Gujarati News

Gujarati News

News of Tuesday, 13th March 2018

જામનગર જિલ્લામાં સબલા યોજના હેઠળ આવરી લેવાયા ર૩૩૮૬ લાભાર્થીઓને

વિધાનસભામાં ધારાસભ્ય હકુભા જાડેજાએ પુછયા વિવિધ પ્રશ્નો... : સામુહિક વન નિર્માણ યોજનામાં પણ ૬૮૩ હેકટરમાં વાવેતર, ૬૩.પ૯ લાખનો ખર્ચ

જામનગર, તા. ૧૩ : ગુજરાત વિધાનસભામાં ધારાસભ્ય ધર્મેન્દ્રસિંહ મેરૂભા જાડેજા (હકુભા) એ જામનગર જિલ્લામાં સબલા યોજના હેઠળ તા. ૩૧ ડિસેમ્બરની સ્થિતિએ કેટલા લાભાર્થીઓનો સમાવેશ કરવામાં આવેલ છે ? જેમાં તાલુકાવાર કેટલા લાભાર્થીઓ છે ? જે પ્રશ્નના જવાબમાં મહિલા અને બાળ વિકાસ મંત્રીએ જણાવ્યું હતું કે જીલ્લામાં સબળા યોજના હેઠળ ર૩૩૮.૬ લાભાર્થીઓને આવરી લેવામાં આવ્યાં છે. જેમાં સબળા યોજના હેઠળ જામ જોધપુરમાં ર૩પ૪ લાભાર્થીઓ, લાલપુરમાં ૪૩૩૪ લાભાર્થીઓ, કાલાવડમાં ૩૧૧૧ લાભાર્થીઓ, ધ્રોલ રર૧૪ લાભાર્થીઓ, જોડીયામાં ર૧૩૧ લાભાર્થીઓ જામનગર ગ્રામ્ય ઘટક-૧ ૩૬૪૯ લાભાર્થીઓ જયારે જામનગર ગ્રામ્ય ઘટક-રમાં ૪પ૪૩ લાભાર્થીઓ આવરી લેવાયા છે.

એવી જ રીતે વન વિભાગના સામુહિક વન નિર્માણ યોજના હેઠળ જીલ્લામાં ર૦૧૬-૧૭ અને ર૦૧૭-૧૮માં કેટલા વિસ્તારમાં રોપાનું વાવેતર કરવામાં આવેલ છે. જેના જવાબમાં વન મંત્રીએ જણાવ્યું હતું કે કુલ ૬૮૩ હેકટરમાં વાવેતર કરવામાં આવેલ છે.

તો પેટા પ્રાંતમાં હકુભા કાલાવડ તાલુકામાં કેટલા વિસ્તારમાં વાવેતર કરેલ છે.

અત્રે માહિતી માંગણતા વન મંત્રીએ કહ્યું હતું કે, કાલાવડ તાલુકામાં ૧૩પ હેકટરમાં વાવેતર કરેલ છે. સાથે સાથે રોપાના વાવેતર પાછળ કુલ રૂ. ૬૩.પ૯ લાખનો ખર્ચ થયાની પણ વિગતો વર્ણવાઇ હતી.(૯.૪)

(12:58 pm IST)
  • ટ્રક-બોલેરો અથડાતા ૪ મોતઃ ૭ ગંભીરઃ રાજસ્થાનથી જાલોદ આવતી ટ્રક સાથે વહેલી સવારે બોલેરો અથડાતા ૪ના મોતઃ ૭ને ઈજાઃ દાહોદ ખસેડયા access_time 11:28 am IST

  • છત્તીસગઢના સુકમા જિલ્લામાં એક મોટો નક્સલવાદી હુમલો થયો છે. આ હુમલામાં, આઠ સીઆરપીએફના જવાનો શહીદ થયા છે. સુકમા જિલ્લાના કાસ્તરામ વિસ્તારમાં આ હુમલો થયો હતો. આ બ્લાસ્ટ્સ, લેન્ડમાઇન દ્વારા કરવામાં આવ્યો છે. આ દરમિયાન, માઓવાદીઓ અને સુરક્ષા કર્મચારીઓ વચ્ચે એન્કાઉન્ટર થયું હતું, જેમાં છ જવાનો ઘાયલ થયા છે, એમાંથી 4 જવાનોની હાલત ગંભીર ગણાવામાં આવી રહી છે. access_time 2:26 pm IST

  • કેજરીવાલને લાગ્યો વધુ એક મોટો ઝટકો : તેમના મુખ્ય સલાહકાર વી.કે. જૈનએ આપ્યું રાજીનામું : પારિવારિક અને અંગત કારણોસર રાજીનામું આપ્યું હોવાનું જણાવ્યું : તાજેતરમાં દિલ્હી CM ઓફિસમાં AAPના વિધાયકોએ મુખ્ય સચિવ સાથેની મારપીટ બાબતે વી.કે. જૈનની પોલીસે પૂછપરજ કરી હતી અને આ પછીજ તેમણે રાજીનામું ફગાવ્યું હોય, દિલ્હી સચિવાલયમાં ચર્ચાઓનું બજાર ગરમી પકડી રહ્યું છે. access_time 2:53 pm IST