Gujarati News

Gujarati News

News of Tuesday, 13th March 2018

અમરેલી જિલ્લામાં વાહનનો ટેકસ એડવાન્સમાં ભરવા સહાયક પ્રાદેશિક વાહન વ્યવહાર કચેરીનું આયોજન

અમરેલી તા. ૧૩ : એપ્રિલ-૨૦૧૮માં વાહનનો ટેકસ ભરવાનો થતો હોય તેવા વાહનમાલિકોએ, એપ્રિલ-૨૦૧૮ની સમયમર્યાદમાં ટેકસ ભરી દેવાનો રહે છે. ટેકસ ભરવાની નિયત સમયમર્યાદાના અંતિમ ચરણમાં ખૂબ ધસારો રહે છે આથી કેટલીક અગવડતા ઉભી થાય છે. તા.૮ માર્ચ-૨૦૧૮થી એડવાન્સ ટેકસ સ્વીકારવાની વ્યવસ્થા કરવામાં આવી છે ત્યારે આ સ્કીમનો લાભ લેવા અમરેલી જિલ્લા સહાયક પ્રાદેશિક વાહન વ્યવહાર અધિકારીશ્રીની યાદીમાં જણાવવામાં આવ્યું છે. 

દ્વિચક્રી મોટર સાયકલ માટે નવી સીરિઝ GJ 14 00001 to 9999ની ઇ-ઓકશન પ્રક્રિયા હાથ ધરવામાં આવી છે. તા.૧૫ થી તા.૨૧ માર્ચ-૨૦૧૮ સુધી ઇ-ઓકશન પ્રક્રિયા શરૂ રહેશે, ત્યાં સુધી ઓનલાઇન અરજી કરી શકાશે. ઇ-ઓકશનમાં બિડીંગ તા.૨૨ થી તા.૨૭ માર્ચ-૨૦૧૮ સુધી કરવામાં આવશે. તા.૨૭ માર્ચ-૨૦૧૮ને સાંજે ૪.૩૦ કલાકે ઇ-ઓકશનનું પરિણામ જાહેર થશે. http:parivahan.gov.in/parivahan/ પર નોંધણી, યુઝર આઇ.ડી., પાસવર્ડ તૈયાર કરવાની હરાજીની પ્રક્રિયામાં ભાગ લેવો, ચૂકવણું કરવું અને વાહન નંબર મેળવવો. અરજદારે ઓનલાઇન ઓકશન દરમિયાન આર.બી.આઇ. દ્વારા નિયત કરવામાં આવેલ દરે ચાર્જ ચૂકવવાનો રહેશે. યુ-ટ્યુબ પર ઇ-ઓકશન-આર.ટી.ઓ. ગુજરાત સર્ચ કરવાથી વિડીયો મેળવી શકાશે. આ સંબંધિત તમામ માહિતી-વિગતો માટે સહાયક પ્રાદેશિક વાહન વ્યવહાર કચેરી-અમેરલીના હેડકલાર્કશ્રીનો સંપર્ક કરવા, અમરેલી જિલ્લા સહાયક પ્રાદેશિક વાહન વ્યવહાર અધિકારીશ્રીની યાદીમાં જણાવવામાં આવ્યું છે.(૨૧.૪)

(10:07 am IST)
  • છત્તીસગઢના સુકમા જિલ્લામાં એક મોટો નક્સલવાદી હુમલો થયો છે. આ હુમલામાં, આઠ સીઆરપીએફના જવાનો શહીદ થયા છે. સુકમા જિલ્લાના કાસ્તરામ વિસ્તારમાં આ હુમલો થયો હતો. આ બ્લાસ્ટ્સ, લેન્ડમાઇન દ્વારા કરવામાં આવ્યો છે. આ દરમિયાન, માઓવાદીઓ અને સુરક્ષા કર્મચારીઓ વચ્ચે એન્કાઉન્ટર થયું હતું, જેમાં છ જવાનો ઘાયલ થયા છે, એમાંથી 4 જવાનોની હાલત ગંભીર ગણાવામાં આવી રહી છે. access_time 2:26 pm IST

  • ભારતના ‘આઈસ મેન' તરીકે ઓળખતા ચેવાંગ નોર્ફેલ દ્વારા 1987માં ભારતનો પ્રથમ ‘આર્ટિફિશિયલ ગ્લેશિયર' (કૃત્રિમ હિમપર્વત) બનાવાયો હતો. તેમણે અત્યાર સુધીમાં 17થી વધુ ‘આર્ટિફિશિયલ ગ્લેશિયર બનાવ્યા છે. તેમની આ ઉપલબ્ધિ માટે તેમને 2015માં દેશના ચોથા સર્વશ્રેષ્ઠ નાગરિક સન્માન પદ્મશ્રીથી નવાજવામાં આવ્યા હતા. આ દ્વારા તેમણે લદાખની પાણીની સમસ્યા ઉકેલી હતી access_time 10:03 am IST

  • PNBના 12000 કરોડ રૂપિયાથી વધુના ગોટાળા કેસના મુખ્ય આરોપી નીરવ મોદી હોંગકોંગમાંથી પોતાનો વ્યવસાય સમેટવાની ફિરાકમાં છે. તપાસ એજન્સીઓ હોંગકોંગ પહોંચે તે પહેલા નીરવ મોદી હોંગકોંગમાં પોતાનો વ્યવસાય બંધ કરવામાં લાગ્યા છે. નીરવ મોદીની ફાયરસ્ટાર ઈન્ટરનેશનલ પ્રાઈવેટ લમિટેડની હોંગકોંગમાં પણ મોટો બિઝનેસ ધરાવે છે access_time 10:03 am IST