Gujarati News

Gujarati News

News of Tuesday, 13th March 2018

લોધીકા ચાંદલી કેન્દ્રમાં પરીક્ષાર્થીઓનું કુમકુમ તિલક-મોં મીઠા કરાવીને સ્વાગત

લોધીકાઃ ધો.૧૦ અને ધો.૧રની બોર્ડની પરીક્ષા અન્વયે લોધીકાના ચાંદલી ગામે શ્રી કન્યા હાઇસ્કુલના પરીક્ષા કેન્દ્ર પર વિદ્યાર્થીઓનું કુમકુમ તિલક, મીઠાઇ સાથે સ્વાગત કરવામાં આવેલ હતું. ચાંદલી પરીક્ષા કેન્દ્ર ખાતે કુલ ર૩પ વિદ્યાર્થીઓ પરીક્ષા આપી રહેલ છે. કેન્દ્ર ખાતે પરીક્ષા સુચારૂ રીતે યોજાઇ તે માટે તમાામ વ્યવસ્થા કરવામાં આવેલ છે. આજે પરીક્ષાના પ્રથમ દિવસે વિદ્યાર્થીઓને ચાંદલી કન્યા છાત્રાલયના મેનેજીંગ ટ્રસ્ટી છગનભાઇ મોરડ, મનસુખભાઇ સરધારા, મગનભાઇ વસોયા, વિપુલભાઇ મોરડ, આચાર્ય નિતાબેન ઠુમર, શિક્ષકો દ્વારા વિદ્યાર્થીઓ તનાવ મુકત વાતાવરણમાં પરીક્ષા આપી શકે તેમજ પ્રથમ વખત પરીક્ષા આપી રહેલ વિદ્યાર્થીઓમાં પરીક્ષાનો ખોટો હાઉ ઉભો ન થાય તે માટે વિદ્યાર્થીઓનું કુમકુમ તિલક કરી મોઢુ મીઠુ કરાવવામાં આવેલ હતું.  (તસ્વીરઃ અહેવાલઃ સલીમ વલોરા-લોધીકા)

(11:33 am IST)
  • PNBના 12000 કરોડ રૂપિયાથી વધુના ગોટાળા કેસના મુખ્ય આરોપી નીરવ મોદી હોંગકોંગમાંથી પોતાનો વ્યવસાય સમેટવાની ફિરાકમાં છે. તપાસ એજન્સીઓ હોંગકોંગ પહોંચે તે પહેલા નીરવ મોદી હોંગકોંગમાં પોતાનો વ્યવસાય બંધ કરવામાં લાગ્યા છે. નીરવ મોદીની ફાયરસ્ટાર ઈન્ટરનેશનલ પ્રાઈવેટ લમિટેડની હોંગકોંગમાં પણ મોટો બિઝનેસ ધરાવે છે access_time 10:03 am IST

  • છત્તીસગઢના સુકમા જિલ્લામાં એક મોટો નક્સલવાદી હુમલો થયો છે. આ હુમલામાં, આઠ સીઆરપીએફના જવાનો શહીદ થયા છે. સુકમા જિલ્લાના કાસ્તરામ વિસ્તારમાં આ હુમલો થયો હતો. આ બ્લાસ્ટ્સ, લેન્ડમાઇન દ્વારા કરવામાં આવ્યો છે. આ દરમિયાન, માઓવાદીઓ અને સુરક્ષા કર્મચારીઓ વચ્ચે એન્કાઉન્ટર થયું હતું, જેમાં છ જવાનો ઘાયલ થયા છે, એમાંથી 4 જવાનોની હાલત ગંભીર ગણાવામાં આવી રહી છે. access_time 2:26 pm IST

  • આજથી 88 વર્ષ પહેલા 12 માર્ચના ઐતિહાસિક દિવસે મહાત્મા ગાંધીએ અમદાવાદના સાબરમતી આશ્રમથી દાંડીકૂચ કરી બ્રિટિશ શાસનના પાયા હચમચાવી નાંખ્યા હતા. જેમાં દાંડી ખાતે ગાંધીજીએ ચપટી મીઠું ઉપાડીને કાયદો તોડીને સત્યાગ્રહ કરતા લોકજુવાળ ભભુકી ઉઠ્યો હતો. આજ દિવસે ગાધીએ સપથ લીધા હતા કે ‘કાગડા-કૂતરાના મોતે મરીશ પણ સ્વરાજ લીધા વિના પાછો નહીં ફરું' access_time 10:02 am IST