Gujarati News

Gujarati News

News of Tuesday, 13th April 2021

જો શ્વાસની અવરજવર ચાલુ રાખવી હશે તો માણસોની અવરજવર બંધ કરવી પડશે ! ગુજરાતમાં ૧૪ દિવસના લોકડાઉનની જરૂર

આ વખતનો કોરોના અત્યંત ખતરનાકઃ અમરેલીના ભાજપ અગ્રણી ડો. ભરત કાનાબાર અને એનસીપીના પ્રમુખ જયંત બોસ્કીએ સંક્રમણ અટકાવવા લોકડાઉનની માંગણી કરી

રાજકોટ, તા. ૧૩ :. સર્વત્ર કોરોના મહામારીએ બિહામણુ રૂપ ધારણ કરતા હવે એકમાત્ર લોકડાઉન જ સંક્રમણ અટકાવવાનો ઉપાય છે તેમ અમરેલી જિલ્લા ભાજપના અગ્રણી ડો. ભરત કાનાબારે જણાવ્યુ છે.

અમરેલી જિલ્લા ભાજપના પૂર્વ પ્રમુખ ડો. ભરતભાઈ કાનાબારે વડાપ્રધાન શ્રી નરેન્દ્રભાઈ મોદીને ટવીટ કરીને જણાવ્યુ છે કે હાલમાં કોરોના સંક્રમણ ખૂબ જ વધ્યુ છે. જેને અટકાવવા માટે ગુજરાતમાં ૧૪ દિવસનું લોકડાઉન જરૂરી છે.

ડો. ભરત કાનાબારે જણાવ્યુ છે કે જો શ્વાસની અવરજવર ચાલુ રાખવી હશે તો માણસોની અવરજવર બંધ કરવી પડશે. ગુજરાતને મહારાષ્ટ્ર બનતુ અટકાવવા અને આર્થિક વિટંબણાઓનંુ જોખમ વ્હોરીને પણ સંપૂર્ણ લોકડાઉન અનિવાર્ય છે.

ડો. ભરત કાનાબારે જણાવ્યુ છે કે આ વખતે કોરોનાનું રૂપ ખૂબજ ખતરનાક છે અને દિવસેને દિવસે કેસની સંખ્યામાં અને મૃતકોની સંખ્યામા પણ વધારો થઈ રહ્યો છે.

આ ઉપરાંત એનસીપીના ગુજરાતના પ્રમુખ જયંત બોસ્કીએ પણ મુખ્યમંત્રીને પત્ર પાઠવીને ગુજરાતમાં લોકડાઉન એક માત્ર વિકલ્પ હોવાનંુ જણાવ્યુ છે. તેમજ રાજ્યમાં પુરતા પ્રમાણમાં ઈન્જેકશન પણ ન  મળતા હોવાનો રોષ ઠાલવ્યો છે.

(3:02 pm IST)
  • સુરત મહાનગરપાલિકાના એક્ઝિક્યુટિવ એન્જિનિયર હિતેન્દ્ર સુથારનું કોરોનાથી નિધન : સુરત મહાનગરપાલિકાના કર્મચારીનું પણ કોરોનાને કારણે મોત થયાના સમાચાર મળ્યાં છે. મનપા કર્મચારી હિતેન્દ્ર સુથાર જેઓ એક્ઝિક્યુટિવ એન્જિનિયર તરીકે ફરજ બજાવતા હતા તેમનું પણ આજે નિધન થયું હતું. સુરતમાં કોરોનાનો કહેર વધી રહ્યો છે તે પરિસ્થિતિની સાબિતી આ સમાચાર આપી રહ્યાં છે. access_time 1:40 pm IST

  • પશ્ચિમ બંગાળમાં કોરોનાનો હાહાકાર : મૃત્યુઆંક મહારાષ્ટ્ર જેટલો થઇ ગયો : કોરોના પોઝિટિવ કેસમાં પણ દેશમાં ત્રીજા નંબરે : ચૂંટણી રેલી દરમિયાન કોરોના વધુ વિકર્યો હોવાનું અનુમાન : હજુ ચાર તબક્કાની ચૂંટણી બાકી હોવાથી પરિસ્થિતિ વધુ વિકટ થવાની ભીતિ access_time 12:13 pm IST

  • રાજકોટ માર્કેટીંગ યાર્ડમાં કોરોનાનો રાફડો : ૧૦ કેસ : આવક બંધ કરી દેવાઈ : રાજકોટ માર્કેટીંગ યાર્ડમાં કોરોનાના ઍકસાથે ૧૦ કેસ આવતા નવી આવક સંપૂર્ણપણે બંધ કરી દેવામાં આવી છે : અગાઉના પડતર માલનો નિકાલ કરીને કામકાજ ચાલુ રાખવુ કે બંધ રાખવુ તે અંગે સત્તાધીશો વિચારણા કરી રહ્નાનું જાણવા મળે છે access_time 11:22 am IST