Gujarati News

Gujarati News

News of Tuesday, 13th March 2018

...એકાદ કલાકથી દરવાજો ન ખૂલ્યો'ને જોયું તો વ્હાલસોયી દિકરી લટકતી'તીઃ માતા હતપ્રભ

પરિક્ષાના માહોલ વચ્ચેજ શિક્ષિકાના આપઘાતથી અરેરાટી : હળવદના વસંત પાર્કનો બનાવઃ ૨૨ વર્ષની હિરલ ગોઠીને ૬ મહિના પહેલા જ નોકરી મળી'તી

વઢવાણ તા.૧૩: પરિક્ષાના માહોલ વચ્ચે હળવદ પંથકમાં શિક્ષિકા યુવતિએ કોઇ અગમ્ય કારણસર ગળાટુપો ખાઇ જીવનલીલા સંકેલી લેતા તેના પરિવારજનોમાં કલ્પાંત પ્રસરી જવા પામ્યો છે.

વિગત મુજબ મુળ સરાની અને હાલ હળવદની વસંતપાર્ક સોસાયટીમાં પરિવાર સાથે ભાડે રહેતી હિરલ ગોવિંદભાઇ ગોઠી (ઉ.વ.૨૨)એ પોતાના ઘરે પંખા સાથે દુપટ્ટો બાંધીને આત્મહત્યા કરી હતી. આ બનાવની જાણ સગાસંબંધીઓ, શિક્ષણ વિભાગના કર્મચારીઓને થતા સરકારી હોસ્પિટલે દોડી ગયા હતા.

જાણવા મળ્યાનુસાર છેલ્લા ૬ મહિના પહેલાં જ નોકરી મળ્યા બાદ જૂના ઘાટીલામાં પ્રાથમિક શાળામાં શિક્ષિકા તરીકે ફરજ બજાવતા હિરલબેને નિત્ય ક્રમ મુજબ ગઇકાલે સવારે ૯ વાગ્યાના અરસામાં ફરજ પર જવા માટે રૂમનો દરવાજો બંધ કરી નાખ્યો હતો, એકાદ કલાક વિત્યા બાદ પણ બહાર નહી આવતા તેણીની માતાએ જોયુ તો પુત્રી ગળે ટૂપો ખાધેલી હાલતમાં લટકતી હતી. આ ઘટનાથી પરિવારજનો  અને સાથી શિક્ષકોમાં ઘેરા શોકની લાગણી પ્રવર્તી છે.

આ અંગે હળવદ પોલીસ ટાઉનબીટના જમાદાર કેશુભાઇ બાવળીયા, વનરાજસિંહ,ગંભીરસિંહ, સહિતનાએ ઘટનાસ્થળે પહોંચી મૃતદેહનો કબ્જો લઇ હળવદની સરકારી હોસ્પિટલે પીએમ માટે મોકલી આપ્યો હતો. આત્મહત્યાનું કારણ જાણવા પોલીસે તપાસ આગળ ધપાવી છે.(૧.૯)

(1:02 pm IST)
  • દુનિયાની સહુથી પાવરફુલ ફેરારી કાર ભારતમાં લોન્ચ થઈ : ફેરારી 812 સુપરફાસ્ટ કાર ભારતમાં રૂ. 5.2 કરોડ (એક્સ-શોરૂમ)માં લોન્ચ કરવામાં આવી છે. આ અત્યાર સુધીમાં બનાવાયેલ સૌથી શક્તિશાળી ફેરારી કાર છે. આ નવી કાર ભારતમાં એફ 12 બર્લિનેટાની જગ્યા લેશે. ફેરારી 812 સુપરફાસ્ટમાં 6.5 લિટર વી12 એન્જિન છે, જે 789 બીએચપીનો મેક્સિમમે પાવર આઉટપુટ આપશે. access_time 2:34 pm IST

  • મેકિસકોઃ હિંસાને કારણે ૨૪ કલાકમાં ૧૬ના મોત : મેકિસકોના ગુરેરોમાં છેલ્લા ૨૪ કલાકમાં હિંસાની જુદી-જુદી ઘટનાઓમાં કુલ ૧૬ના મોત થયા access_time 12:55 pm IST

  • કેજરીવાલને લાગ્યો વધુ એક મોટો ઝટકો : તેમના મુખ્ય સલાહકાર વી.કે. જૈનએ આપ્યું રાજીનામું : પારિવારિક અને અંગત કારણોસર રાજીનામું આપ્યું હોવાનું જણાવ્યું : તાજેતરમાં દિલ્હી CM ઓફિસમાં AAPના વિધાયકોએ મુખ્ય સચિવ સાથેની મારપીટ બાબતે વી.કે. જૈનની પોલીસે પૂછપરજ કરી હતી અને આ પછીજ તેમણે રાજીનામું ફગાવ્યું હોય, દિલ્હી સચિવાલયમાં ચર્ચાઓનું બજાર ગરમી પકડી રહ્યું છે. access_time 2:53 pm IST