Gujarati News

Gujarati News

News of Wednesday, 13th June 2018

ભાવનગર મેયર, ડે.મેયર, ચેરમેન સહિતનાઓની કાલે પસંદગી

બાવન સભ્યોની બોર્ડ બેઠકમાં શાસક પાર્ટીના ૩૪ તેમાં ૧૮ મહિલા અને ૧૬ સેવકોની સંખ્યા

ભાવનગર તા. ૧૩ : ભાવનગર મહાનગર પાલિકાના આ બોર્ડના બીજા અઢી વર્ષ માટે બાકી રહેતી બોર્ડની મુદત સુધી તા.૧૪ જુને થનારી મેયરની ચૂંટણી માટે ભાજપના ૩૪ નગરસેવકોમાંથી જે નામોની નામાવલી પાર્ટીમાં રસાકસીભરી સ્પર્ધામાં છે. તેમાં મેયર પદ માટે યુવરાજસિંહ ગોહિલ, અલ્પેશ વોરા, અભયસિંહ ચૌહાણ, રાજુભાઇ રાબડીયા, રાજુભાઇ પંડયા, પરેશભાઇ પંડયા અને ગુરૂમુખાણીના નામો મોખરે રહે છે.તો બીજી બાજુ ડે.મેયર પદ માટે જલ્વીકાબેન ગોંડલીયા, દિવ્યાબેન વ્યાસ, કિર્તિબેન દાણીધારીયા, ઉર્મિલાબેન ભાલ, ઉષાબેન તલરેજીયા અને શિતલબેન પરમારના નામોનો નિર્દેશ થઇ રહ્યો છે.

જયારે સ્ટેન્ડીંગ કમિટી ચેરમેન પદ માટે ફરી અભયસિંહ ચૌહાણ, ધીરૂભાઇ ધામેલીયા, રાજુભાઇ રાબડીયા, કુમાર શાહ, અનિલ ત્રિવેદી, મનભા મોરી, અલ્પેશ વોરા, હરેશ મકવાણા અથવા સુરેશભાઇ ધાંધલ્યાને ફરી લેવામાં આવે.

નેતા દંડક જયારે નેતા અને દંડકમાં ડી.ડી.ગોહેલ, કિશોર ગુરૂમુખાણી, કાન્તાબેન બોરીચા અથવા ગીતાબેન વાજાના નામો ચર્ચામાં રહે છે.

નગરસેવકોમાં પણ ભાજપના ૧૮ મહિલા નગરસેવિકાઓ છે તેની સામે ૧૬ પુરૂષો નગરસેવકોની સંખ્યા મળી કુલ ભાજપ શાસનમાં ૩૪ નગરસેવકોનું બોર્ડ છે. અને આ માટેની પસંદગી કામગીરી પ્રદેશ ભાજપ પાર્લામેન્ટરી બોર્ડબેઠકમાં થઇ રહી છે. જેમાં હાલમાં આ નામો સંભવીત બની રહ્યા છે. નવ પેટા કમિટીઓની રચનામાં પાંચેક કમીટીઓનમાં મહિલા ચેરપર્સન બને તો નવાઇ પામવા જેવું નથી જે માટે પણ બહેનો ચેરપર્સન માટે સ્પર્ધામાં રહે છે. કારણ કે, આ બાવનની સંખ્યા બોર્ડમાં શાસક પાર્ટીના ૩૪ સભ્યોમાં ૧૮ બહેનો નગરસેવિકા છે. અને તેઓ પણ હવે હોદ માટે દાવેદારી કરી રહ્યા છે.

(11:26 am IST)
  • રીચર્ડ હેડલીને કેન્સર, ઓપરેશન કરાયુ : ન્યુઝીલેન્ડના પૂર્વ ક્રિકેટર રીચર્ડ હેડલીને કેન્સર, તબીબો દ્વારા ટ્યુમરનું ઓપરેશન કરવામાં આવ્યુ : ૬૬ વર્ષના હેડલીને કીમોથેરાપી કરવામાં આવશે. ૪૦૦ વિકેટ લેનાર પ્રથમ બોલર બનેલા : ૧૯૯૦માં ક્રિકેટમાંથી નિવૃતિ લીધી હતી access_time 3:38 pm IST

  • રાજસ્થાનમાં આંધીને કારણે દિલ્હીમાં ધૂળની આંધી ;ત્રણ દિવસ ધૂંધળું રહેશે વાતાવરણ;હવામાનના નિષ્ણાંતો મુજબ :રાજસ્થાનમાં ભીષણ તાપમાન વચ્ચે પશ્ચિમી વિક્ષોભના કારણે ભારે પવનથી ધૂળની આંધીની અસર દિલ્હી, એનસીઆર ક્ષેત્રમાં થશે access_time 11:37 pm IST

  • ભાજપના સાંસદ શત્રુઘ્નસિંહા આરજેડીની ઈફ્તાર પાર્ટીમાં પહોંચ્યા ;તેજસ્વી યાદવે પહેરાવી ટોપી : ભાજપની સહયોગી જેડીયુ દ્વારા પણ ઈફ્તાર પાર્ટી રાખી હતી પરંતુ શોટગન શત્રુઘ્નસિંહા આજે તેજસ્વી યાદવની ઈફ્તાર પાર્ટીમાં સામેલ થતા રાજકીય અટકળ શરૂ access_time 1:02 am IST