Gujarati News

દેવભૂમિ દ્વારકા જિલ્લામાં ફરી રાજકીય ગરમાવો આવ્યો છે  કલ્યાણપુર તાલુકા પંચાયતના 7 સભ્યોની કોંગ્રેસમાં ઘર વાપસી થઈ છે. થોડા સમય પહેલા જ તમામ સભ્યો કોંગ્રેસમાંથી ભાજપમાં જોડાયા હતા. પરંતુ ભાજપથી અસંતોષ થતા ફરી કોંગ્રેસમાં જોડાયા છે.

   આ સાથે જ હવે કલ્યાણપુર તાલુકા પંચાયતમાં ભાજપ સત્તા ગુમાવે તેવી સ્થિતિ સર્જાઈ છે. ભાજપમા ગયેલા તમામ 7 સભ્યોને કોંગ્રેસે ફરી ખેસ પહેરાવીને પક્ષમાં ઘરવાપસી કરાવી છે. જે 7 સભ્યો કોંગ્રેસમા ફરી જોડાયા છે તેમાં વસીમા બાનુ, ભીમા ડાભી, મણીબેન ડાભી, કુંવરબેન ડુવા, ભાયાભાઈ માડમ, વજસીભાઈ વરૂ તેમજ રંભીબેન સુવાનો સમાવેશ થાય છે.