Gujarati News

Gujarati News

News of Tuesday, 13th March 2018

રાજપીપળા કલેક્ટર કચેરીએ આત્મવિલોપનની ચિમકી આપનાર રેહાના મકારાણીની અટકાયત

જમીન મામલે મહારાષ્ટ્રના જૈન પરિવારે હુમલો કર્યાના વિવાદમાં અન્યાયના આક્ષેપ સાથે ચીમકી ઉચ્ચારી હતી

રાજપીપળામાં કલેક્ટર કચેરીએ આત્મવિલોપનની ચિમકી આપનાર રેહાના મકરાણીની અટકાયત કરી લેવાઈ છે જમીન વિવાદમાં મહારાષ્ટ્ર્ના જૈન પરિવારે હુમલો કર્યાના આક્ષેપ સાથે આ કેસમાં પોતાને અન્યાય થયાનું જણાવી આત્મવિલોપનની ચિમકી આપનાર રેહાના મકરાણી કલેક્ટર કચેરીમાં પ્રવેશતા જ પોલીસે તેની અટકાયત કરી હતી.

 આ અંગેની વિગત મુજબ તાપીના નિઝર તાલુકાના કેવડામોઇ ગામમાં જમીન વિવાદ મામલે મહારાષ્ટ્રના અક્કલકુવાના જૈન પરિવારના સભ્યોએ નર્મદાના જેતપુરના રહેવાસી રેહાના મકરાણી પર કથિત હુમલો કર્યો હતો. જે મામલે વિવાદ ઉભો થયા બાદ અન્યાયના આક્ષેપ સાથે રેહાના મકરાણે કલેક્ટર કચેરીમાં આત્મવિલોપનની ચિમકી આપી હતી વહીવટીતંત્રએ સમગ્ર કલેક્ટર કચેરીએ ચાંપતો પોલીસ બંદોબસ્ત ગોઠવી દીધો હતો. સાથે જ ફાયરબ્રિગેડ અને એમ્બ્યુલન્સ સહિત મહિલા પોલીસનો કાફલો તૈનાત કરાયો હતો
  અત્રે નોંધનીય છે કે રેહાના મકરાણી કલેક્ટર કચેરીમાં પ્રવેશતા જ પોલીસે તેની અટકાયત કરી ચેકીંગ હાથ ધર્યું હતું. પરંતુ તેની પાસેથી આત્મવિલોપનની કોઇ સામગ્રી ન મળતા ફક્ત રજૂઆતના કાગળો જ મળી આવતા પોલીસે રાહતનો શ્વાસ લીધો હતો.

(10:44 pm IST)
  • ભારતના ‘આઈસ મેન' તરીકે ઓળખતા ચેવાંગ નોર્ફેલ દ્વારા 1987માં ભારતનો પ્રથમ ‘આર્ટિફિશિયલ ગ્લેશિયર' (કૃત્રિમ હિમપર્વત) બનાવાયો હતો. તેમણે અત્યાર સુધીમાં 17થી વધુ ‘આર્ટિફિશિયલ ગ્લેશિયર બનાવ્યા છે. તેમની આ ઉપલબ્ધિ માટે તેમને 2015માં દેશના ચોથા સર્વશ્રેષ્ઠ નાગરિક સન્માન પદ્મશ્રીથી નવાજવામાં આવ્યા હતા. આ દ્વારા તેમણે લદાખની પાણીની સમસ્યા ઉકેલી હતી access_time 10:03 am IST

  • PNBના 12000 કરોડ રૂપિયાથી વધુના ગોટાળા કેસના મુખ્ય આરોપી નીરવ મોદી હોંગકોંગમાંથી પોતાનો વ્યવસાય સમેટવાની ફિરાકમાં છે. તપાસ એજન્સીઓ હોંગકોંગ પહોંચે તે પહેલા નીરવ મોદી હોંગકોંગમાં પોતાનો વ્યવસાય બંધ કરવામાં લાગ્યા છે. નીરવ મોદીની ફાયરસ્ટાર ઈન્ટરનેશનલ પ્રાઈવેટ લમિટેડની હોંગકોંગમાં પણ મોટો બિઝનેસ ધરાવે છે access_time 10:03 am IST

  • આજથી 88 વર્ષ પહેલા 12 માર્ચના ઐતિહાસિક દિવસે મહાત્મા ગાંધીએ અમદાવાદના સાબરમતી આશ્રમથી દાંડીકૂચ કરી બ્રિટિશ શાસનના પાયા હચમચાવી નાંખ્યા હતા. જેમાં દાંડી ખાતે ગાંધીજીએ ચપટી મીઠું ઉપાડીને કાયદો તોડીને સત્યાગ્રહ કરતા લોકજુવાળ ભભુકી ઉઠ્યો હતો. આજ દિવસે ગાધીએ સપથ લીધા હતા કે ‘કાગડા-કૂતરાના મોતે મરીશ પણ સ્વરાજ લીધા વિના પાછો નહીં ફરું' access_time 10:02 am IST