Gujarati News

Gujarati News

News of Tuesday, 13th February 2018

જખૌના દરિયામાંથી ૭ પાકિસ્‍તાની માછીમારો સાથે બોટ ઝડપાઇ

ભુજઃ ભારતીય જળસીમામાં ઘુસી ગયેલા ૭ પાકિસ્‍તાની માછીમારો સાથેની બોટને ભારતીય સુરક્ષા અેજન્‍સી દ્વારા ઝડપી લેવામાં આવી છે અને ઝડપાયેલા માછીમારોની પૂછપરછ હાથ ધરવામાં આવી છે.

પ્રાપ્ત માહિતી મુજબ જખૌના દરિયામાંથી પાકિસ્તાનની ફિશિંગ બોટ ઝડપાઈ છે. અલ-હિલાલ નામની આ પાકિસ્તાની બોટને ઈન્ડિયન કોસ્ટગાર્ડે ઝડપી પાડી છે. જખૌના દરિયામાંથી 16 નોટિકલ માઈલ દૂરથી આ બોટ ઝડપાઈ છે.

ભારતીય જળસીમામાં ગેરકાયદે પ્રવેશેલી અલ-હિલાલ બોટને ઈન્ડિયન કોસ્ટગાર્ડની શીપ મીરાબેને ઈન્ટરસેપ્ટ કરી હતી. ત્યારબાદ તેમાં સવાર સાત ખલાસીઓની પૂછપરછ હાથ ધરવામાં આવી. અને સાતેયને પૂછપરછ માટે જખૌ દરિયા કિનારે લાવવામાં આવશે. જે બાદ સુરક્ષા એજન્સીઓ ઝડપાયેલા પાકિસ્તાનીઓની વધુ પૂછપરછ કરશે.

(8:08 pm IST)
  • મહારાષ્ટ્રના નાગપુરમાં નગરનિગમે ટ્રાન્સજેન્ડર્સ માટે એક અલગ ટૉઇલેટ બનાવવાનો નિર્ણય લીધો છે. વર્ષ 2014માં સુપ્રીમ કોર્ટ તરફથી ટ્રાન્સજેન્ડર્સ માટે લેવાયેલા મહત્ત્વપૂર્ણ નિર્ણય છતાં મહારાષ્ટ્ર આ મામલે ધીમું ચાલી રહ્યું હતું. નાગપુરમાં સોમવારે કલેક્ટરેટ ઓફિસમાં આ બાબતે બેઠક યોજાઈ હતી. access_time 1:30 am IST

  • આલેલે!! વસુંધરાએ બોલેલું ફેરવી તોળ્યુ!! : ''અભી બોલો અભી ફોક'' : ગઈકાલે બજેટમાં ખેડૂતોના ૮ હજાર કરોડના દેવા માફ કરવાની જોગવાઈનો અમલ થશે જ તેવી કોઈ ગેરંટી નથી : જુદી જુદી જોગવાઈઓના સંપૂર્ણ અમલમાંથી રાજસ્થાનના મુખ્યમંત્રી શ્રીમતી વસુંધરા રાજેની પીછેહટ access_time 4:16 pm IST

  • અમેરિકી રાષ્ટ્રપતિ ડોનાલ્ડ ટ્રમ્પના દિકરા ડોનાલ્ડ ટ્રમ્પ જુનિયરના પત્ની વેનેસા ટ્રમ્પને સોમવારે સવારે ન્યૂયોર્ક સિટી હોસ્પિટલમાં દાખલ કરવામાં આવ્યા હતા. તેમણે પોતાના પતિના નામે આવેલા અનામી કવરમાં ભેદી સફેદ પાવડર સ્પર્શ કર્યા બાદ સુરક્ષાના ભાગરૂપે તેમને હોસ્પિટલ લઇ જવાયા હતા. ડોકટરી તપાસ બાદ માલુમ પડ્યું છે કે પાવડર જોખમી ન હતો. access_time 4:08 pm IST