Gujarati News

Gujarati News

News of Tuesday, 13th February 2018

એ બાળા જામનગરનાં કૃષ્ણનગરમાં રહેતી ઇશા વણિક હોવાનું ખુલ્યુ : સાવકી માતા ઘર છોડીને જતી રહી છે : પિતા અને સાવકા ભાઇ સાથે ૯ વર્ષની બાળા રહેતી હતીઃ શરીર ઉપર ડામ તથા હાથનાં કાંડામાં ગંભીર પ્રકારની ઇજાઓ

તસ્વીરમાં મૃતક બાળાનો મૃતદેહ જે મકાનમાંથી મૃતદેહ મળ્યો તે તથા પોલીસ કાફલો અને લતાવાસીઓ નજરે પડે છે. (તસ્વીર કિંજલ કારસરીયા, જામનગર)

(મુકુંદ બદિયાણી દ્વારા) જામનગર, તા. ૧૩ :  જામનગરમાં ૯ વર્ષની બાળા ઉપર દુષ્કર્મ આચરીને તેની હત્યા થતા ખળભળાટ મચી ગયો છે. આ બાળા ઉપર અત્યાચાર ગુજારીને તેને ડામ દેવામાં આવ્યા હોવાનું પણ ચર્ચાઇ રહ્યું છે તેમજ હાથ અને પગ ઉપર ગંભીર પ્રકારની ઇજાઓ જોવા મળી રહી છે.

આ બાળા જામનગરના કૃષ્ણનગર શેરી નં. ૪-પમાં રહેતા પરિવારની ''ઇશા'' નામની બાળા હોવાનું પોલીસની પ્રાથમિક  તપાસમાં ખુલ્યુ છે.

પોલીસે મૃતદેહનો કબ્જો લઇને ૧૦૮ એમયુલન્સની મદદથી જામનગરની જી.જી. હોસ્પિટલમાં પોસ્ટમોર્ટમ માટે ખસેડી છે. અને તપાસનો ધમધમાટ શરૂ કર્યો છે. દરમિયાન પ્રાથમિક તપાસમાં જાણવા મળ્યા મુજબ કૃષ્ણનગર શેરી નં. ૪/પ માં ચેતનભાઇ વણિકની પુત્રી ઇશાનો મૃતદેહ મળી આવ્યો છે. જેમાં ઇશાની સાવકી માતા ઘર છોડીને ચાલી ગઇ છે અને તે કર્ણાકટ બાજુની પરપ્રાંતિય હોવાનું જાણવા મળ્યુ છે. હાલમાં મૃતક ઇશા કૃષ્ણનગરમાં કૃષ્ણકૃપા મકાનમાં તેમના પિતા ચેતનભાઇ વણિક અને સાવકા ભાઇ સાથે રહેતી હોવાનું અને આજે તબીયત લથડતા ૧૦૮ એમ્બ્યુલન્સ મારફત હોસ્પિટલે ખસેડવામાં આવેલ હોવાનું જાણવા મળ્યું છે. શંકાસ્પદ હાલતમાં મળેલ મૃતદેહ અંગે પોલીસે તપાસનો ધમધમાટ શરૂ કર્યો છે.

(4:32 pm IST)
  • અમેરિકી રાષ્ટ્રપતિ ડોનાલ્ડ ટ્રમ્પના દિકરા ડોનાલ્ડ ટ્રમ્પ જુનિયરના પત્ની વેનેસા ટ્રમ્પને સોમવારે સવારે ન્યૂયોર્ક સિટી હોસ્પિટલમાં દાખલ કરવામાં આવ્યા હતા. તેમણે પોતાના પતિના નામે આવેલા અનામી કવરમાં ભેદી સફેદ પાવડર સ્પર્શ કર્યા બાદ સુરક્ષાના ભાગરૂપે તેમને હોસ્પિટલ લઇ જવાયા હતા. ડોકટરી તપાસ બાદ માલુમ પડ્યું છે કે પાવડર જોખમી ન હતો. access_time 4:08 pm IST

  • વરરાજાની કારે જાનૈયાને હડફેટે લીધા : ૨૪ને ઈજા : મધ્યપ્રદેશના જાજગીરપુરની ઘટના : વરરાજાની કાર બેકાબુ થઈ access_time 3:31 pm IST

  • દુબઈમાં તૈયાર થઈ વિશ્વની સૌથી ઊંચી હોટલ : દુબઈએ વિશ્વની સૌથી ઉંચી હોટલ બનાવી પોતાનો જ રેકોર્ડ તોડ્યો : આ છે હોટલ ગેવોરા. જે વિશ્વની સૌથી ઉંચી હોટલ છે. હોટલની ઉંચાઈ 356 મીટર છે. એટલે કે 1 હજાર 186 ફૂટ. સોનાથી બનેલી હોટલ ગેવોરા 75 માળની છે. જેમાં 528 રૂમો છે. જેમાં 232 ડિલક્સ રૂમ, 265 વન બેડ રૂમ ડિલક્સ રૂમ અને 31 ટુ બેડરૂમ સ્યુટ છે : હોટલ ગેવોરા શેખ ઝાયદ રોડ પર દુબઈ ઈન્ટરનેશનલ ફાયનાન્સ સેક્ટર પાસે આવેલી છે : આ હોટલમાં ચાર રેસ્ટોરન્ટ, ઓપન એર સ્વિમિંગ પૂલ, જાકુઝી અને હેલ્થ ક્લબ પણ છે : આ વિશાળ હોટલમાં 6 લિફ્ટ છે. દરેક લિફ્ટ 26 કિમી પ્રતિ કલાકની સ્પીડે દોડે છે : આ પહેલા પણ વિશ્વની સૌથી ઉંચી હોટલનો રેકોર્ડ દુબઈના નામે જ હતો. હોટલ જે ડબ્લ્યુ મેરિએટ માર્કિસની ઉંચાઈ કરતા હોટલ ગેવોરા ફક્ત એક મીટર ઉંચી છે access_time 9:39 am IST