્તારોમાં હળવાથી મધ્યમ પડશે. access_time 11:36 am IST

  • ૮૦૦ કિ.મી.ના વ્યાસમાં વાવાઝોડુ : પોરબંદર, જૂનાગઢ, દ્વારકા અને દીવમાં અસર કરશે : હવામાન વિભાગના જયંત સરકારે જણાવ્યુ કે ગુજરાત ઉપરથી મહદઅંશે ખતરો ટળી ગયો છે પણ ભારે પવન સાથે ભારે વરસાદ પડશે : વાવાઝોડુ સૌરાષ્ટ્રને હિટ નહિં કરે બે દિવસ વાવાઝોડાની અસર વર્તાશે access_time 3:33 pm IST

  • વાવાઝોડુ સીધુ નહિં ટકરાય તો પણ સાવધ રહેવું પડશે : સૌરાષ્ટ્રમાં ૧૦ ઈંચ જેટલો વરસાદ ખાબકી શકે : પંકજકુમાર : મહેસુલ વિભાગના મહાસચિવ શ્રી પંકજકુમારે આજે સવારે ૧૧ વાગ્યે પત્રકારો સાથેની વાતચીતમાં જણાવ્યુ હતું કે આજે બપોરે વાવાઝોડુ સૌરાષ્ટ્ર તરફથી પસાર થશે. 'વાયુ' વાવાઝોડાએ દિશા બદલી છે પણ હળવાશથી લેવાની જરૂર નથી. દરિયાકાંઠાના વિસ્તારોમાં તંત્ર સજ્જ છે. સુરક્ષાને ધ્યાનમાં રાખી ૩૮૩ એમ્બ્યુલન્સ રાખવામાં આવી. રાજકોટથી ૧ લાખ ફૂડપેકેટ ગીર સોમનાથમાં મોકલવામાં આવ્યા. ૪૮ કલાકમાં ૧૦ ઈંચથી વધુ વરસાદ પડી શકે. એનડીઆરએફ, એસડીઆરએફ, એસજીપી અને આર્મીની ટીમ ખડેપગે છે. access_time 12:52 pm IST