Gujarati News

Gujarati News

News of Tuesday, 13th March 2018

ભાણવડ-ખંભાળીયામાં વરલી-મટકાનો જુગાર રમતા ૯ ઝડપાયા

ભાણવડ, તા. ૧૩ :. ભાણવડમાં જાહેરમાં વરલી મટકાનો જુગાર રમતા ઈમરાન મહમદઅલી રાઠોડ, રજાક જુસબ હિંગોરા, કાસમ રહીમભાઈ કાદરી, રફીક અલારખા બ્લોચ, ફરારી હરિયો દરબાર ઉપરોકત ચારેય આરોપી રોકડા રૂ. ૯૪૪૦ તથા મોબાઈલ ૫ રૂ. ૪૫૦૦ તથા જુગારનું સાહિત્ય સાથે કુલ મુદ્દામાલ ૧૩૯૪૦ સાથે પકડાઈ આવતા પોલીસે ઉપરોકત ચારેય આરોપી વિરૂદ્ધ ધોરણસરની કાર્યવાહી હાથ ધરી છે. પાંચમો આરોપી ફરાર થઈ જતા ફરાર જાહેર કરી આ પાંચેય ઈસમો વિરૂદ્ધ ગાંધીનગર મોનીટોરીંગ સેલના  ડી.ડી. ભીમાણીએ ફરીયાદ નોંધાવાતા આગળની કાર્યવાહી હાથ ધરી છે.

વાડીનારના ભરાણા ગામેથી જાહેરમાં વરલી મટકાનો જુગાર રમતા આરોપી ચેતન જમનાદાસ સવજાણી રૂ. ૪૨૦૦ તથા જુગારના સાહિત્ય સાથે પકડાઈ જતા પોલીસે કાર્યવાહી હાથ ધરી છે.

ખંભાળીયામાં બગીચા પાસે વરલી મટકાનો જુગાર રમતા ધીરજ નાનજીભાઈ પાંઉ, ચંદ્રેશ જેન્તીભાઈ મારૂ, અજાભાઈ ગગુભાઈ કારીયા, દિપક હરિભાઈ ચોપડા આ ચારેય ઈસમો રોકડા રૂ. ૩ હજાર સાથે જુગારના સાહિત્ય સાથે પકડાઈ આવતા પોલીસે આગળની કાર્યવાહી હાથ ધરી છે.

મોત

ખંભાળીયા તાલુકાના ભાડપર ગામે રહેતા હમીરભાઈ મેરામણભાઈ કરમુર (ઉ.વ. ૩૫)વાળા હલરમાં ધાણા કાઢતી વખતે અકસ્માતે પોતાનો પગ હલરમાં આવી જતા સારવાર દરમિયાન મરણ જતા પોલીસે આગળની તપાસ હાથ ધરી છે.

ઝેરી દવા પી લેતા મોત

કલ્યાણપુર તાલુકાના રાવલ ગામે રહેતા રમેશભાઈ કરસનભાઈ વાઘેલા (ઉ.વ.૪૦)વાળા કોઈ પણ કારણોસર ગત તા. ૨૦-૨-૧૮ના રોજ ઝેરી દવા પી ગયેલ બાદમાં વધુ સારવાર માટે રાજકોટ ખાનગી હોસ્પીટલમાં ખસેડવામાં આવેલ જ્યાં સારવાર દરમિયાન મરણ જતા પોલીસે આગળની તપાસ હાથ ધરી છે.

ફીનાઈલ પીધી

ખંભાળીયામા રહેતા મુકેશ બાબુભાઈ સીચએ અમુભાઈ ડોરૂને હાથ ઉછીના ૧૫ હજાર આપેલ જે પરત નહીં આવતા ભોગ બનનાર મુકેશભાઈ બાબુભાઈ સીચ એ ફીનાઈલ પી લેતા સારવારમાં ખસેડવામાં આવેલ છે.(૨-૧૫)

(12:59 pm IST)
  • મેકિસકોઃ હિંસાને કારણે ૨૪ કલાકમાં ૧૬ના મોત : મેકિસકોના ગુરેરોમાં છેલ્લા ૨૪ કલાકમાં હિંસાની જુદી-જુદી ઘટનાઓમાં કુલ ૧૬ના મોત થયા access_time 12:55 pm IST

  • PNBના 12000 કરોડ રૂપિયાથી વધુના ગોટાળા કેસના મુખ્ય આરોપી નીરવ મોદી હોંગકોંગમાંથી પોતાનો વ્યવસાય સમેટવાની ફિરાકમાં છે. તપાસ એજન્સીઓ હોંગકોંગ પહોંચે તે પહેલા નીરવ મોદી હોંગકોંગમાં પોતાનો વ્યવસાય બંધ કરવામાં લાગ્યા છે. નીરવ મોદીની ફાયરસ્ટાર ઈન્ટરનેશનલ પ્રાઈવેટ લમિટેડની હોંગકોંગમાં પણ મોટો બિઝનેસ ધરાવે છે access_time 10:03 am IST

  • આજથી 88 વર્ષ પહેલા 12 માર્ચના ઐતિહાસિક દિવસે મહાત્મા ગાંધીએ અમદાવાદના સાબરમતી આશ્રમથી દાંડીકૂચ કરી બ્રિટિશ શાસનના પાયા હચમચાવી નાંખ્યા હતા. જેમાં દાંડી ખાતે ગાંધીજીએ ચપટી મીઠું ઉપાડીને કાયદો તોડીને સત્યાગ્રહ કરતા લોકજુવાળ ભભુકી ઉઠ્યો હતો. આજ દિવસે ગાધીએ સપથ લીધા હતા કે ‘કાગડા-કૂતરાના મોતે મરીશ પણ સ્વરાજ લીધા વિના પાછો નહીં ફરું' access_time 10:02 am IST