Gujarati News

Gujarati News

News of Tuesday, 13th February 2018

જામનગરમાં ૯ વર્ષની બાળાની ક્રુર હત્યાઃ દુષ્કર્મ આચર્યાની શંકા

રાજકોટમાં ૩ વર્ષની બાળા ઉપર દુષ્કર્મ-હત્યા પ્રકરણમાં હજુ આરોપીઓ પકડાયા નથી ત્યાં હાલારમાં ફિટકાર વરસાવતી ઘટના...

જામનગર તા.૧૩ :  રાજકોટમાં ર થી ૩ દિવસ પહેલા ૩ વર્ષની માસુમ બાળા ઉપર દુષ્કર્મ આચરીને તેની હત્યા કર્યાની ઘટનાનો ભેદ હજુ ઉકેલાયો નથી ત્યાં જામનગરમાં ૯ વર્ષની બાળાની હત્યા થતા અરેરાટી વ્યાપી ગઇ છે. આ બાળા ઉપર દુષ્કર્મ આચરવામાં આવ્યુ હોવાની આશંકા છે.

પ્રાપ્ત માહિતી મુજબ જામનગરમાં ૯ વર્ષની બાળાની હત્યા થતા પોલીસે તપાસનો ધમધમાટ શરૂ કર્યો છે. સાવકા ભાઇએ જ નાની બહેનની હત્યા કરી હોવાની પણ આશંકા સેવાઇ રહી છે.

જો કે પરિવારજનો મકાન ઉપર પડી જતા મોત થયાનુ જણાવી રહ્યા છે તો બીજી તરફ બાળકી સાથે દુષ્કર્મ આચર્યાની શંકા વ્યકત કરવામાં આવી રહી છે.

આ બનાવ અંગે જામનગર પોલીસ કંટ્રોલરૂમના અહેવાલમાં જણાવાયુ છે કે ૯ વર્ષની બાળાની હત્યા અંગે સી ડીવીઝન પોલીસે તપાસ હાથ ધરી છે. જયારે સીટી સી ડીવીઝન પોલીસનો સંપર્ક કરતા હત્યાના બનાવ અંગે સમર્થન આપ્યુ હતુ અને જી.જી.હોસ્પિટલમાં પોલીસ કાફલો તપાસ કરી રહ્યો હોવાનુ જણાવ્યુ હતુ. વધુ વિગતો મેળવાઇ રહી છે. (૩-૧૬)

(3:47 pm IST)
  • કર્ણાટકમાં ચૂંટણી પ્રચાર માટે પહોંચેલા કેન્દ્રીય પ્રધાન પ્રકાશ જાવડેકરે કોંગ્રેસ અધ્યક્ષ રાહુલ ગાંધી પર નિશાન સાધ્યું હતું. શ્રી જાવડેકરે કહ્યું હતું કે રાહુલ ગાંધી જ્યા ચૂંટણી પ્રચારમાં જાય છે ત્યા કોંગ્રેસની હાર થાય છે. અને ભાજપનો વિજય થાય છે. તેમણે રાહુલ ગાંધીએ મંદિરના દર્શન પર કટાક્ષ કરતા કહ્યુ હતું કે હવે તો કોંગ્રેસની જાહેરાતમાં પણ કેસરિયો રંગ જોવા મળી રહ્યો છે access_time 9:39 am IST

  • છત્તીસગઢની રમણસિંઘ ભાજપ સરકાર માટે રાહતના સમાચારઃ વીઆઈપીઓ માટે ઓગષ્ટા હેલીકોપ્ટરની ખરીદીમાં ભ્રષ્ટાચાર અંગે તપાસની માંગણી કરતી એક જાહેર હિતની અરજી સુપ્રિમ કોર્ટે રદબાતલ કરી છે : આ પીઆઈએલ (પબ્લિક ઈન્ટરેસ્ટ લીટીગેશન) દ્વારા છત્તીસગઢના મુખ્યમંત્રી રમણસિંઘના પુત્રના વિદેશી બેન્ક ખાતાઓમાં ઠલવાયેલ નાણા સંદર્ભે તપાસની માંગણી થયેલ access_time 11:38 am IST

  • મહારાષ્ટ્રના નાગપુરમાં નગરનિગમે ટ્રાન્સજેન્ડર્સ માટે એક અલગ ટૉઇલેટ બનાવવાનો નિર્ણય લીધો છે. વર્ષ 2014માં સુપ્રીમ કોર્ટ તરફથી ટ્રાન્સજેન્ડર્સ માટે લેવાયેલા મહત્ત્વપૂર્ણ નિર્ણય છતાં મહારાષ્ટ્ર આ મામલે ધીમું ચાલી રહ્યું હતું. નાગપુરમાં સોમવારે કલેક્ટરેટ ઓફિસમાં આ બાબતે બેઠક યોજાઈ હતી. access_time 1:30 am IST