Gujarati News

Gujarati News

News of Tuesday, 13th March 2018

ભચાઉના ચિરાઇ નજીક નર્મદાની મુખ્ય પાઇપલાઇનમાં ભંગાણઃ જોશભેર પાણીનો ધોધ છૂટ્યોઃ પ૦ લાખ લીટર પાણી વહી ગયું

ભુજઃ કચ્‍છમાં ભર ઉનાળે પ૦ લાખ લીટર પાણીનો બગાડ થતા તંત્ર સામે ભારે રોષ ભભૂકી ઉઠ્યો છે.

કચ્છના ભચાઉ અને વરસામેડી ગામ વચ્ચેથી પસાર થતી નર્મદાની મુખ્યલાઇન પાસેના મેનહોલમાં એકાએક ભારે દબાણ આવતાં જોશભરે પાણીનો ધોધ વછુટતાં પાણીનો મોટો ગુંબજ બની ગયો હતો. એક અંદાજ અનુસાર, આ ઘટનાના કારણે 50 લાખ લિટર પાણીનો વ્યય થતાં આસપાસના વિસ્તારમાં તળાવનું નિર્માણ થઇ ગયું હતું. સાંજે સાડા સાત વાગ્યાના અરસામાં ઘટેલી આ ઘટનામાં એકાદ કલાક સુધી પાણીનો ધોધ અવીરત રીતે વહેતો રહ્યો હતો.

ઉલ્લેખનીય છે કે, એક તરફ હાલ ગુજરાતના લોકો પાણીની તંગી સામે ઝઝૂમી રહ્યા છે, ત્યારે બીજી તરફ હજારો લિટર પાણી વેડફાઈ રહ્યું છે. ખેડૂતોને ધરણા કરવા પડે તેવી પરિસ્થિતિ આ ઉનાળામાં સર્જાઈ છે.

(5:14 pm IST)
  • PNBના 12000 કરોડ રૂપિયાથી વધુના ગોટાળા કેસના મુખ્ય આરોપી નીરવ મોદી હોંગકોંગમાંથી પોતાનો વ્યવસાય સમેટવાની ફિરાકમાં છે. તપાસ એજન્સીઓ હોંગકોંગ પહોંચે તે પહેલા નીરવ મોદી હોંગકોંગમાં પોતાનો વ્યવસાય બંધ કરવામાં લાગ્યા છે. નીરવ મોદીની ફાયરસ્ટાર ઈન્ટરનેશનલ પ્રાઈવેટ લમિટેડની હોંગકોંગમાં પણ મોટો બિઝનેસ ધરાવે છે access_time 10:03 am IST

  • સપાના સુપ્રીમો અખિલેશ યાદવને મોટો આંચકોઃ રાજયસભા સાંસદ નરેશ અગ્રવાલ ભાજપમાં જોડાયા : ફિલ્મમાં કામ કરનારને ટિકિટ આપી જયારે પાર્ટીના નેતાની ટિકિટ કાપીઃ જયા બચ્ચનને રાજયસભાના ઉમેદવાર બનાવતા અગ્રવાલના આકરા પ્રહાર access_time 12:55 pm IST

  • કેજરીવાલને લાગ્યો વધુ એક મોટો ઝટકો : તેમના મુખ્ય સલાહકાર વી.કે. જૈનએ આપ્યું રાજીનામું : પારિવારિક અને અંગત કારણોસર રાજીનામું આપ્યું હોવાનું જણાવ્યું : તાજેતરમાં દિલ્હી CM ઓફિસમાં AAPના વિધાયકોએ મુખ્ય સચિવ સાથેની મારપીટ બાબતે વી.કે. જૈનની પોલીસે પૂછપરજ કરી હતી અને આ પછીજ તેમણે રાજીનામું ફગાવ્યું હોય, દિલ્હી સચિવાલયમાં ચર્ચાઓનું બજાર ગરમી પકડી રહ્યું છે. access_time 2:53 pm IST