Gujarati News

Gujarati News

News of Monday, 13th May 2019

જૂનાગઢના સ્વામી મંદિરમાં મિડીયા કર્મીઓ પરના લાઠીચાર્જ મામલે એએસપીને તપાસનો હુકમ

માંગરોળના એએસપી રવિ તેજાને એસપી સૌરભસિંઘે સોંપી તપાસ

(વિનુ જોશી) જૂનાગઢ તા. ૧૩ :.. જૂનાગઢનાં સ્વામી મંદિરમાં ગઇકાલે મિડીયા કર્મીઓ પર થયેલા કથિત લાઠીચાર્જ મામલે એએસપીને તપાસનો હુકમ કરવામાં આવ્યો હોવાનું જાણવા મળેલ છે.

રવિવારે જૂનાગઢમાં જવાહર રોડ સ્થિત સ્વામી નારાયણ મંદિરે રાધારમણ દેવ વહીવટી સમિતિની ચૂંટણી યોજાઇ હતી. જેનું સરેરાશ પ૧.૩ર ટકા મતદાન થયુ હતું.

મતદાન પ્રક્રિયા દરમ્યાન કવરેજ કરી રહેલા મિડીયા કર્મીઓને અટકાવવાનો ફરજ પરનાં પોલીસ અધિકારીએ પ્રયાસ કરી ન્યુઝ ચેનલનાં કેમેરામેન પર પાંચ જેટલા પોલીસ કર્મીઓ લાઠી સાથે તુટી પડયા હતા અને લાઇવ કીટને નુકશાન કર્યુ હતું.

તેમજ એક પોલીસ અધિકારીએ કેમેરામેનને લાફો ઝીંકી દીધો હતો પોલીસની આવી ગેરવર્તણુંકથી મીડીયા કર્મીઓમાં રોષ વ્યાપી ગયો હતો.

આ અંગેની જાણ થતાં એસપી સૌરભ સિંઘ તાત્કાલીક મંદિર ખાતે પહોંચી ગયા હતાં. અને તેઓને તપાસ બાદ કાર્યવાહી કરવાની ખાત્રી આપી હતી.

દરમ્યાનમાં ગઇકાલે મિડીયા કર્મીઓ પરનાં કથિત લાઠીચાર્જ અંગે આજે સવારે એસપી સૌરભ સિંઘે 'અકિલા' સાથેની ટેલીફોનીક વાતચીતમાં જણાવેલ કે, તેઓ આ ઘટનાને લઇને ખૂબ જ ગંભીર છે અને બનાવનાં મુળ સુધી પહોંચવા તપાસનો આદેશ જારી કર્યો છે.

પોલીસ અધિક્ષક સૌરભ સિંઘે જણાવેલ કે, મિડીયા કર્મીઓ પરનાં લાઠીચાર્જનાં કથિત બનાવની તપાસ માંગરોળ એએસપીને સોંપવામાં આવી છે. ગઇકાલનાં બનાવ અંગે કોઇ પોલીસ ફરીયાદ થઇ નથી. આમ છતાં એએસપીને તપાસનો હુકમ કરી ત્વરિત રિપોર્ટ આપવા તાકીદ કરી છે.

તપાસમાં જે કોઇ કસુરવાર જણાશે તેની સામે ધોરણસરની કાર્યવાહી કરવામાં આવશે તેમ એસપી સૌરભ સિંઘે જણાવ્યું હતું.

(11:32 am IST)
  • વડોદરાના પોલીસ કર્મી વિરુદ્ધ જોઈન્ટ સીપીએ કર્યો આદેશ: જી.બી.પરમારે ફેસબુક માં કરી પોતાની પોસ્ટ ડીલીટ: કોન્સ્ટેબલે સોશિયલ મિડિયામાં લખ્યું હતું હું જૂનાગઢ હોત તો ખબર પડત : જોઈન્ટ સીપી દ્વારા કોન્સ્ટેબલની બદલી કરી નાખવામાં આવી access_time 8:11 pm IST

  • યેદિયુરપ્પાનો દાવો :કર્ણાટકમાં ભાજપ માટે સરકાર બનાવવાનો માહોલ :કર્ણાટકના રાજકારણમાં ફરી ગરમાવો :સિદ્ધારમૈયા અને કુમારસ્વામી વચ્ચે શીતયુદ્ધ :સિદ્ધારમૈયાના સમર્થકોએ સીએમ પદ માટે સિદ્ધારમૈયાને બેસાડવા ઇચ્છુક હોવાના નિર્દેશ બાદ કોંગ્રેસ જેડીએસ વચ્ચે આંતર કલહ હોવાની અટકળ વચ્ચે યેદિયુરપ્પાએ કહ્યું કે કર્ણાટકમાં ભાજપ માટે સરકાર બનાવવાનો માહોલ access_time 1:10 am IST

  • ૬ તબક્કાની ૪૮૪ બેઠકોનું પરિણામ EVM માં કેદ : ૬૬ ટકા મત પડયાઃ નવી દિલ્હી : છ તબક્કાનું મતદાન પુરૂ : ૪૮૪ બેઠકોના ઉમેદવારોનું ભાવિ EVMમાં કેદ : અત્યાર સુધીમાં ૬૬ ટકા મતો પડયા : ર૦૧૪માં ૬૬.૪ ટકા મતદાન થયું હતું: ૧૭મી લોકસભા માટે દરેક તબક્કામાં વોટીંગ ઘટી રહ્યું છે ર૦૧૪નો રેકોર્ડ તૂટશે કે પછી ? access_time 11:33 am IST