Gujarati News

Gujarati News

News of Thursday, 13th May 2021

ભાવનગરમાં કોરોનાથી વધુ ત્રણના મોત : ૪૩૬ કોરોના પોઝિટિવ કેસ : ૩૬૧ દર્દીઓ કોરોનામુકત

(મેઘના વિપુલ હિરાણી દ્વારા) ભાવનગર તા.૧૩ : ભાવનગર જિલ્લામા વધુ ૪૩૬ નવા કોરોના પોઝિટિવ કેસ નોંધાતા જિલ્લામા કોરોના પોઝિટિવ કેસોની સંખ્યા ૧૮,૪૮૩ થવા પામી છે. જેમા ભાવનગર શહેરી વિસ્તારમાં ૧૭૨ પુરૂષ અને ૧૨૦ સ્ત્રી મળી કુલ ૨૯૨ લોકોના રીપોર્ટ પોઝિટિવ નોંધાયા છે. જયારે તાલુકાઓમાં ભાવનગર તાલુકામાં ૪૬, ઘોઘા તાલુકામાં ૩૦, તળાજા તાલુકામાં ૨૯, મહુવા તાલુકામાં ૮, પાલીતાણા તાલુકામાં ૭, સિહોર તાલુકામાં ૪, વલ્લભીપુર તાલુકામાં ૧, ગારીયાધાર તાલુકામાં ૧૦, જેસર તાલુકામાં ૫ તેમજ ઉમરાળા તાલુકામાં ૪ કેસ મળી કુલ ૧૪૪ લોકોના કેસ પોઝિટિવ નોંધાતા સારવાર અર્થે દાખલ કરેલ છે.

ભાવનગર શહેર ખાતે રહેતા ત્રણ કોરોના પોઝિટિવ દર્દીઓ મળી કુલ ૩ દર્દીઓનું સારવાર દરમ્યાન અવસાન થયેલ છે. જયારે ભાવનગર મહાનગરપાલિકા વિસ્તારમા ૨૯૭ અને તાલુકાઓમાં ૬૪ કેસ મળી કુલ ૩૬૧ કોરોના પોઝિટિવ દર્દીઓ કોરોનામુકત થતા તેને હોસ્પિટલમાંથી રજા અપાઈ છે. ભારત સરકારની નવી માર્ગદર્શિકા પ્રમાણે આ દર્દીઓની આરોગ્ય ચકાસણી કરતા અને તેઓ માર્ગદર્શિકાના માપદંડો પ્રમાણે સ્વસ્થ જણાતા આ તમામ દર્દીઓને આજરોજ હોમ આઈસોલેશનમા રહેવા માટે હોસ્પિટલમાથી રજા આપવામા આવી હતી. આ દર્દીઓએ હોસ્પિટલમાંથી ડિસ્ચાર્જ થયા બાદ ૭ દિવસ સુધી ફરજીયાત હોમ આઈસોલેશનમા રહેવાનુ રહેશે.

આમ જિલ્લામા નોંધાયેલા ૧૮,૪૮૩ કેસ પૈકી હાલ ૪,૫૩૬ દર્દીઓ સારવાર હેઠળ છે. જયારે જિલ્લામાં ૨૪૦ દર્દીઓનુ અવસાન થયેલ છે.

(11:03 am IST)
  • કેન્દ્ર સરકારને આડે હાથે લેતા, કોરોના રસીકરણ અંગે બોમ્બે હાઈકોર્ટે બુધવારે કહ્યું હતું કે, જો કેન્દ્ર સરકારે કેટલાક મહિના પહેલા વરિષ્ઠ નાગરિકો માટે ડોર-ટુ-ડોર રસીકરણ શરૂ કર્યું હોત, તો ઘણા જાણીતા વ્યક્તિઓ સહિત અનેક લોકોનો જીવ બચાવી શકાયો હતો. મુખ્ય ન્યાયાધીશ દિપાંકર દત્તા અને ન્યાયાધીશ જી.એસ. કુલકર્ણીની ખંડપીઠે કેન્દ્રને કહ્યું હતું કે, જ્યારે રસીકરણ કેન્દ્રોની મુલાકાત લેવામાં અસમર્થ વરિષ્ઠ નાગરિકોના જીવનનો પ્રશ્ન છે, ત્યારે ડોર-ટુ-ડોર રસીકરણ કાર્યક્રમ કેમ શરૂ કરાયો નથી? access_time 9:42 pm IST

  • કોરોના કેસો જ્યાં ખૂબ જ વધુ પડતા નોંધાયા છે તેવા જિલ્લાઓના કલેકટર સાથે ૧૮ અને ૨૦ તારીખે નરેન્દ્રભાઈ મંત્રણા કરશે : કોવિડના ખૂબ જ વધુ લોડ વાળા કેસો ધરાવતા દેશના જિલ્લાઓના કલેકટરશ્રીઓ સાથે વડાપ્રધાનશ્રી નરેન્દ્રભાઈ મોદી ૧૮ અને ૨૦ મેના રોજ વર્ચ્યુઅલ પ્લેટફોર્મ ઉપર ચર્ચા વિચારણા કરશે. જેમાં તે રાજ્યોના મુખ્ય મંત્રીઓ પણ હાજરી આપશે. access_time 4:16 pm IST

  • સિવિલ સર્વિસીઝ પ્રિલીમ્સની પરીક્ષાઓ મોકૂફ: ૧૦ ઓકટોબરે લેવાશે : ૨૭ જુને યોજાયેલ સિવિલ સર્વિસીઝ પ્રિલીમ્સની પરીક્ષાઓ "યુપીએસસી"એ મુલતવી રાખી છે અને હવે આ પરીક્ષાઓ ૧૦ ઓકટોબરે લેવામાં આવશે. access_time 4:55 pm IST