Gujarati News

Gujarati News

News of Tuesday, 13th March 2018

ખંભાળીયામાં ભારત ગેસના ગોડાઉન ઉપર દરોડોઃ અનઅધિકૃત ગેસના ૩૪ બાટલા મળતા તપાસ

જામનગરઃ દેવભૂમિ દ્વારકામાં જામખંભાળિયામાં પુરવઠા વિભાગ દ્વારા કે.કે. એન્ટરપ્રાઇઝ નામના  ભારત ગેસના ગોડાઉન પર નાયબ કલેકટરે પુરવઠા વિભાગ સાથે દરોડા પાડયા હતા. અનઅધિકૃત ગેસના બાટલાના જથ્થો જણાતાં તપાસ આદરી છે.  આ દરમિયાન ૩૪ જેટલા બાટલા અનઅધિકૃત રીતે મળી આવ્યા હતાં અને વધુ તપાસ હાથ ધરવામાં આવી છે અને વધુ મોટો જથ્થો ઝડપાઇ તેવી શકયતા. (અહેવાલઃ મુકુંદ બદિયાણી, કૌશલ સવજાણી,  તસ્વીરઃ કિંજલ કારસરીયા-જામનગર-ખંભાળીયા)

(4:39 pm IST)
  • દુનિયાની સહુથી પાવરફુલ ફેરારી કાર ભારતમાં લોન્ચ થઈ : ફેરારી 812 સુપરફાસ્ટ કાર ભારતમાં રૂ. 5.2 કરોડ (એક્સ-શોરૂમ)માં લોન્ચ કરવામાં આવી છે. આ અત્યાર સુધીમાં બનાવાયેલ સૌથી શક્તિશાળી ફેરારી કાર છે. આ નવી કાર ભારતમાં એફ 12 બર્લિનેટાની જગ્યા લેશે. ફેરારી 812 સુપરફાસ્ટમાં 6.5 લિટર વી12 એન્જિન છે, જે 789 બીએચપીનો મેક્સિમમે પાવર આઉટપુટ આપશે. access_time 2:34 pm IST

  • આજથી 88 વર્ષ પહેલા 12 માર્ચના ઐતિહાસિક દિવસે મહાત્મા ગાંધીએ અમદાવાદના સાબરમતી આશ્રમથી દાંડીકૂચ કરી બ્રિટિશ શાસનના પાયા હચમચાવી નાંખ્યા હતા. જેમાં દાંડી ખાતે ગાંધીજીએ ચપટી મીઠું ઉપાડીને કાયદો તોડીને સત્યાગ્રહ કરતા લોકજુવાળ ભભુકી ઉઠ્યો હતો. આજ દિવસે ગાધીએ સપથ લીધા હતા કે ‘કાગડા-કૂતરાના મોતે મરીશ પણ સ્વરાજ લીધા વિના પાછો નહીં ફરું' access_time 10:02 am IST

  • સીરિયામાં સતત હવાઈ હુમલા અંગ અમેરીકાએ બોલાવી તાકિદની બેઠક : અમેરીકી અધિકારીઓએ જણાવ્યું કે, સતત હવાઈ હુમલાના અહેવાલો સાચા સાબીત થશે તો સીરિયા દ્વારા યુદ્ધ વિરામનો ભંગ ગણવામાં આવશે : તેઓએ વધુમાં જણાવ્યું કે, અમે બધા પક્ષોને આગ્રહ કર્યો છે કે તે કોઈ એવી કાર્યવાહિ ન કરે, જેનાથી યુદ્ધ વિરામની સ્થિતી જોખમાય, આ સ્થિતીની સમીક્ષા કરવા અને યુદ્ધ વિરામની સ્થિતી જળવાઈ રહે તે માટે અમે (અમેરીકાએ) જોર્ડનમાં એક તાકિદની બેઠક બોલાવી છે access_time 12:53 pm IST